قازاقستاندا بالالار مەن جاسٶسپٸرٸمدەرگە باعىتتالعان فاستفۋد, تەتتٸ سۋسىندار جەنە قۇرامىندا قانت, تۇز بەن قانىققان ماي مٶلشەرٸ جوعارى ٶنٸمدەردٸڭ جارناماسىن شەكتەۋ ۇسىنىلدى, دەپ حابارلايدى ult.kz.
دەنساۋلىق ساقتاۋ مينيسترلٸگٸ اتالعان ٶنٸمدەردٸڭ جارناماسىن تەلەديدار مەن راديو, ەلەۋمەتتٸك جەلٸلەر جەنە سىرتقى جارناما قۇرالدارىندا شەكتەۋگە قاتىستى زاڭنامالىق ۇسىنىستار ەزٸرلەدٸ.
بۇعان دەيٸن مەملەكەت باسشىسى ٷكٸمەتكە فاستفۋدتىڭ اگرەسسيۆتٸ جارناماسى مەسەلەسٸن قاراستىرۋدى تاپسىرعان بولاتىن. پرەزيدەنت مۇنداي جارنامانىڭ بالالار اراسىندا زيياندى ەدەتتەردٸڭ قالىپتاسۋىنا ەسەر ەتٸپ, دەنساۋلىق ساقتاۋ جٷيەسٸنە تٷسەتٸن جٷكتەمەنٸ ارتتىراتىنىن ايتقان.
مينيسترلٸكتٸڭ مەلٸمەتٸنشە, ۇسىنىستىڭ نەگٸزگٸ ماقساتى – بالالاردىڭ تاعامدىق تاڭداۋىنا ماركەتينگتٸك ىقپالدى ازايتىپ, ەرتە جاستان دۇرىس تاماقتانۋ ەدەتٸن قالىپتاستىرۋ.
زەرتتەۋ نەتيجەلەرٸنە سەيكەس, قازاقستاندا 6-9 جاستاعى بالالاردىڭ 23 پايىزىندا ارتىق سالماق بار, ال 6 پايىزى سەمٸزدٸككە شالدىققان. سونىمەن قاتار جاسٶسپٸرٸمدەردٸڭ 17,5 پايىزى ەنەرگەتيكالىق سۋسىنداردى اپتا سايىن تۇتىنادى.
مينيسترلٸك ۇسىنىستاردى ەزٸرلەۋ كەزٸندە حالىقارالىق تەجٸريبە مەن دٷنيەجٷزٸلٸك دەنساۋلىق ساقتاۋ ۇيىمىنىڭ ۇسىنىمدارىن ەسكەرگەن. قازٸر بۇل شەكتەۋلەردٸڭ ىقپالىن باعالاۋ ٷشٸن رەتتەۋشٸلٸك ەسەردٸ تالداۋ جۇمىستارى باستالدى.
ايتا كەتەيٸك, قازاقستاندا 21 جاسقا تولماعاندارعا ەنەرگەتيكالىق سۋسىنداردى ساتۋعا تىيىم سالىنعان. ال 2025 جىلعى قىركٷيەكتەن باستاپ بٸلٸم بەرۋ ۇيىمدارىندا جاڭا تاماقتانۋ ستاندارتى ەنگٸزٸلدٸ. قۇجاتتا بالالار راتسيونىنداعى قانت پەن تۇزدى ازايتىپ, كٶكٶنٸس, جەمٸس جەنە سٷت ٶنٸمدەرٸنٸڭ ٷلەسٸن ارتتىرۋ كٶزدەلگەن.
مينيسترلٸك بۇل شارالار بەلگٸلٸ بٸر ٶنٸمدەردٸ ساتۋعا تىيىم سالۋدى ەمەس, ولاردىڭ بالالار اراسىندا جارنامالانۋى مەن ناسيحاتتالۋىن شەكتەۋدٸ كٶزدەيتٸنٸن اتاپ ٶتتٸ.
