«قازاقمىس كورپوراتسيياسى» جشس سوڭعى جىلدارداعى ەڭ ٸرٸ ينۆەستيتسييالىق جوبالاردىڭ بٸرٸن ٸسكە اسىرۋعا كٸرٸستٸ. كومپانييا قاراعاندى وبلىسىنداعى «نۇرقازعان» كەن ورنىنىڭ شىعىس ۋچاسكەسٸندە «اۋا جەتكٸزۋشٸ-كلەت-2» شاحتا وقپانىنىڭ قۇرىلىسىن باستادى. جوباعا سالىناتىن ينۆەستيتسييا كٶلەمٸ 32,5 ملرد تەڭگەدەن اسادى.
جاڭا شاحتا وقپانى كەن ورنىنىڭ شىعىس ۋچاسكەسٸن دامىتۋدىڭ نەگٸزگٸ ەلەمەنتٸنە اينالىپ, «نۇرقازعان» كەنٸشٸنٸڭ جاڭا دامۋ كەزەڭٸنە جول اشادى. ونىڭ قۇرىلىسى كەن قورلارىن ودان ەرٸ يگەرۋگە, ٶنەركەسٸپتٸك قاۋٸپسٸزدٸك دەڭگەيٸن ارتتىرۋعا جەنە كەسٸپورىننىڭ الداعى ونداعان جىلدارداعى تۇراقتى جۇمىسىنا ارنالعان زاماناۋي ينفراقۇرىلىمدى قالىپتاستىرۋعا مٷمكٸندٸك بەرەدٸ. وقپاننىڭ جوبالىق تەرەڭدٸگٸ 1283,9 مەتردٸ قۇرايدى. بۇل ونى قازاقستانداعى ەڭ تەرەڭ شاحتا وقپانىنا اينالدىرادى.
قۇرىلىستىڭ باستالۋىنا ارنالعان سالتاناتتى رەسٸمگە «قازاقمىس كورپوراتسيياسى» جشس باقىلاۋ كەڭەسٸنٸڭ تٶراعاسى نۇرمۇحامبەت ەبدٸبەكوۆ, باسقارما تٶراعاسى رۋسلان ٶسكەنەلٸ, باسقارما تٶراعاسىنىڭ ورىنباسارى – تاۋ-كەن ٶندٸرٸسٸ جەنە بايىتۋ جٶنٸندەگٸ باس وپەراتسييالىق ديرەكتور مۇقان ٷڭگٸتباەۆ, «Qaragayly Tau-ken ondirisi» فيليالىنىڭ باس ديرەكتورى سايات بەكٸروۆ, مەردٸگەر ۇيىمنىڭ ٶكٸلدەرٸ مەن ەڭبەك ۇجىمى قاتىستى. قۇرىلىس جۇمىستارىنىڭ رەسمي باستالۋى ٸسكە قوسۋ باتىرماسىن سيمۆوليكالىق تٷردە باسۋ رەسٸمٸمەن بەلگٸلەندٸ.
«بٷگٸن بٸز «نۇرقازعان» كەنٸشٸنٸڭ الداعى بٸرنەشە ونجىلدىقتاعى دامۋىن ايقىندايتىن جوبانى باستاعالى تۇرمىز. بۇل – ادامداردىڭ قاۋٸپسٸزدٸگٸنە, ٶندٸرٸستٸ دامىتۋعا جەنە كومپانييانىڭ شيكٸزاتتىق بازاسىن نىعايتۋعا باعىتتالعان ينۆەستيتسييا. جاڭا شاحتا وقپانى كەن ورنىنىڭ شىعىس ۋچاسكەسٸن يگەرۋگە, كەسٸپورىننىڭ تۇراقتى جۇمىسىن قامتاماسىز ەتۋگە جەنە ونىڭ ودان ەرٸ دامۋىنا جاعداي جاساۋعا مٷمكٸندٸك بەرەدٸ», – دەدٸ «قازاقمىس كورپوراتسيياسى» جشس باقىلاۋ كەڭەسٸنٸڭ تٶراعاسى نۇرمۇحامبەت ەبدٸبەكوۆ.
