قازاق قايتا ٶڭدەۋ جەنە تاعام ٶنەركەسٸپتەرٸ عىلىمي-زەرتتەۋ ينستيتۋتىنىڭ عالىمدارى جۋسان نەگٸزٸندەگٸ بيولوگييالىق بەلسەندٸ قوسپاسى بار, ساۋىن تٷيەلەرگە ارنالعان العاشقى وتاندىق ەكسترۋزييالانعان قۇراما جەمدٸ ەزٸرلەدٸ, دەپ حابارلايدى ult.kz.
بۇل ەزٸرلەمەنٸڭ ەلٸمٸزدە بالاماسى جوق جەنە ونىڭ تيٸمدٸلٸگٸ عىلىمي زەرتتەۋلەر بارىسىندا دەلەلدەندٸ.
تٶرت اپتا بويى عالىمدار جاڭا قۇراما جەمنٸڭ جانۋارلاردىڭ سٷت ٶنٸمدٸلٸگٸنە ەسەرٸن باقىلادى. نەتيجەسٸندە تەجٸريبەلٸك توپتاعى جانۋارلاردىڭ ورتاشا تەۋلٸكتٸك سٷت ساۋىمى بٸر باسقا شاققاندا 100 مل-گە ارتقانى انىقتالدى. سونىمەن قاتار سٷتتٸڭ ساپالىق كٶرسەتكٸشتەرٸ دە جاقساردى: مايلىلىعى 1,92%-عا, اقۋىز مٶلشەرٸ 1,52%-عا, ال مايسىز قۇرعاق سٷت قالدىعىنىڭ (سومو) ٷلەسٸ 0,91%-عا ٶستٸ.
ەزٸرلەمەنٸڭ باستى ەرەكشەلٸگٸ – قازاقستان اۋماعىندا كەڭ تارالعان جۋسان ٶسٸمدٸگٸ نەگٸزٸندە دايىندالعان بيولوگييالىق بەلسەندٸ قوسپانى پايدالانۋىندا. زاماناۋي ٶڭدەۋ تەحنولوگييالارىنىڭ ارقاسىندا عالىمدار قورەكتٸك زاتتاردىڭ تيٸمدٸ يگەرٸلۋٸنە جەنە جانۋارلاردىڭ ٶنٸمدٸلٸگٸن ارتتىرۋعا ىقپال ەتەتٸن فۋنكتسيونالدى جەم ەزٸرلەدٸ.
بۇل ەزٸرلەمە ەسٸرەسە قۇرعاق كليمات جاعدايىنداعى ٶڭٸرلەر ٷشٸن ٶزەكتٸ. سەبەبٸ تٷيە شارۋاشىلىعى مۇنداي ايماقتاردا مال شارۋاشىلىعىنىڭ ەڭ تٶزٸمدٸ ەرٸ بولاشاعى زور باعىتتارىنىڭ بٸرٸ بولىپ سانالادى. جاڭا قۇراما جەمدٸ ٶندٸرٸسكە ەنگٸزۋ تٷيە سٷتٸن ٶندٸرۋ تيٸمدٸلٸگٸن ارتتىرۋعا جەنە جەم ٶندٸرٸسٸندە وتاندىق ٶسٸمدٸك شيكٸزاتىن كەڭٸنەن پايدالانۋعا مٷمكٸندٸك بەرەدٸ.
جوبا اۆتورلارىنىڭ ايتۋىنشا, زەرتتەۋ نەتيجەلەرٸ تٷيە شارۋاشىلىعىن دامىتۋعا جەنە تٷيە سٷتٸ نەگٸزٸندە قوسىمشا قۇنى جوعارى ٶنٸمدەر ٶندٸرۋگە جاڭا مٷمكٸندٸكتەر اشاتىنىن اتاپ ٶتتٸ.
