«قازگيدرومەت» رمك 29 شٸلدەگە ارنالعان داۋىلدى ەسكەرتۋ جارييالادى. سينوپتيكتەردٸڭ بولجامىنشا, ەلٸمٸزدٸڭ باسىم بٶلٸگٸندە قاتتى جەنە ٶتە قاتتى ىستىق ساقتالىپ, كەي ٶڭٸرلەردە نايزاعاي, بۇرشاق, داۋىل مەن شاڭدى داۋىل بولادى, دەپ حابارلايدى ult.kz.
ەلوردادا 29 شٸلدە كٷنٸ كٷندٸز ٶتكٸنشٸ جاڭبىر جاۋىپ, نايزاعاي كٷتٸلەدٸ. سولتٷستٸكتەن سوعاتىن جەلدٸڭ ەكپٸنٸ سەكۋندىنا 15 مەترگە دەيٸن جەتەدٸ. شىمكەنتتە سولتٷستٸك-شىعىس جەلٸ 15-20 م/س كٷشەيٸپ, كٷندٸز اۋا تەمپەراتۋراسى 40 گرادۋسقا دەيٸن كٶتەرٸلەدٸ.
سينوپتيكتەردٸڭ مەلٸمەتٸنشە, 29-30 شٸلدەدە باتىس قازاقستان مەن اتىراۋ وبلىستارىندا, 29 شٸلدە مەن 1 تامىز ارالىعىندا ماڭعىستاۋ وبلىسىندا قاتتى جەنە ٶتە قاتتى ىستىق ساقتالادى. سونىمەن قاتار 29-31 شٸلدە ارالىعىندا قوستاناي, اقتٶبە جەنە ۇلىتاۋ وبلىستارىندا دا اپتاپ ىستىق بولادى.
29 شٸلدەدەن 1 تامىزعا دەيٸن سولتٷستٸك قازاقستان جەنە اقمولا وبلىستارىندا, ال 2 تامىزعا دەيٸن قىزىلوردا مەن تٷركٸستان وبلىستارىندا قاتتى ىستىق كٷتٸلەدٸ. وسىعان بايلانىستى اتالعان ٶڭٸرلەردٸڭ باسىم بٶلٸگٸندە جوعارى جەنە تٶتەنشە ٶرت قاۋپٸ ساقتالادى.
ەڭ جوعارى تەمپەراتۋرا ماڭعىستاۋ وبلىسىندا تٸركەلمەك. مۇندا كٷندٸز اۋا تەمپەراتۋراسى 43-47 گرادۋسقا دەيٸن كٶتەرٸلەدٸ. اتىراۋ مەن اقتٶبە وبلىستارىندا 40-43 گرادۋسقا دەيٸن ٶتە قاتتى ىستىق بولجانسا, قىزىلوردا وبلىسىندا 29-30 شٸلدەدە 40-44 گرادۋس ىستىق بولادى. سونىمەن قاتار قىزىلوردا وبلىسىنىڭ ورتالىعى مەن شىعىسىندا شاڭدى داۋىل سوعىپ, جەلدٸڭ ەكپٸنٸ 15-20 م/س-قا دەيٸن كٷشەيەدٸ.
شىعىس قازاقستان, اباي, سولتٷستٸك قازاقستان, اقمولا, پاۆلودار, قاراعاندى, اقتٶبە جەنە باتىس قازاقستان وبلىستارىنىڭ بٸرقاتار اۋداندارىندا جاڭبىر, نايزاعاي, بۇرشاق جەنە داۋىل كٷتٸلەدٸ. كەي جەرلەردە جەلدٸڭ ەكپٸنٸ 20-25 م/س-قا دەيٸن جەتۋٸ مٷمكٸن. شىعىس قازاقستان, اباي, سولتٷستٸك قازاقستان جەنە قاراعاندى وبلىستارىنىڭ جەكەلەگەن اۋداندارىندا تۇمان تٷسەدٸ.
الماتى وبلىسىنىڭ تاۋ بٶكتەرٸندە جەنە جەتٸسۋ وبلىسىنىڭ تاۋلى اۋداندارىندا ٶتكٸنشٸ جاڭبىر مەن نايزاعاي بولجانىپ وتىر. ٸلە الاتاۋىندا, سونداي-اق جامبىل جەنە تٷركٸستان وبلىستارىندا جەلدٸڭ ەكپٸنٸ 15-20 م/س, كەي جەرلەردە 23-28 م/س-قا دەيٸن كٷشەيەدٸ. تٷركٸستان وبلىسىنىڭ باتىسى مەن سولتٷستٸگٸندە شاڭدى داۋىل كٷتٸلەدٸ.
سينوپتيكتەر تۇرعىنداردى اۋا رايىنىڭ قولايسىزدىعىنا بايلانىستى ساقتىق شارالارىن ساقتاۋعا شاقىرادى. ەسٸرەسە اپتاپ ىستىق كەزٸندە كٷننٸڭ ەڭ ىستىق ۋاقىتىندا سىرتتا ۇزاق جٷرمەۋگە, جەتكٸلٸكتٸ مٶلشەردە سۋ ٸشۋگە جەنە ٶرت قاۋٸپسٸزدٸگٸ تالاپتارىن قاتاڭ ساقتاۋعا كەڭەس بەرەدٸ.
