قازاقستان رەسپۋبليكاسى مەدەنيەت جەنە اقپارات مينيسترلٸگٸنٸڭ قولداۋىمەن 4 ماۋسىم كٷنٸ روزا باعلانوۆا اتىنداعى «قازاقكونتسەرت» مەملەكەتتٸك اكادەمييالىق كونتسەرتتٸك ۇيىمىندا قازاق مەملەكەتتٸك سيمفونييالىق وركەسترٸنٸڭ «جاڭا ەلەم» اتتى كونتسەرتٸ ٶتتٸ, دەپ حابارلايدى ult.kz.
كونتسەرت باعدارلاماسىنا ۇلتتىق جەنە ەلەمدٸك سيمفونييالىق مۋزىكانىڭ تاڭداۋلى تۋىندىلارى ەندٸ.
مۋزىكالىق كەش اياسىندا قازاق كەسٸبي مۋزىكا ٶنەرٸنٸڭ نەگٸزٸن قالاۋشىلاردىڭ بٸرٸ احمەت جۇبانوۆتىڭ تۋعانىنا 120 جىل تولۋىنا وراي احمەت جۇبانوۆ پەن لاتيف حاميديدٸڭ «اباي» وپەراسىنان بي سيۋيتاسى ورىندالدى.
سونداي-اق كٶرەرمەندەر ەدۆارد گريگتٸڭ «پەر گيۋنت» سيۋيتاسىنىڭ بٸرٸنشٸ بٶلٸمٸن جەنە انتونين دۆورجاكتىڭ №9 «جاڭا ەلەم» سيمفونيياسىن تىڭدادى.
كونتسەرتتٸڭ نەگٸزگٸ ماقساتى – سيمفونييالىق مۋزىكانى كەڭٸنەن ناسيحاتتاۋ, ۇلتتىق كومپوزيتورلاردىڭ شىعارماشىلىق مۇراسىن دەرٸپتەۋ جەنە ەلەمدٸك كلاسسيكالىق ٶنەردٸڭ ٷزدٸك ٷلگٸلەرٸن كٶپشٸلٸككە ۇسىنۋ.
ۇيىمداستىرۋشىلاردىڭ ايتۋىنشا, مۇنداي جوبالار وتاندىق سيمفونييالىق ٶنەردٸڭ دامۋىنا سەرپٸن بەرٸپ, كلاسسيكالىق مۋزىكاعا قىزىعۋشىلىقتى ارتتىرۋعا ىقپال ەتەدٸ.
