قازاقستاندا سەكسۋالدىق زورلىق-زومبىلىققا قاتىستى قىلمىستىق ٸستەردٸ ەندٸ نەگٸزٸنەن ەيەل تەرگەۋشٸلەر جٷرگٸزەتٸن بولادى. بۇل تۋرالى Stan.kz اقپارات اگەنتتٸگٸنە سٸلتەمە جاساپ ult.kz حابارلايدى.
مەجٸلٸس كۋلۋارىندا ٸشكٸ ٸستەر مينيسترٸنٸڭ ورىنباسارى سانجار ەدٸلوۆ قازاقستاندا سەكسۋالدىق زورلىق-زومبىلىق ٸستەرٸن ەيەل تەرگەۋشٸلەر قارايتىنىن مەلٸمدەدٸ.
ونىڭ ايتۋىنشا, جاڭاشىلدىق جەبٸرلەنۋشٸلەردٸڭ قوسىمشا پسيحولوگييالىق كٷيزەلٸسكە ۇشىراۋىن ازايتۋعا جەنە تەرگەۋ ورگاندارىنا دەگەن سەنٸمدٸ ارتتىرۋعا باعىتتالعان.
سونىمەن قاتار ٸشكٸ ٸستەر مينيسترلٸگٸندە قىلمىستىق كودەكسكە ەنگٸزٸلگەن نەكە قييۋعا مەجبٷرلەۋ تۋرالى جاڭا باپتىڭ قالاي قولدانىلاتىنى تٷسٸندٸرٸلدٸ. سانجار ەدٸلوۆتٸڭ سٶزٸنشە, مۇنداي ٸستەردە جەبٸرلەنۋشٸ رەتٸندە ەيەل دە, ەر ادام دا تانىلا الادى. الايدا ەيەلدٸڭ جٷكتٸ بولۋىنا بايلانىستى نەمەسە باسقا سەبەپتەرمەن نەكەگە تۇرۋدى تالاپ ەتۋدٸڭ ٶزٸ قىلمىس قۇرامىن قالىپتاستىرمايدى.
"ەگەر كلاسسيكالىق جاعدايدى الساق, ەيەل ٶزٸنە ٷيلەنۋدٸ تالاپ ەتكەن كەزدە ونىڭ نەمەسە جاقىندارىنىڭ تاراپىنان قورقىتۋ, كٷش كٶرسەتۋ نەمەسە قىسىم جاساۋ فاكتٸلەرٸ بولۋى تيٸس. ال مۇنداي ەرەكەتتەر بولماسا, بۇل ازاماتتىق-قۇقىقتىق قاتىناستار سانالادى", – دەدٸ ول.
ۆەدومستۆونىڭ مەلٸمەتٸنشە, قازٸر قازاقستاندا نەكە قييۋعا مەجبٷرلەۋ بابىمەن ەيەل كٷدٸكتٸ رەتٸندە تانىلعان بٸردە-بٸر قىلمىستىق ٸس تٸركەلمەگەن.
2025 جىلعى قىركٷيەكتەن باستاپ قازاقستاندا نەكەگە مەجبٷرلەۋ رەسمي تٷردە قىلمىستىق قۇقىق بۇزۋشىلىق رەتٸندە تانىلدى.
سونداي-اق ەلٸمٸزدە ستالكينگ (ادامدى قۋدالاۋ, اڭدۋ) ٷشٸن قىلمىستىق جاۋاپكەرشٸلٸك ەنگٸزٸلدٸ. بيىل ستالكينگكە قاتىستى 83 قىلمىستىق ٸس سوتقا جولدانعان.
ەسكە سالايىق, بۇعان دەيٸن قازاقستاندا تۇرمىستىق زورلىق-زومبىلىق ٷشٸن جاۋاپكەرشٸلٸكتٸ كٷشەيتەتٸن زاڭ قابىلدانعان ەدٸ. مەملەكەت باسشىسى ەيەلدەر مەن بالالاردىڭ قۇقىقتارىن قورعاۋعا باعىتتالعان زاڭعا قول قويىپ, وتباسىلىق-تۇرمىستىق زورلىق-زومبىلىقتىڭ الدىن الۋ شارالارىن كٷشەيتۋدٸ تاپسىردى. وسىعان بايلانىستى ٸشكٸ ٸستەر ەيەلدەر مەن بالالارعا قاتىستى زورلىق-زومبىلىق ٸستەرٸمەن اينالىساتىن مامانداندىرىلعان ەيەل قىزمەتكەرلەر مەن تەرگەۋشٸلەر سانىن ارتتىرۋ جۇمىستارىن قولعا الدى.
