Búgin Qazaqstannyń birqatar óńirinde jańbyr jaýyp, kei jerlerde jel kúsheiip, tańerteń tuman túsýi kútiledi, dep habarlaidy ult.kz.
Sinoptikterdiń boljamynsha, Almaty jáne Pavlodar oblystarynyń taýly aimaqtarynda, Aqmola oblysynyń shyǵysynda, Jetisý men Jambyl oblystarynyń taýlarynda, sondai-aq Abai, Shyǵys Qazaqstan oblystarynda, Soltústik Qazaqstan oblysynyń ońtústik-shyǵysynda, Qaraǵandy oblysynyń soltústik-shyǵysynda, Batys Qazaqstan oblysynyń shyǵysynda jáne Aqtóbe oblysynyń soltústik-batysynda jańbyr jaýady.
Sonymen qatar, Astana jáne Almaty qalalarynda, Atyraý, Ulytaý jáne Mańǵystaý oblystarynda kún bultty bolyp, azdaǵan jańbyr jaýýy múmkin.
Jeldiń kúsheiýi Mańǵystaý oblysynyń soltústigi men batysynda, Atyraý oblysynyń ońtústik-shyǵysynda, Aqtóbe oblysynyń batysynda jáne Abai oblysynyń jekelegen aýmaqtarynda kútiledi. Bul óńirlerde jeldiń ekpini sekýndyna 15–20 metrge deiin jetedi.
Budan bólek, tańerteń Qaraǵandy oblysynyń jekelegen aýmaqtarynda, Pavlodar oblysynyń ońtústik-batysynda, Abai oblysynyń soltústik-batysynda, Shyǵys Qazaqstan jáne Qostanai oblystarynyń soltústiginde, Ulytaý oblysynyń shyǵysynda, sondai-aq Aqmola oblysynyń soltústigi men ońtústiginde tuman túsedi dep boljanyp otyr.
Mamandar aýa raiynyń qolaisyz qubylystaryna bailanysty turǵyndarǵa jolda jáne ashyq aýada saq bolýǵa keńes beredi.
