قازاقستاندا جاڭا وقۋ جىلى قارساڭىندا تۇرعىن ٷيدٸ جالعا الۋ باعاسى ٶسە باستادى. ساراپشىلاردىڭ ايتۋىنشا, نارىق دەستٷرلٸ جوعارى ماۋسىمعا ەرتەرەك كٸرگەن. بۇل تۋرالى Krisha.kz پورتالى حابارلادى, دەپ جازادى ult.kz.
پورتالدىڭ مەلٸمەتٸنشە, سوڭعى بٸر ايدا ەلٸمٸز بويىنشا تۇرعىن ٷيدٸ جالعا الۋ قۇنىنىڭ بٸر شارشى مەترٸ ورتا ەسەپپەن 3,1%-عا ٶسكەن.
باعانىڭ ەڭ جوعارى ٶسٸمٸ استانادا تٸركەلدٸ. ەلوردادا جالداۋ اقىسى بٸر اي ٸشٸندە 6,9%-عا قىمباتتاعان. ودان كەيٸن قوناەۆ (+6,5%), تالدىقورعان (+5,9%) جەنە قوستاناي (+4,4%) قالالارى ورنالاسقان. الماتىدا جالداۋ باعاسى 3,4%-عا, شىمكەنتتە 3,2%-عا ارتقان. ال تٷركٸستان مەن تارازدا ٶزگەرٸس بايقالماعان. بٸردە-بٸر قالادا جالداۋ قۇنى تٶمەندەمەگەن.
ەڭ قىمبات جەنە ەڭ ارزان قالالار
Krisha.kz دەرەگٸنە سەيكەس, تۇرعىن ٷيدٸ جالعا الۋدىڭ ەڭ جوعارى قۇنى الماتىدا ساقتالىپ وتىر. مۇندا بٸر شارشى مەتردٸڭ ورتاشا باعاسى 5814 تەڭگەنٸ قۇرايدى. ودان كەيٸن استانا (5476 تەڭگە), قوستاناي (4000 تەڭگە), ٶسكەمەن (3947 تەڭگە) جەنە پاۆلودار (3846 تەڭگە) تۇر.
ال ەڭ ارزان جالداۋ باعاسى تٷركٸستاندا (2000 تەڭگە/ش.م), تارازدا (2250 تەڭگە/ش.م) جەنە قىزىلوردادا (2500 تەڭگە/ش.م) تٸركەلگەن.
استانا كەيبٸر ساناتتار بويىنشا الماتىدان قىمبات
بيىلعى جازدىڭ باستى ەرەكشەلٸكتەرٸنٸڭ بٸرٸ – استانا بٸر جەنە ٷش بٶلمەلٸ پەتەرلەردٸ جالعا الۋ قۇنى بويىنشا الماتىنى باسىپ وزدى.
قازٸر ەلوردادا بٸر بٶلمەلٸ پەتەردٸڭ ورتاشا ايلىق جالداۋ اقىسى 220 مىڭ تەڭگە بولسا, الماتىدا بۇل كٶرسەتكٸش 210 مىڭ تەڭگەنٸ قۇرايدى.
ٷش بٶلمەلٸ پەتەردٸ جالداۋ باعاسى الماتىدا ورتا ەسەپپەن 400 مىڭ تەڭگە, ال استانادا 500 مىڭ تەڭگەگە جەتكەن.
سوعان قاراماستان, شارشى مەتردٸڭ باعاسى الماتىدا ەلٸ دە جوعارى. ساراپشىلار مۇنى استاناداعى پەتەرلەردٸڭ ورتاشا اۋدانى ٷلكەن بولۋىمەن تٷسٸندٸرەدٸ.
تەۋلٸكتٸك جالداۋ دا قىمباتتادى
مەلٸمەتكە سەيكەس, تەۋلٸكتٸك جالعا بەرٸلەتٸن پەتەرلەردٸڭ باعاسى دا ٶسكەن. الماتىدا بٸر تەۋلٸكتٸڭ ورتاشا قۇنى 18 مىڭنان 20 مىڭ تەڭگەگە دەيٸن كٶتەرٸلسە, استانادا 15 مىڭنان 17 مىڭ تەڭگەگە دەيٸن ارتقان.
باعانىڭ ٶسۋٸنە نە ەسەر ەتتٸ?
ساراپشىلاردىڭ پٸكٸرٸنشە, جالداۋ نارىعىنىڭ جاندانۋىنا دەمالىس ماۋسىمى مەن جاڭا وقۋ جىلىنا دايىندىق ەسەر ەتٸپ وتىر. تامىز ايىندا ستۋدەنتتەر مەن ٶزگە ٶڭٸرلەردەن كەلەتٸن ازاماتتاردىڭ سۇرانىسى كٷرت ارتاتىندىقتان, قولجەتٸمدٸ پەتەرلەر تەز جالعا بەرٸلٸپ, نارىقتاعى ورتاشا باعا ٶسەدٸ.
ەسٸرەسە الماتىدا ستۋدەنتتەردٸڭ ٷلەسٸ جوعارى. قالادا 220 مىڭنان استام ستۋدەنت بٸلٸم الادى, ولاردىڭ شامامەن 150 مىڭى باسقا ٶڭٸرلەردەن كەلگەن. جاتاقحانا ورىندارىنىڭ تاپشىلىعى كٶپتەگەن ستۋدەنتتەردٸ پەتەر جالداۋعا مەجبٷر ەتەدٸ. استانادا دا وسىنداي ٷردٸس بايقالعانىمەن, ساراپشىلاردىڭ ايتۋىنشا, ستۋدەنتتٸك سۇرانىستىڭ ىقپالى الماتىمەن سالىستىرعاندا بٸرشاما تٶمەن.
ساراپشىلاردىڭ كەڭەسٸ
جوعارى سۇرانىس كەزەڭٸندە الاياقتاردىڭ بەلسەندٸلٸگٸ دە ارتادى. وسىعان بايلانىستى Krisha.kz ماماندارى پەتەردٸ كٶرمەي تۇرىپ الدىن الا اقشا اۋدارماۋعا, مەنشٸك يەسٸنٸڭ قۇجاتتارىن تەكسەرۋگە, مٸندەتتٸ تٷردە جازباشا جالداۋ شارتىن جاساۋعا جەنە قونىستانار الدىندا پەتەردٸڭ جاعدايىن فوتوعا تٷسٸرٸپ الۋعا كەڭەس بەرەدٸ.
