قازاقستان تۇرعىندارىنىڭ ينفراقۇرىلىمعا قاناعاتتانۋ دەڭگەيٸ جوعارى بولىپ وتىر. 2026 جىلدىڭ III توقسانىندا ينفراقۇرىلىمنىڭ نەگٸزگٸ ەلەمەنتتەرٸنە قاناعاتتانۋ كٶرسەتكٸشٸ 57,8%-دان 78,2%-عا دەيٸن جەتكەن, دەپ حابارلايدى ult.kz.
بۇل دەرەكتەردٸ قازاقستاندىق قوعامدىق دامۋ ينستيتۋتى جٷرگٸزگەن ەلەۋمەتتانۋلىق زەرتتەۋ كٶرسەتتٸ. ساۋالناما بارىسىندا تۇرعىندار ٶز ٶڭٸرٸندەگٸ ينفراقۇرىلىم مەن قىزمەتتەردٸڭ 17 نەگٸزگٸ ەلەمەنتٸن باعالاعان.
حالىق ەڭ جوعارى باعانى ەلەۋمەتتٸك ماڭىزى بار نىساندارعا بەرگەن:
- مەكتەپتەردٸڭ قولجەتٸمدٸلٸگٸ – 78,2%;
- بالاباقشالاردىڭ قولجەتٸمدٸلٸگٸ – 73,3%;
- سپورت كەشەندەرٸ مەن نىساندارى – 71,6%;
- مەدەنيەت مەكەمدەرٸ – 71,1%.
وسىلايشا, مەكتەپتەر ەلەۋمەتتٸك ينفراقۇرىلىمنىڭ حالىق ٷشٸن ەڭ قولجەتٸمدٸ نىسانى بولىپ قالا بەرەدٸ. رەسپوندەنتتەردٸڭ شامامەن 10-نان 8-ٸ ٶز قالاسى, كەنتٸ نەمەسە اۋىلىنداعى مەكتەپتەردٸڭ قولجەتٸمدٸلٸگٸنە وڭ باعا بەرگەن.
اباتتاندىرۋ سالاسىنداعى كٶرسەتكٸشتەر دە سالىستىرمالى تٷردە جوعارى. تۇرعىنداردىڭ 67,8%-ى سەرۋەندەۋ جەنە دەمالىس ورىندارىنىڭ بولۋىنا, 67,3%-ى كٶگالداندىرۋعا, 63,8%-ى كٶشەلەر مەن اۋلالاردىڭ تازالىعىنا قاناعاتتاناتىنىن ايتقان.
سونىمەن قاتار بالالاردى دامىتۋ مٷمكٸندٸكتەرٸنٸڭ قولجەتٸمدٸلٸگٸنە 66,2%, اۋىز سۋ ساپاسىنا 64,4%, مەملەكەتتٸك ورگاندار اقپاراتىنىڭ قولجەتٸمدٸلٸگٸنە 64,6% تۇرعىن وڭ باعا بەرگەن.
زەرتتەۋدە جولداردىڭ ساپاسىنا قاتىستى وڭ ديناميكا دا بايقالعان. بۇل باعىت ەلٸ دە قوسىمشا نازاردى قاجەت ەتسە دە, كٶرسەتكٸش بٸر جىل ٸشٸندە 50%-دان 57,8%-عا دەيٸن ٶسكەن.
زەرتتەۋ نەتيجەسٸ ەلەۋمەتتٸك ماڭىزى بار ينفراقۇرىلىمنىڭ ٶڭٸرلەردٸڭ نەگٸزگٸ ارتىقشىلىقتارىنىڭ بٸرٸ بولىپ وتىرعانىن كٶرسەتتٸ. سونىمەن قاتار تۇرعىنداردىڭ باعالاۋى كٶلٸك جەنە تسيفرلىق ينفراقۇرىلىمدى ودان ەرٸ دامىتۋ قاجەتتٸگٸن اڭعارتادى.
ساۋالناماعا 18 جاستان اسقان 2 400 رەسپوندەنت قاتىسقان. زەرتتەۋ استانا, الماتى, شىمكەنت قالالارىن, 17 وبلىس ورتالىعىن جەنە اۋىلدىق ەلدٸ مەكەندەردٸ قامتىدى. ساۋالناما 2026 جىلعى 1-16 تامىز ارالىعىندا جەكە سۇحبات ەدٸسٸمەن جٷرگٸزٸلگەن.
