قازاقستان تەاترلارى جاڭا ماۋسىمدى جاڭا قويىلىمدارمەن, حالىقارالىق جوبالارمەن جەنە جاڭارعان ينفراقۇرىلىممەن باستايدى. 2025–2026 جىلعى ماۋسىم قورىتىندىسى بويىنشا ەلٸمٸزدٸڭ تەاترلارىندا 16 مىڭ سپەكتاكل قويىلىپ, 410 پرەمەرا ساحنالانعان. قويىلىمداردى 2,8 ملن-نان استام كٶرەرمەن تاماشالاعان, دەپ حابارلايدى ult.kz.
جاڭا ماۋسىمدا بٸرقاتار تەاتر كٶرەرمەنگە جاڭا قويىلىمدارىن ۇسىنادى.
«استانا بالەت» XIV ماۋسىمىن 28 جەنە 29 تامىزدا كورەي ۇلتتىق بالەتٸنٸڭ گاسترولدٸك قويىلىمدارىمەن اشادى. كٶرەرمەندەر ادولف اداننىڭ مۋزىكاسىنا جازىلعان «كورسار» بالەتٸن تاماشالاي الادى. تەاتردىڭ حالىقارالىق باعدارلاماسى ۆەتنام, فرانتسييا جەنە اۋستريياداعى گاسترولدەرمەن جالعاسادى.
«استانا وپەرا» XIV ماۋسىمىن 4 جەنە 5 قىركٷيەكتە احمەت جۇبانوۆ پەن لاتيف حاميديدٸڭ «اباي» وپەراسىمەن اشادى. بيىل كومپوزيتورلاردىڭ 120 جىلدىعىنا وراي بۇل قويىلىمعا ەرەكشە مەن بەرٸلٸپ وتىر. سونىمەن قاتار جاڭا ماۋسىمدا «چارلي ي يرەن», «توميريس» بالەتتەرٸ جەنە بالالارعا ارنالعان «ارمان» مۋزىكالىق سپەكتاكلٸ كٶرەرمەنگە جول تارتادى.
ال اباي اتىنداعى قازاق ۇلتتىق وپەرا جەنە بالەت تەاترى 93-ماۋسىمىن «اقبالا» ۇلتتىق بالەتٸنٸڭ پرەمەراسىمەن باستايدى. قويىلىم ەبدٸجەمٸل نۇرپەيٸسوۆتٸڭ «قان مەن تەر» تريلوگيياسىنىڭ جەلٸسٸ بويىنشا العاش رەت بالەت جانرىندا ساحنالانباق.
بالالارعا ارنالعان قويىلىمدار كٶبەيەدٸ
جاڭا ماۋسىمدا بالالار مەن جاسٶسپٸرٸمدەرگە ارنالعان سپەكتاكلدەرگە دە باسىمدىق بەرٸلمەك.
2026 جىلدىڭ قاڭتار–ماۋسىم ايلارىندا ەلٸمٸزدٸڭ تەاترلارى 3 948 بالالار سپەكتاكلٸن كٶرسەتكەن. ولاردى 559 885 جاس كٶرەرمەن تاماشالاعان.
بۇل باعىتتا بالالار مەن جاسٶسپٸرٸمدەر, قۋىرشاق جەنە جاستار تەاترلارى جۇمىس ٸستەپ كەلەدٸ.
عابيت مٷسٸرەپوۆ اتىنداعى قازاق مەملەكەتتٸك اكادەمييالىق بالالار مەن جاسٶسپٸرٸمدەر تەاترى بيىل 80 جىلدىعىن اتاپ ٶتەدٸ. تەاتردىڭ «ۇلپان» سپەكتاكلٸ بٸشكەكتە ٶتكەن «ART-ORDO» حالىقارالىق تەاتر فەستيۆالٸندە گران-پري يەلەنٸپ, تاعى ٷش اتالىم بويىنشا جٷلدەگە يە بولدى.
تەاترلار شەتەلگە دە گاسترولگە شىعادى
2026 جىلدىڭ العاشقى جارتىجىلدىعىندا قازاقستاندىق تەاترلار 407 گاسترولدٸك ساپار ۇيىمداستىرعان. ونىڭ 394-ٸ قازاقستان ٸشٸندە, 13-ٸ شەتەلدە ٶتكەن.
شەتەلدەگٸ گاسترولدەردٸڭ قاتارىندا اباي اتىنداعى قازاق ۇلتتىق وپەرا جەنە بالەت تەاترىنىڭ سينگاپۋرعا, عابيت مٷسٸرەپوۆ اتىنداعى تەاتردىڭ تٷركيياعا ساپارى بار.
قازاقستاندىق تەاتر ٶكٸلدەرٸ حالىقارالىق بايقاۋلاردا دا جٷلدەگە يە بولدى. «استانا وپەرا» تەاترىنىڭ «El Voice» ۆوكال توبى «سولداتسكيي كونۆەرت» حالىقارالىق بايقاۋ-فەستيۆالٸندە گران-پري جەڭٸپ الدى. ال تەاتر سكريپكاشىسى باعدات ەبٸلحانوۆ قىتايدىڭ داليان قالاسىندا ٶتكەن GRAND ART EXPRESS-CHINA حالىقارالىق بايقاۋىندا ٸ ورىن الدى.
الماتىداعى تەاترلار جاڭارتىلادى
تەاتر ينفراقۇرىلىمىن جاڭارتۋ جۇمىستارى دا جالعاسىپ جاتىر.
الماتىدا مۇحتار ەۋەزوۆ اتىنداعى قازاق ۇلتتىق دراما تەاترى قايتا جاڭعىرتىلۋدا. جوبا اياسىندا عيماراتتىڭ تاريحي كەلبەتٸن ساقتاۋ, ينجەنەرلٸك جٷيەلەرٸن جاڭارتۋ جەنە كٶرەرمەندەر مەن شىعارماشىلىق ۇجىمعا زاماناۋي جاعداي جاساۋ كٶزدەلگەن.
ال ناتاليا ساتس اتىنداعى ورىس مەملەكەتتٸك اكادەمييالىق بالالار مەن جاسٶسپٸرٸمدەر تەاترىن جاڭارتۋ جۇمىستارى اياقتالۋعا جاقىن. قازٸرگٸ تاڭدا نىساننىڭ قۇرىلىس دايىندىعى 98 پايىزعا جەتكەن. تەاتردىڭ تاريحي عيماراتى مەن جاڭا جاپسارجايىنداعى نەگٸزگٸ جۇمىستار اياقتالىپ, ينجەنەرلٸك جٷيەلەر مەن ساحنا جابدىقتارى ورناتىلعان.
تەاتر عيماراتى 7 قاراشادا, تەاتردىڭ تۋعان كٷنٸندە قايتا اشىلادى دەپ جوسپارلانىپ وتىر.
