الۋا نۇرمان, كۇمار تٷلەپۇلى جەنە ايلين زارقىم 2026 جىلعى راپيد جەنە بليتس بويىنشا كوماندالىق ەلەم چەمپيوناتىنان جەكە ماراپاتتارمەن ورالدى. الۋا نۇرمان التىن جەنە كٷمٸس مەدال السا, ايلين زارقىم — كٷمٸس, كۇمار تٷلەپۇلى — كٷمٸس پەن قولا, ال مۇرات وماروۆ ٶز تاقتالارىندا قولا جٷلدە جەڭٸپ الدى, دەپ حابارلايدى ult.kz.
جەكە ماراپاتتار گونكونگتا ٶتكەن FIDE World Team Rapid and Blitz Championships 2026 تۋرنيرٸندە قازاقستاندىق كوماندالاردىڭ ٶنەر كٶرسەتۋٸنٸڭ ماڭىزدى قورىتىندىسى بولدى. جارىستا 48 كوماندا قاتىسىپ, تاقتالاردا ماگنۋس كارلسەن, دين ليجەن, اليرەزا فيرۋزدجا, اردجۋن ەريگايسي, نوديربەك ابدۋساتتوروۆ جەنە باسقا دا ەلەم جۇلدىزدارى وينادى.
19 جاستاعى الماتىلىق الۋا نۇرمان بليتستە ٶز تاقتاسىندا التىن, راپيدتە كٷمٸس مەدال جەڭٸپ الدى. ول ەۋەلٸ ماگنۋس كارلسەننٸڭ كومانداسىن جەڭۋگە ٷلەس قوسىپ, 12-شٸ ەلەم چەمپيونى (2008–2010), راپيد بويىنشا ەلەم چەمپيونى (2021) جەنە ۆيتسە-چەمپيونى (2012, 2014, 2016) الەكساندرا كوستەنيۋكتٸ جەڭدٸ. كەيٸن قولدانىستاعى ەلەم چەمپيونى تسزيۋي ۆەنتسزيۋنمەن (Dragon Chilling) تەڭ تٷستٸ. ودان كەيٸنگٸ ەكٸ ماتچتا تاعى جەڭٸسكە جەتتٸ: ٶزبەكستاندىق قۇرامانىڭ جەتەكشٸلەرٸنٸڭ بٸرٸ گٷلرۇحبەگٸم توقىرجونوۆانى (Sky Chess) جەنە 2025 جىلعى ەلەم كۋبوگىنىڭ جەڭٸمپازى, پرەتەندەنتتەر تۋرنيرٸنٸڭ قاتىسۋشىسى ديۆيا دەشمۇحتى (Hexamind Chess Team) جەڭدٸ. راپيد تۋرنيرٸن الۋا ەلەمنٸڭ ەڭ تيتۋلدى شاحماتشىلارىنىڭ بٸرٸ حاريكا دروناۆالليمەن (Team MGD1) تەڭ نەتيجەمەن اياقتادى. راپيدتەگٸ التىندى الۋا نۇرمان يندونەزييالىق حالىقارالىق شەبەر ناياكا بۋديحارماعا تەك ويناعان پارتييالار سانىنىڭ ازدىعى بويىنشا ۇتىپ قالدى.
بليتستە الۋانىڭ جەتٸستٸكتەرٸ قاتارىندا 2025 جىلعى ەۋروپا چەمپيونى تەودورا ينياتستٸ (Theme International Trading) جەڭۋٸ جەنە 2018 جىلعى بليتس بويىنشا ەلەم چەمپيوناتىنىڭ قولا جٷلدەگەرٸ لەي تينتسزەمەن (Dragon Chilling) 1½–½ ەسەبٸمەن ميكروماتچتا جەڭٸسكە جەتۋٸ بار.
20 جاستاعى قازاقستاندىق ەۋەسقوي شاحماتشى كۇمار تٷلەپۇلى راپيدتە كٷمٸس, بليتستە قولا مەدال جەڭٸپ الدى. بليتستە ونى 15 جاستاعى قازاقستاندىق شاحماتشى ايلين زارقىم باسىپ وزدى — ول سول تاقتادا كٷمٸس جٷلدەگەر اتاندى.
