قوستاناي وبلىسىندا زاڭسىز ميكروكارجىلىق قىزمەت ۇيىمداستىرىپ, قىلمىستىق جولمەن الىنعان كٸرٸستەردٸ زاڭداستىرعان جەرگٸلٸكتٸ تۇرعىنعا قاتىستى سوت ٷكٸمٸ شىقتى, دەپ حابارلايدى ult.kz.
قارجىلىق مونيتورينگ اگەنتتٸگٸنٸڭ مەلٸمەتٸنشە, ول زاڭنامادا كٶزدەلگەن ليتسەنزيياسىز مٷلٸكتٸ كەپٸلگە قويىپ قارىز بەرۋ قىزمەتٸن جٷرگٸزگەن. كليەنتتەردٸ OLX پەن Instagram جەلٸلەرٸندەگٸ جارنامالار ارقىلى تارتقان.
تەرگەۋ بارىسىندا كٷدٸكتٸنٸڭ ازاماتتاردىڭ قارجىلىق قيىن جاعدايىن پايدالانىپ, جىلدىق مٶلشەرلەمەسٸ 120%-عا دەيٸن جەتەتٸن جوعارى پايىزبەن قارىز بەرگەنٸ انىقتالدى. سونىمەن قاتار, نوتارياتتىق شارتتاردا قارىزدىڭ ناقتى سوماسىنىڭ ورنىنا الدىن الا ەسەپتەلگەن سىياقى, تٷرلٸ شىعىندار مەن ٶزگە تٶلەمدەر قوسىلىپ, قارىز كٶلەمٸ نەگٸزسٸز ۇلعايتىلعان.
مەسەلەن, جەبٸرلەنۋشٸلەردٸڭ بٸرٸ قولىنا 9 ملن تەڭگە العانىمەن, كەلٸسٸمشارتتا 14 ملن تەڭگە كٶرسەتٸلگەن. كەيٸن وعان 18 ملن تەڭگە كٶلەمٸندەگٸ تاعى بٸر قارىز شارتى رەسٸمدەلگەنٸمەن, بۇل قاراجات ٸس جٷزٸندە بەرٸلمەگەن. سونىڭ سالدارىنان سوت شەشٸمٸمەن ازاماتتان جالپى 26 ملن تەڭگە ٶندٸرٸلگەن.
اگەنتتٸك مەلٸمەتٸنشە, زاڭسىز سحەماعا 50-دەن استام ادام تارتىلىپ, كٷدٸكتٸنٸڭ قىلمىستىق جولمەن تاپقان تابىسى 1 ملرد تەڭگەدەن اسقان.
سوت ٷكٸمٸمەن ول 2 جىل 8 ايعا باس بوستاندىعىنان ايىرىلدى. سونداي-اق قىلمىستىق تابىسقا ساتىپ الىنعان تٶرت پەتەر, ەكٸ جەر ۋچاسكەسٸ, Mercedes-Benz G500, Dodge RAM 1500 جەنە Hyundai Santa Fe اۆتوكٶلٸكتەرٸ مەملەكەت كٸرٸسٸنە تەركٸلەندٸ.
ايتا كەتەيٸك, سوت ٷكٸمٸ ەزٸرگە زاڭدى كٷشٸنە ەنگەن جوق.
