شىعىس قازاقستان وبلىسىندا قوس ازاماتتىق فاكتٸلەرٸن انىقتاۋ بويىنشا جٷرگٸزٸلگەن تەكسەرۋ نەتيجەسٸندە 6 شەتەل ازاماتى قازاقستان اۋماعىنان شىعارىلدى, دەپ حابارلايدى ult.kz.
شقو پوليتسييا دەپارتامەنتٸنٸڭ كٶشٸ-قون قىزمەتٸ جىل باسىنان بەرٸ قازاقستان رەسپۋبليكاسىنىڭ ازاماتتىعىن جوعالتقان 450-دەن استام ادامنىڭ دەرەگٸن تٸركەگەن. ولاردىڭ باسىم بٶلٸگٸ باسقا مەملەكەتتٸڭ ازاماتتىعىن العان.
زاڭ تالاپتارىن بۇزعانى ٷشٸن 31 ادام ەكٸمشٸلٸك جاۋاپكەرشٸلٸككە تارتىلعان. ونىڭ ٸشٸندە 24 ازامات شەتەل ازاماتتىعىن العانى تۋرالى بەلگٸلەنگەن مەرزٸمدە حابارلاماعان, ال 7 ادام قازاقستان ازاماتتىعىن جوعالتقاننان كەيٸن ەل قۇجاتتارىن زاڭسىز پايدالانعان.
سوت شەشٸمٸمەن 6 شەتەلدٸك ازامات قازاقستان اۋماعىنان شىعارىلدى.
انىقتالعان جاعدايلاردىڭ بٸرٸ ٶسكەمەن قالاسىنىڭ 43 جاستاعى تۇرعىنىنا قاتىستى بولعان. ول 2024 جىلدىڭ قازان ايىندا ٶزگە مەملەكەتتٸڭ ازاماتتىعىن العانىمەن, بۇل تۋرالى ٸشكٸ ٸستەر ورگاندارىنا ۋاقىتىندا حابارلاماعان. سونىڭ سالدارىنان ونىڭ قازاقستان رەسپۋبليكاسى ازاماتتىعىن جوعالتقانى تٸركەلٸپ, ەل قۇجاتتارى تەركٸلەنگەن.
پوليتسييا شەتەل ازاماتتىعىن العان قازاقستان ازاماتتارى بۇل تۋرالى 30 كٷن ٸشٸندە ٸشكٸ ٸستەر ورگاندارىنا حابارلاپ, قازاقستان رەسپۋبليكاسىنىڭ ازاماتتىعىن راستايتىن قۇجاتتارىن تاپسىرۋعا مٸندەتتٸ ەكەنٸن ەسكە سالادى.
تالاپتاردى ورىنداماعان ازاماتتارعا زاڭناماعا سەيكەس ەكٸمشٸلٸك جاۋاپكەرشٸلٸك قاراستىرىلعان.
