استانادا پرەمەر-مينيستر ولجاس بەكتەنوۆ امەريكالىق Firebird كومپانيياسىنىڭ نەگٸزٸن قالاۋشىلارى رازميك وۆاكيميان جەنە الەكساندر ەسايانمەن, سونداي-اق NVIDIA ۆيتسە-پرەزيدەنتٸ رەۆ لەبارەديانمەن كەزدەستٸ, دەپ حابارلايدى ult.kz.
كەزدەسۋدە قازاقستانداعى ۇلتتىق جاساندى ينتەللەكت ينفراقۇرىلىمىن دامىتۋ, جوعارى ٶنٸمدٸ ەسەپتەۋ قۋاتتارىن قۇرۋ جەنە زاماناۋي دەرەكتەردٸ ٶڭدەۋ ورتالىقتارىن سالۋ مەسەلەلەرٸ تالقىلاندى.
ٷكٸمەت ەكٸباستۇزدا جٷزەگە اسىرىلىپ جاتقان «دەرەكتەردٸ ٶڭدەۋ ورتالىقتارى القابى» جوباسىن ەلدٸڭ تسيفرلىق ترانسفورماتسيياسىنداعى نەگٸزگٸ باستامالاردىڭ بٸرٸ رەتٸندە قاراستىرادى. جوبا اياسىندا قازٸرگٸ 300 مۆت قۋاتتى كەزەڭ-كەزەڭٸمەن 1 گۆت-قا دەيٸن ۇلعايتۋ جوسپارلانعان.
پرەمەر-مينيستر ولجاس بەكتەنوۆ مەملەكەت باسشىسىنىڭ تاپسىرماسىمەن 2026 جىل تسيفرلاندىرۋ جەنە جاساندى ينتەللەكت جىلى بولىپ جارييالانعانىن اتاپ ٶتٸپ, حالىقارالىق سەرٸكتەستەرمەن جاسالعان كەلٸسٸمدەردٸڭ ستراتەگييالىق ماڭىزىن ايتتى.
جاساندى ينتەللەكت جەنە تسيفرلىق دامۋ مينيسترٸ جاسلان مەديەۆتٸڭ ايتۋىنشا, جوبا اياسىندا NVIDIA-نىڭ سوڭعى بۋىنداعى 100 مىڭ GPU چيپٸنە نەگٸزدەلگەن ٸرٸ ەسەپتەۋ كلاستەرٸ قۇرىلادى. جالپى ينۆەستيتسييا كٶلەمٸ $10 ملرد-تى قۇرايدى. ونىڭ نەتيجەسٸندە قازاقستان جىل سايىن كەمٸندە $3 ملرد ەكسپورتتىق تابىس تاۋىپ, جاڭا جۇمىس ورىندارىن اشۋعا مٷمكٸندٸك الادى.
كەزدەسۋ قورىتىندىسىندا قازاقستاننىڭ جاساندى ينتەللەكت جەنە تسيفرلىق دامۋ مينيسترلٸگٸ مەن Firebird اراسىندا ستراتەگييالىق ىنتىماقتاستىق تۋرالى كەلٸسٸمگە, سونداي-اق «كت-تەلەكوم» مەن Firebird اراسىندا «دٶو القابى» جوباسىن ٸسكە اسىرۋ جٶنٸندەگٸ كەلٸسٸمگە قول قويىلدى.
جوبا جاساندى ينتەللەكت, بۇلتتى تەحنولوگييالار جەنە جاڭا بۋىن تسيفرلىق سەرۆيستەردٸ دامىتۋعا ارنالعان زاماناۋي ينفراقۇرىلىم قالىپتاستىرىپ, قازاقستاننىڭ ورتالىق ەۋرازيياداعى ٸرٸ تسيفرلىق حاب رەتٸندەگٸ پوزيتسيياسىن نىعايتۋدى كٶزدەيدٸ.
