قازاقستاننىڭ بٸرقاتار ٶڭٸرٸندە الداعى كٷندەرٸ اۋا رايى كٷرت ٶزگەرٸپ, جاڭبىر مەن قار جاۋادى. كەي جەرلەردە جەلدٸڭ ەكپٸنٸ سەكۋندىنا 30 مەترگە جەنە ودان دا جوعارى جىلدامدىققا جەتۋٸ مٷمكٸن, دەپ حابارلايدى ult.kz.
«قازگيدرومەت» مەلٸمەتٸنشە, استانادا 4 قازان كٷننٸڭ سوڭىندا جەنە 5 قازاندا تەۋلٸك بويى جاۋىن-شاشىن, ونىڭ ٸشٸندە جاڭبىر مەن قار كٷتٸلەدٸ. 4 قازاندا كٷندٸز وڭتٷستٸك-باتىستان سوعاتىن جەلدٸڭ ەكپٸنٸ 15-20, كەي ۋاقىتتا 25 م/س-قا دەيٸن جەتەدٸ. 5 قازاندا جەل 15-20 م/س بولىپ, ەكپٸنٸ 23-28 م/س-قا, كٷندٸز كەي ۋاقىتتا 30 م/س جەنە ودان دا جوعارى دەڭگەيگە جەتۋٸ ىقتيمال.
ەلوردادا اۋا تەمپەراتۋراسى دا ايتارلىقتاي تٶمەندەيدٸ. 4 قازاندا كٷندٸز 8-10 گرادۋس جىلى بولسا, 5 قازاندا تٷندە 0-2, كٷندٸز 3-5 گرادۋس جىلى بولادى.
وسىنداي اۋا رايى اقمولا, قوستاناي جەنە سولتٷستٸك قازاقستان وبلىستارىندا دا كٷتٸلەدٸ. بۇل ٶڭٸرلەردە 4-5 قازاندا جاڭبىر مەن قار جاۋىپ, كەي جەرلەردە قاتتى جاۋىن-شاشىن بولادى. جەلدٸڭ ەكپٸنٸ جەكەلەگەن اۋدانداردا 30 م/س جەنە ودان دا جوعارى بولۋى مٷمكٸن.
باتىس قازاقستان وبلىسىندا 3 قازاندا جاۋىن-شاشىن, ونىڭ ٸشٸندە جاڭبىر مەن قار جاۋادى. وبلىستىڭ سولتٷستٸگٸندە كٷندٸز قاتتى جاۋىن-شاشىن كٷتٸلەدٸ. 3-4 قازاندا جەلدٸڭ جىلدامدىعى 15-20 م/س, ال كەي جەرلەردە ەكپٸنٸ 25 م/س-قا دەيٸن جەتەدٸ.
اتىراۋ وبلىسىندا 3 قازاندا تەۋلٸك بويى جەنە 4 قازانعا قاراعان تٷنٸ جاڭبىر مەن قار جاۋادى. 3-4 قازاندا سولتٷستٸك-باتىستان سوعاتىن جەلدٸڭ كٷشٸ 15-20 م/س, 4 قازاندا جەكەلەگەن اۋدانداردا 25 م/س بولادى.
ۇلىتاۋ, قاراعاندى جەنە پاۆلودار وبلىستارىندا دا 4-5 قازاندا جەل كٷشەيٸپ, كەي جەرلەردە ەكپٸنٸ 30 م/س جەنە ودان جوعارى بولۋى مٷمكٸن. بۇل ٶڭٸرلەردە اۋا تەمپەراتۋراسى بٸرنەشە گرادۋسقا تٶمەندەيدٸ.
الماتى جەنە جەتٸسۋ وبلىستارىندا 5 قازاندا كٷندٸز اۋا تەمپەراتۋراسى 10-15 گرادۋسقا, تاۋلى اۋدانداردا 5 گرادۋس جىلىعا دەيٸن كٷرت تٶمەندەيدٸ.
سونىمەن قاتار 2 قازاندا بٸرقاتار ٶڭٸردە جاڭبىر, نايزاعاي, تۇمان جەنە قاتتى جەل كٷتٸلەدٸ. الماتى, شىمكەنت, جەتٸسۋ, جامبىل, تٷركٸستان جەنە باسقا دا وبلىستاردا ٶرت قاۋپٸ ساقتالادى.
مەتەورولوگتار اۋا رايىنىڭ ٶزگەرۋٸنە بايلانىستى بٸرنەشە ٶڭٸردە داۋىلدى ەسكەرتۋ جارييالاعان.
