قىتاي استاناسى بەيجٸڭدە قىتاي كوممۋنيستٸك پارتيياسىنىڭ قۇرىلعانىنا 105 جىل تولۋىنا ارنالعان سالتاناتتى جيىن ٶتٸپ, مەملەكەت پەن قوعامنىڭ دامۋىنا ەرەكشە ٷلەس قوسقان ازاماتتارعا پارتييانىڭ ەڭ جوعارى ماراپاتى – «1 شٸلدە» وردەنٸ تابىستالدى, دەپ حابارلايدى ult.kz سسTV تەلەارناسىنا سٸلتەمە جاساپ.
بيىل بۇل جوعارى ماراپاتقا سەگٸز ادام يە بولدى. ولاردىڭ قاتارىندا قازاق ۇلتىنىڭ ٶكٸلٸ, دەرٸگەر ۋحاس سٷلەيمەن دە بار. ول وسى وردەنگە يە بولعان العاشقى قازاق رەتٸندە تاريحقا ەندٸ.
قىتايدىڭ رەسمي مەلٸمەتٸنە سەيكەس, ۋحاس سٷلەيمەن ٶمٸرٸن شەكارالىق ٶڭٸر تۇرعىندارىنىڭ دەنساۋلىعىن قورعاۋعا ارناعان. ول 40 جىلدان استام ۋاقىت بويى اتپەن جايلاۋ مەن شالعايداعى ەلدٸ مەكەندەردٸ ارالاپ, قولىندا دەرٸ قوبديشاسىمەن حالىققا مەديتسينالىق كٶمەك كٶرسەتٸپ كەلەدٸ. دەرٸگەر اپتاپ ىستىق پەن قاقاعان ايازعا قاراماستان تۇرعىندارعا قىزمەت ەتۋدٸ توقتاتپاعان.
ۋحاس سٷلەيمەن شىڭجاڭ-ۇيعىر اۆتونومييالىق اۋدانىنداعى تارباعاتاي ايماعىنا قاراستى دٶربٸلجٸن اۋداندىق مال شارۋاشىلىعى اۋرۋحاناسىندا ٸشكٸ اۋرۋلار بٶلٸمٸنٸڭ باس دەرٸگەرٸنٸڭ ورىنباسارى قىزمەتٸن اتقارعان.
1975 جىلدان بەرٸ ول 100 مىڭنان استام ناۋقاستى ەمدەپ, مىڭداعان اۋىر حەلدەگٸ ادامنىڭ ٶمٸرٸن ساقتاپ قالۋعا ٷلەس قوستى. سونداي-اق 3200-دەن استام سەبيدٸڭ دٷنيەگە كەلۋٸنە كٶمەكتەسكەن.
اۋىلدىق دەنساۋلىق ساقتاۋ سالاسىن دامىتۋعا سٸڭٸرگەن ەڭبەگٸ ٷشٸن بۇعان دەيٸن دە ۋحاس سٷلەيمەن «ۇلتتىق دەنساۋلىق ساقتاۋ جٷيەسٸنٸڭ ٷزدٸك قىزمەتكەرٸ», «قىتايدىڭ 1 مامىر ەڭبەك مەدالٸ» جەنە «ۇلتتار بٸرلٸگٸ مەن پروگرەسٸنٸڭ ٷزدٸك قايراتكەرٸ» سەكٸلدٸ مەملەكەتتٸك ماراپاتتارعا يە بولعان.
ايتا كەتەيٸك, «1 شٸلدە» وردەنٸ – قىتاي كوممۋنيستٸك پارتيياسىنىڭ ەڭ جوعارى پارتييالىق ماراپاتى. ول 2017 جىلى تاعايىندالىپ, ەدەتتە بەس جىلدا بٸر رەت ەلدٸڭ ەلەۋمەتتٸك-ەكونوميكالىق دامۋىنا ايرىقشا ٷلەس قوسقان پارتييا مٷشەلەرٸنە بەرٸلەدٸ. بٷگٸنگە دەيٸن بۇل ماراپاتتى 37 ادام العان. ۋحاس سٷلەيمەن – اتالعان وردەنگە يە بولعان تۇڭعىش قازاق.
