قازاقستاندا گازدىڭ رەسۋرستىق بازاسىن كەڭەيتۋ جەنە جاڭا كەن ورىندارىن يگەرۋ باعىتىنداعى جۇمىستار قارقىن الىپ كەلەدٸ. بۇل تۋرالى «قازمۇنايگاز» ۇك اق باسقارما تٶراعاسى اسحات حاسەنوۆ ٷكٸمەت وتىرىسىندا مەلٸمدەدٸ, دەپ حابارلايدى ult.kz.
ونىڭ ايتۋىنشا, جۇمىستار مەملەكەت باسشىسىنىڭ گاز قورىن ۇلعايتۋ جەنە گەولوگييالىق بارلاۋ جوبالارىن ٸسكە اسىرۋ جٶنٸندەگٸ تاپسىرمالارىن ورىنداۋ اياسىندا جٷرگٸزٸلۋدە.
اسحات حاسەنوۆ اتىراۋ وبلىسىنداعى «قاراتون تۇزاستى» جوباسى بويىنشا 2025 جىلى تەرەڭدٸگٸ 5 750 مەتر بولاتىن بارلاۋ ۇڭعىماسى بۇرعىلانعانىن ايتتى. بٸرٸنشٸ جەنە ەكٸنشٸ نىسانداردى سىناۋ بارىسىندا گاز اعىنى الىنعان. قازٸرگٸ ۋاقىتتا ٷشٸنشٸ نىساندى سىناۋعا دايىندىق جۇمىستارى جٷرٸپ جاتىر. بارلىق سىناق اياقتالعاننان كەيٸن كەن ورنىنىڭ قورىن راستاۋ مٷمكٸندٸگٸ باعالاناتىن بولادى.
سونىمەن قاتار بيىلعى جىلدىڭ سوڭىنا دەيٸن اتالعان جوبا اياسىندا تەرەڭدٸگٸ 6 مىڭ مەتر بولاتىن ەكٸنشٸ ۇڭعىمانى بۇرعىلاۋ باستالادى دەپ جوسپارلانىپ وتىر.
بۇدان بٶلەك, «قازمۇنايگاز» ماڭعىستاۋ وبلىسىندا «بولاشاق» جوباسىن جٷزەگە اسىرۋدا. وسى جوبا اياسىندا بيىلعى ٷشٸنشٸ توقساننىڭ سوڭىنا دەيٸن تەرەڭدٸگٸ 3 500 مەتر بولاتىن العاشقى ٸزدەۋ ۇڭعىماسىن بۇرعىلاۋ كٶزدەلگەن.
سونداي-اق كومپانييا «جىلىوي» جەنە «بەرەزوۆسكيي» جاڭا جوبالارى بويىنشا قىتايلىق ٸرٸ سەرٸكتەستەر – CNOOC جەنە Sinopec كومپانييالارىمەن كەلٸسٸمشارتتار جاساعان. اسحات حاسەنوۆتٸڭ ايتۋىنشا, اتالعان جوبالار اياسىنداعى سەيسميكالىق بارلاۋ جۇمىستارى وسى جىلدىڭ كٷزٸندە باستالادى.