جاڭا شاحتا وقپانى جەراستى قازباسىن تازا اۋامەن قامتاماسىز ەتۋگە, جۇمىسكەرلەر مەن جابدىقتى قاۋٸپسٸز جەتكٸزۋگە, سونداي-اق كەن ورنىنىڭ شىعىس ۋچاسكەسٸندە جاڭا كەن قورىن اشۋعا مٷمكٸندٸك بەرەدٸ. قۇرىلىس بارىسىندا 65 مىڭ تەكشە مەتردەن استام تاۋ جىنىسىن قازىپ شىعارىپ, شاحتانىڭ قولدانىستاعى دەڭگەيجيەكتەرٸمەن توعىز تٷيٸسۋ قۇرىلىسىن سالۋ قاجەت.
جوبانىڭ نەگٸزگٸ ماقساتى – كەن ورنىنىڭ شىعىس ۋچاسكەسٸندەگٸ كەن قورلارىن اشۋ, جەراستى قازبالارىن تازا اۋامەن جەنە جەلدەتۋدٸڭ جوبالىق رەجيمٸن قامتاماسىز ەتۋ, سونداي-اق جۇمىسكەرلەردٸڭ قاۋٸپسٸز تٷسٸپ-شىعۋىنا جاعداي جاساۋ بولىپ تابىلادى.
وقپاندى ٷڭگٸلەۋ جۇمىسىن 2031 جىلى اياقتاۋ جوسپارلانعان. ودان كەيٸن نىساندى زاماناۋي تەحنولوگييالىق جابدىقپەن جاراقتاندىرۋ كەزەڭٸ باستالادى. ونىڭ اياسىندا كلەتتٸ كٶتەرگٸش مونتاجدالىپ, باس جەلدەتكٸش قوندىرعىسى مەن جەراستى قازبالارىنا بەرٸلەتٸن اۋانى جىلىتۋعا ارنالعان مودۋلدٸك جىلۋ ەنەرگەتيكالىق قازاندىقپەن جابدىقتالادى.
شىعىس ۋچاسكەسٸن دامىتۋ جۇمىسى ەكٸنشٸ شاحتا وقپانى – «جەلدەتكٸش-2» نىسانىنىڭ قۇرىلىسىمەن جالعاسادى. قۇرىلىس اياقتالعان سوڭ جاڭا وقپان شاحتادا پايدالانىلعان اۋا اعىنىن سىرتقا شىعارۋدى, كەنٸشتەن رەزەرۆتٸك شىعۋ جولىن جەنە كەن قورىن قوسىمشا يگەرۋ مٷمكٸندٸگٸن قامتاماسىز ەتەدٸ. ەكٸ وقپان بٸرلەسٸپ كەن ورنىنىڭ شىعىس ۋچاسكەسٸن تيٸمدٸ ەرٸ قاۋٸپسٸز يگەرۋگە قاجەتتٸ زاماناۋي ينفراقۇرىلىم قالىپتاستىرادى.
مىس, التىن جەنە كٷمٸس قورلارى راستالعان «نۇرقازعان» كەن ورنىنىڭ قورى تاۋ-كەن بايىتۋ كەشەنٸنٸڭ 40 جىلدان استام تۇراقتى جۇمىسىن قامتاماسىز ەتۋگە مٷمكٸندٸك بەرەدٸ. بۇل جوبانى ٸسكە اسىرۋ ٶندٸرٸستٸك قۋاتتاردى دامىتۋعا, ٶنەركەسٸپتٸك قاۋٸپسٸزدٸك دەڭگەيٸن ارتتىرۋعا جەنە كومپانييانىڭ شيكٸزاتتىق بازاسىن نىعايتۋعا باعىتتالعان «قازاقمىس» كومپانيياسىنىڭ ۇزاق مەرزٸمدٸ ينۆەستيتسييالىق باعدارلاماسىنىڭ ماڭىزدى كەزەڭٸنە اينالادى.
