كٷزگە قاراي جامبىل وبلىسىنداعى QazVac ۆاكتسيناسىن شىعاراتىن زاۋىت ٸسكە قوسىلادى. بۇل تۋرالى قر دەنساۋلىق ساقتاۋ مينيسترٸ الەكسەي تسوي ايتتى, دەپ حابارلايدى "ۇلت اقپارات".
«شىنىمەن دە قازاقستاندىق ۆاكتسينا ەلٸمٸزدە دە, شەتەلدە دە ٷلكەن سۇرانىسقا يە بولىپ وتىر. ەرينە, QazVac ۆاكتسيناسىنىڭ تانىمالدىعىن ارتتىرۋ جەنە ونى ٶزگە ەلدەرگە جەتكٸزۋ جۇمىستارىن جٷرگٸزۋ جوسپارلانعان. پروتسەدۋرا ۇزاققا سوزىلادى. ەلدەردٸڭ ۆاكتسينانى ٶزارا مويىنداۋى, جەتكٸزٸلەتٸن ەلدە تٸركەلۋٸ قاجەت. بۇل جۇمىستاردى بٸرتٸندەپ باستايمىز. قازٸر بۇل ۆاكتسينانى الۋعا نيەت تانىتقان سەرٸكتەستەردٸ ٸزدەستٸرٸپ جاتىرمىز. بارلىق رەتتەۋشٸ قۇرالدار ٸسكە قوسىلعان», - دەدٸ مينيستر ورتالىق كوممۋنيكاتسييالار قىزمەتٸندەگٸ بريفينگ بارىسىندا.
ونىڭ اتاپ ٶتۋٸنشە, جامبىل وبلىسىنداعى QazVac ۆاكتسيناسىن شىعاراتىن زاۋىتتىڭ قۇرىلىسى اياقتالۋعا جاقىن. زاۋىت ٸسكە قوسىلعاننان كەيٸن ٸشكٸ جەنە سىرتقى نارىقتى قاجەتتٸ ۆاكتسينامەن قامتاماسىز ەتۋگە قاۋقارلى بولادى.
«زاۋىتتى ٸسكە قوسۋ جەنە جٶندەۋ جۇمىستارى اياقتالدى. قۇرال-جابدىقتاردى تەكسەرۋ جۇمىستارى جٷرگٸزٸلٸپ جاتىر. جامبىل وبلىسى ەكٸمدٸگٸنٸڭ اقپاراتىنا سەيكەس, رەگلامەنتكە بايلانىستى پروتسەدۋرالار جٷرگٸزٸلۋ ٷستٸندە. كٷزگە قاراي بۇل زاۋىت ٸسكە قوسىلىپ, ٶندٸرٸستٸك قۋاتىن بٸرتٸندەپ ارتتىرۋى تيٸس», - دەدٸ الەكسەي تسوي.
