بٷگٸن قازاقستاننىڭ بٸرقاتار ٶڭٸرٸندە جاڭبىر جاۋىپ, كەي جەرلەردە جەل كٷشەيٸپ, تاڭەرتەڭ تۇمان تٷسۋٸ كٷتٸلەدٸ, دەپ حابارلايدى ult.kz.
سينوپتيكتەردٸڭ بولجامىنشا, الماتى جەنە پاۆلودار وبلىستارىنىڭ تاۋلى ايماقتارىندا, اقمولا وبلىسىنىڭ شىعىسىندا, جەتٸسۋ مەن جامبىل وبلىستارىنىڭ تاۋلارىندا, سونداي-اق اباي, شىعىس قازاقستان وبلىستارىندا, سولتٷستٸك قازاقستان وبلىسىنىڭ وڭتٷستٸك-شىعىسىندا, قاراعاندى وبلىسىنىڭ سولتٷستٸك-شىعىسىندا, باتىس قازاقستان وبلىسىنىڭ شىعىسىندا جەنە اقتٶبە وبلىسىنىڭ سولتٷستٸك-باتىسىندا جاڭبىر جاۋادى.
سونىمەن قاتار, استانا جەنە الماتى قالالارىندا, اتىراۋ, ۇلىتاۋ جەنە ماڭعىستاۋ وبلىستارىندا كٷن بۇلتتى بولىپ, ازداعان جاڭبىر جاۋۋى مٷمكٸن.
جەلدٸڭ كٷشەيۋٸ ماڭعىستاۋ وبلىسىنىڭ سولتٷستٸگٸ مەن باتىسىندا, اتىراۋ وبلىسىنىڭ وڭتٷستٸك-شىعىسىندا, اقتٶبە وبلىسىنىڭ باتىسىندا جەنە اباي وبلىسىنىڭ جەكەلەگەن اۋماقتارىندا كٷتٸلەدٸ. بۇل ٶڭٸرلەردە جەلدٸڭ ەكپٸنٸ سەكۋندىنا 15–20 مەترگە دەيٸن جەتەدٸ.
بۇدان بٶلەك, تاڭەرتەڭ قاراعاندى وبلىسىنىڭ جەكەلەگەن اۋماقتارىندا, پاۆلودار وبلىسىنىڭ وڭتٷستٸك-باتىسىندا, اباي وبلىسىنىڭ سولتٷستٸك-باتىسىندا, شىعىس قازاقستان جەنە قوستاناي وبلىستارىنىڭ سولتٷستٸگٸندە, ۇلىتاۋ وبلىسىنىڭ شىعىسىندا, سونداي-اق اقمولا وبلىسىنىڭ سولتٷستٸگٸ مەن وڭتٷستٸگٸندە تۇمان تٷسەدٸ دەپ بولجانىپ وتىر.
ماماندار اۋا رايىنىڭ قولايسىز قۇبىلىستارىنا بايلانىستى تۇرعىندارعا جولدا جەنە اشىق اۋادا ساق بولۋعا كەڭەس بەرەدٸ.
