قازاقستاندا اۋقىمدى جاساندى ينتەللەكت كلاستەرٸن سالۋ جوسپارلانىپ وتىر, دەپ حابارلايدى ult.kz.
بۇل باعىتتاعى ٶزارا تٷسٸنٸستٸك تۋرالى ٷشجاقتى مەموراندۋمعا قازاقستان رەسپۋبليكاسى پرەزيدەنتٸ جانىنداعى شەتەلدٸك ينۆەستورلار كەڭەسٸنٸڭ اياسىندا قر جاساندى ينتەللەكت جەنە تسيفرلىق دامۋ مينيسترلٸگٸ, حالىقارالىق Citi كورپوراتسيياسى جەنە Freedom Holding Corp قول قويدى.
قر پرەمەر-مينيسترٸنٸڭ ورىنباسارى – جاساندى ينتەللەكت جەنە تسيفرلىق دامۋ مينيسترٸ جاسلان مەديەۆتٸڭ ايتۋىنشا, جوبا مەملەكەت باسشىسىنىڭ تاپسىرماسىنا سەيكەس ەلدە جاساندى ينتەللەكتتٸ دامىتۋعا قاجەتتٸ ينفراقۇرىلىمدى قالىپتاستىرۋعا باعىتتالعان.
«بٷگٸندە تەحنولوگييانى تەك تۇتىنۋشى بولۋ جەتكٸلٸكسٸز. قازاقستاننىڭ ٶز ەسەپتەۋ قۋاتى مەن AI-شەشٸمدەرٸن ەزٸرلەۋگە ارنالعان مٷمكٸندٸكتەرٸ بولۋى قاجەت. بۇل مەموراندۋم ەلەمدٸك دەڭگەيدەگٸ جاساندى ينتەللەكت كلاستەرٸن قۇرۋ جولىنداعى ماڭىزدى قادام. بولاشاقتا بۇل الاڭ ينۆەستيتسييالار مەن تەحنولوگييالىق كومپانييالاردى تارتاتىن, عىلىم, بيزنەس جەنە مەملەكەت ٷشٸن ماڭىزدى ينفراقۇرىلىمعا اينالادى», – دەدٸ مينيستر.
Citi كومپانيياسىنىڭ مەملەكەتتٸك سەكتورمەن جۇمىس جٶنٸندەگٸ جاھاندىق باسشىسى ستەفاني فون فريدەبۋرگ بۇل باستاما قازاقستاننىڭ تسيفرلىق ترانسفورماتسيياسىن جەدەلدەتٸپ, مەملەكەتتٸك ينستيتۋتتار, بيزنەس جەنە عىلىمي قاۋىمداستىق ٷشٸن جوعارى ٶنٸمدٸ ەسەپتەۋ ينفراقۇرىلىمىن قالىپتاستىرۋعا مٷمكٸندٸك بەرەتٸنٸن اتاپ ٶتتٸ.
ال Freedom Holding Corp باس ديرەكتورى تيمۋر تۋرلوۆ مەموراندۋم مەملەكەت باسشىسىنىڭ تسيفرلاندىرۋ مەن جاساندى ينتەللەكتتٸ دامىتۋ جٶنٸندەگٸ ستراتەگييالىق باعىتىنىڭ ناقتى كٶرٸنٸسٸ ەكەنٸن ايتتى.
ونىڭ سٶزٸنشە, كومپانييانىڭ NVIDIA جەنە OpenAI سەكٸلدٸ جەتەكشٸ حالىقارالىق تەحنولوگييالىق ۇيىمدارمەن جۇمىس ٸستەۋ تەجٸريبەسٸ بار جەنە بۇل ساراپتاما جاڭا جوبانى جٷزەگە اسىرۋدا پايدالانىلاتىن بولادى.
جوبا اياسىندا زاماناۋي GPU-تەحنولوگييالارىمەن جابدىقتالعان جاساندى ينتەللەكت كلاستەرٸ مەن مەملەكەتتٸك سەكتور, عىلىم جەنە بيزنەسكە قىزمەت كٶرسەتەتٸن دەرەكتەردٸ ٶڭدەۋ ورتالىعىن سالۋ كٶزدەلگەن.
بۇدان بٶلەك, تاراپتار قازاقستاندا تسيفرلىق اكتيۆتەر ەكوجٷيەسٸن دامىتۋ, تسيفرلىق بانكينگ پەن ترانسشەكارالىق ەسەپ ايىرىسۋ باعىتىنداعى ىنتىماقتاستىقتى كەڭەيتۋ, سونداي-اق قارجى نارىعىندا اشىقتىق پەن قولجەتٸمدٸلٸكتٸ ارتتىراتىن بلوكچەين تەحنولوگييالارىن ەنگٸزۋ بويىنشا بٸرلەسٸپ جۇمىس ٸستەۋگە ۋاعدالاستى.
