قارجىلىق مونيتورينگ اگەنتتٸگٸ «CVK» اتاۋىمەن جۇمىس ٸستەگەن قارجى پيراميداسىنىڭ قىزمەتٸن توقتاتتى. قازٸرگٸ ۋاقىتتا اگەنتتٸكتٸڭ اۋماقتىق دەپارتامەنتتەرٸ ەلٸمٸزدٸڭ 14 ٶڭٸرٸندە سوتقا دەيٸنگٸ تەرگەپ-تەكسەرۋ جۇمىستارىن جٷرگٸزٸپ جاتىر, دەپ حابارلايدى ult.kz.
تەرگەۋ مەلٸمەتٸنشە, جوبا ٶزٸن ماركەتپلەيس رەتٸندە تانىستىرىپ, ازاماتتارعا تۇراقتى تابىس ەكەلەتٸن تٷرلٸ ينۆەستيتسييالىق «دٷكەن» پاكەتتەرٸن ساتىپ الۋدى ۇسىنعان. الايدا جٷيەدە كٶرسەتٸلگەن ساۋدا وپەراتسييالارى ناقتى بولماعان.
قاتىسۋشىلاردىڭ جەكە كابينەتتەرٸندە شىن مەنٸندە ساتىلماعان تاۋارلارعا قاتىستى ورىندالعان تاپسىرىستار مەن جەتكٸزٸلٸمدەر كٶرسەتٸلٸپ, سول ٷشٸن ۆيرتۋالدى سىياقىلار ەسەپتەلگەن. سونىمەن قاتار جوبانىڭ نەگٸزگٸ تەتٸگٸ جاڭا سالىمشىلاردى تارتۋعا قۇرىلعان. ۇيىمداستىرۋشىلار رەفەرالدىق جٷيە ارقىلى جاڭا قاتىسۋشىلار ەكەلگەندەرگە اقشالاي بونۋس پەن باعالى سىيلىقتار ۋەدە ەتكەن.
قما مەلٸمەتٸنشە, اگرەسسيۆتٸ جارناما مەن ٶڭٸرلەردەگٸ بەلسەندٸ ناسيحات جۇمىستارىنىڭ نەتيجەسٸندە زاڭسىز سحەماعا شامامەن 1,5 مىڭ ادام تارتىلعان. جوبانى ناسيحاتتاۋ ٷشٸن جابىق كەزدەسۋلەر, كەڭسەلەردٸڭ سالتاناتتى اشىلۋى جەنە جاپپاي تانىستىرىلىمدار ۇيىمداستىرىلىپ, ولاردىڭ ماتەريالدارى ەلەۋمەتتٸك جەلٸلەردە كەڭٸنەن تاراتىلعان.
تەرگەۋ بارىسىندا قارجى اعىندارىنىڭ كريپتوۆاليۋتالىق پلاتفورمالار ارقىلى شىعارىلىپ, كەيٸن بانكتٸك شوتتارعا اۋدارىلعانى انىقتالعان. اگەنتتٸكتٸڭ جەدەل شارالارى نەتيجەسٸندە 474 مىڭ USDT كٶلەمٸندەگٸ كريپتواكتيۆتەرگە تىيىم سالىندى.
قازٸرگٸ ۋاقىتتا سوتقا دەيٸنگٸ تەرگەپ-تەكسەرۋ جالعاسىپ جاتىر. قىلمىستىق-پروتسەستٸك كودەكستٸڭ 201-بابىنا سەيكەس ٶزگە اقپارات جارييا ەتٸلمەيدٸ.
قارجىلىق مونيتورينگ اگەنتتٸگٸ «CVK» جوباسىنىڭ قىزمەتٸنەن زارداپ شەككەن ازاماتتاردى تۇرعىلىقتى جەرٸ بويىنشا ۆەدومستۆونىڭ اۋماقتىق دەپارتامەنتتەرٸنە جٷگٸنۋگە شاقىردى.
