Qyrǵyzstannan Qazaqstanǵa jetkizilmek bolǵan karantindik ziiankester anyqtalǵan 2,2 tonnadan astam jemis óniminiń el aýmaǵyna engizilýine tyiym salyndy, dep habarlaidy ult.kz.
Aýyl sharýashylyǵy ministrligi Agroónerkásiptik keshendegi memlekettik inspektsiia komitetiniń Jambyl oblysy boiynsha aýmaqtyq inspektsiiasynyń málimetinshe, zańbuzýshylyq «Qordai» avtomobil ótkizý beketinde fitosanitariialyq baqylaý kezinde anyqtalǵan.
Tekserý barysynda Qyrǵyz Respýblikasynan kelgen kóliktegi 800 keli jańa pisken alhorydan Komstok symyry, al 1 450 keli shie partiiasynan aziialyq jemis shybyny tabylǵan.
Mamandardyń aitýynsha, bul karantindik ziiankester aýyl sharýashylyǵy úshin asa qaýipti. Olar taralǵan jaǵdaida jemis aǵashtaryn zaqymdap, baý-baqsha sharýashylyqtaryna eleýli ekonomikalyq shyǵyn keltirýi múmkin.
Fitosanitariialyq baqylaý qorytyndysy boiynsha zalaldanǵan ónimderdiń barlyǵy Qazaqstan aýmaǵyna ótkizilmei, keri qaitaryldy.
Sonymen qatar, quqyq buzýshylar ákimshilik jaýapkershilikke tartylyp, olarǵa aiyppul salyndy.
Aýyl sharýashylyǵy ministrligi Agroónerkásiptik keshendegi memlekettik inspektsiia komiteti memlekettik shekarada fitosanitariialyq baqylaý kúsheitilgen rejimde jalǵasatynyn atap ótti. Bul sharalar qaýipti karantindik nysandardyń Qazaqstan aýmaǵyna enýi men taralýyna jol bermeýge baǵyttalǵan.