Kazchess كومانداسىنا شاقىرىلعان شەتەلدٸك گروسسمەيستەر, بليتس بويىنشا ٷش دٷركٸن ەلەم چەمپيونى الەكساندر گريششۋك 1-تاقتادا جەكە ەسەپتە ەكٸنشٸ نەتيجە كٶرسەتتٸ.
Hexamind Chess Team قۇرامىندا ەۋەسقوي رەتٸندە ويناعان 20 جاستاعى مۇرات وماروۆ راپيدتە قولا مەدال الدى.
قازاقستان شاحمات فەدەراتسيياسى جەنە ونىڭ باس دەمەۋشٸسٸ Freedom Holding Corp. گونكونگتا Kazchess جەنە Barys ەكٸ كومانداسىمەن ۇسىنىلدى.
Kazchess قۇرامىندا: بيبٸسارا اساۋباەۆا, قازىبەك نٶگەربەك, الدييار انسات, مەرۋەرت كاماليدەنوۆا جەنە ەۋەسقوي كۇمار تٷلەپۇلى. سونداي-اق كوماندا ٷشٸن شەتەلدٸك مىقتى گروسسمەيستەرلەر وينادى: شاحرييار مامەدياروۆ, الەكساندر گريششۋك, ريحارد راپپورت جەنە ۆان حاو. كوماندا كاپيتانى — قشف بٸرٸنشٸ ۆيتسە-پرەزيدەنتٸ دارمەن سادۆاكاسوۆ.
Barys قۇرامىندا: دميتريي اندرەيكين, پيوتر سۆيدلەر, دەنيس ماحنەۆ, رامازان جالماحانوۆ, دانييال ساپەنوۆ, ەرعالي سٷلەيمەن, كسەنييا بالاباەۆا, الۋا نۇرمان جەنە ەۋەسقوي ايلين زارقىم. كوماندا كاپيتانى — قشف اتقارۋشى ديرەكتورى گٷلميرا دەۋلەتوۆا.
راپيد بويىنشا 2026 جىلعى كوماندالىق ەلەم چەمپيوناتىندا قازاقستان شاحمات فەدەراتسيياسىنىڭ ەكٸ كومانداسى دا توپ-10-عا ەندٸ. Kazchess 15 ماتچتىق ۇپايمەن 7-ورىنعا, Barys دەل سونداي ۇپايمەن 9-ورىنعا تۇراقتادى. Barys كومانداسىنىڭ ەڭ جارقىن جەڭٸستەرٸنٸڭ بٸرٸ — ماگنۋس كارلسەننٸڭ WR Chess كومانداسىن جەڭۋٸ بولدى. بۇل نەتيجە ەسٸرەسە ماڭىزدى, ٶيتكەنٸ WR Chess تۋرنيردٸڭ باستى فاۆوريتتەرٸنٸڭ بٸرٸ جەنە ستارت تٸزٸمٸن باستاپ تۇرعان كوماندا ەدٸ.
راپيد اياقتالعان سوڭ قاتىسۋشىلار بليتس بويىنشا 2026 جىلعى كوماندالىق ەلەم چەمپيوناتىنا كٶشتٸ. تۋرنير 3+2 ۋاقىت باقىلاۋىمەن (پارتيياعا 3 مينۋت + ەر جٷرٸسكە 2 سەكۋند قوسىمشا) ٶتتٸ. كوماندالار الدىمەن توپتىق كەزەڭدە ويناپ, سودان كەيٸن 16 ٷزدٸك پلەي-وففقا شىقتى.
ەكٸ قازاقستاندىق كوماندا دا توپتىق كەزەڭنەن سەتتٸ ٶتتٸ. Barys A توبىندا 18 ۇپايمەن 3-ورىن السا, Kazchess D توبىندا سول ۇپايمەن 2-ورىنعا تۇراقتادى.
