قىرعىزستاننان قازاقستانعا جەتكٸزٸلمەك بولعان كارانتيندٸك زييانكەستەر انىقتالعان 2,2 توننادان استام جەمٸس ٶنٸمٸنٸڭ ەل اۋماعىنا ەنگٸزٸلۋٸنە تىيىم سالىندى, دەپ حابارلايدى ult.kz.
اۋىل شارۋاشىلىعى مينيسترلٸگٸ اگروٶنەركەسٸپتٸك كەشەندەگٸ مەملەكەتتٸك ينسپەكتسييا كوميتەتٸنٸڭ جامبىل وبلىسى بويىنشا اۋماقتىق ينسپەكتسيياسىنىڭ مەلٸمەتٸنشە, زاڭبۇزۋشىلىق «قورداي» اۆتوموبيل ٶتكٸزۋ بەكەتٸندە فيتوسانيتارييالىق باقىلاۋ كەزٸندە انىقتالعان.
تەكسەرۋ بارىسىندا قىرعىز رەسپۋبليكاسىنان كەلگەن كٶلٸكتەگٸ 800 كەلٸ جاڭا پٸسكەن الحورىدان كومستوك سىمىرى, ال 1 450 كەلٸ شيە پارتيياسىنان ازييالىق جەمٸس شىبىنى تابىلعان.
مامانداردىڭ ايتۋىنشا, بۇل كارانتيندٸك زييانكەستەر اۋىل شارۋاشىلىعى ٷشٸن اسا قاۋٸپتٸ. ولار تارالعان جاعدايدا جەمٸس اعاشتارىن زاقىمداپ, باۋ-باقشا شارۋاشىلىقتارىنا ەلەۋلٸ ەكونوميكالىق شىعىن كەلتٸرۋٸ مٷمكٸن.
فيتوسانيتارييالىق باقىلاۋ قورىتىندىسى بويىنشا زالالدانعان ٶنٸمدەردٸڭ بارلىعى قازاقستان اۋماعىنا ٶتكٸزٸلمەي, كەرٸ قايتارىلدى.
سونىمەن قاتار, قۇقىق بۇزۋشىلار ەكٸمشٸلٸك جاۋاپكەرشٸلٸككە تارتىلىپ, ولارعا ايىپپۇل سالىندى.
اۋىل شارۋاشىلىعى مينيسترلٸگٸ اگروٶنەركەسٸپتٸك كەشەندەگٸ مەملەكەتتٸك ينسپەكتسييا كوميتەتٸ مەملەكەتتٸك شەكارادا فيتوسانيتارييالىق باقىلاۋ كٷشەيتٸلگەن رەجيمدە جالعاساتىنىن اتاپ ٶتتٸ. بۇل شارالار قاۋٸپتٸ كارانتيندٸك نىسانداردىڭ قازاقستان اۋماعىنا ەنۋٸ مەن تارالۋىنا جول بەرمەۋگە باعىتتالعان.
