اقتٶبەدەگٸ ەسكەري بٶلٸمدە سوققىعا جىعىلعانىن ايتقان اقتاۋلىق ساربازدىڭ اتا-اناسى ۇلىنا باردى. ساربازدىڭ اناسى گٷلدانا كەتٸباەۆا ۇلىنىڭ جاعدايى اۋىر ەكەنٸن ايتىپ, ونىڭ قاتتى ارىقتاپ كەتكەنٸن جەنە قازٸر كاتەتەرمەن جاتقانىن جەتكٸزدٸ, دەپ حابارلايدى ult.kz.
Lada.kz جازۋىنشا, اناسى ۇلىنىڭ سىرتقى كەلبەتٸ دە قاتتى ٶزگەرگەنٸن ايتقان.
«كٶزٸ شٷڭٸرەيٸپ, تىم قاتتى ارىقتاپ كەتكەن. كيٸمٸ دە كٸر-قوجالاق بولعان. تٸپتٸ اۋىستىراتىن كيٸمٸ دە بولماعان. فيزيكالىق جەنە ەموتسيونالدىق تۇرعىدان ەبدەن ەلسٸرەگەن», – دەدٸ گٷلدانا كەتٸباەۆا.
ونىڭ سٶزٸنشە, كەزدەسۋدەن كەيٸن ەسكەري بٶلٸم قىزمەتكەرلەرٸ ساربازعا اۋىستىراتىن كيٸم ەكەلگەن.
اناسى ۇلىنىڭ دەنساۋلىعىنا قاتىستى دا الاڭداۋشىلىق بٸلدٸردٸ. قازٸر سارباز ٶزدٸگٸنەن دەرەتكە شىعا الماي, كاتەتەرمەن جاتىر.
كەزدەسۋ كەزٸندە سارباز اناسىنا شاپ تۇسىنان سوققى العانىن ايتقان. اناسىنىڭ سٶزٸنشە, سودان كەيٸن ونىڭ دەنساۋلىعى ناشارلاپ, دەرەتكە شىعۋىندا قيىندىق پايدا بولعان.
سونداي-اق ساربازدىڭ اناسى ۇلىنا اۋىرسىنۋىنا بايلانىستى ورىنداي المايتىن تاپسىرمالار بەرٸلگەنٸن, ال تاپسىرمانى ورىنداماعانى ٷشٸن قايتادان سوققىعا جىعىلعانىن مەلٸمدەدٸ.
«ەكٸ تەۋلٸك بويى دەرەتكە شىعا الماعان. سودان كەيٸن عانا ونى اقتٶبە وبلىستىق اۋرۋحاناسىنا جەتكٸزگەن», – دەدٸ ول.
گٷلدانا كەتٸباەۆانىڭ ايتۋىنشا, ەسكەري پروكۋراتۋرا قىلمىستىق كودەكستٸڭ 451-بابى 1-بٶلٸگٸمەن («بيلٸكتٸ نەمەسە لاۋازىمدىق ٶكٸلەتتٸكتەردٸ اسىرا پايدالانۋ») قىلمىستىق ٸس قوزعاعان.
اتالعان باپ بويىنشا ايىپپۇل سالۋ, تٷزەۋ جۇمىستارىنا تارتۋ, باس بوستاندىعىن شەكتەۋ نەمەسە بەس جىلعا دەيٸن باس بوستاندىعىنان ايىرۋ جازاسى قاراستىرىلعان.
سارباز ٶزٸن ۇردى دەپ كٶرسەتكەن سەرجانتتاردىڭ اتى-جٶنٸ ەزٸرگە جارييالانعان جوق. اناسى مۇنى ٸستٸڭ تەرگەلٸپ جاتقانىنا بايلانىستى تٷسٸندٸردٸ.
قازٸر ول ۇلىن باسقا ەسكەري بٶلٸمگە اۋىستىرۋدى ەمەس, ەسكەري قىزمەتتەن بوساتۋدى سۇراپ وتىر.
«مۇندا بۇدان بىلاي قىزمەت ەتۋٸنٸڭ مەنٸ جوق. ال كٸنەلٸلەر زاڭ بويىنشا جازالانۋى تيٸس», – دەدٸ ساربازدىڭ اناسى.
قازٸرگٸ ۋاقىتتا اتا-اناسى ۇلىمەن بٸرگە اقتٶبە وبلىستىق اۋرۋحاناسىندا.
ەسكە سالايىق, بۇعان دەيٸن اقتٶبەدە ەسكەري بورىشىن ٶتەپ جٷرگەن اقتاۋدىڭ 18 جاستاعى تۇرعىنى ەربول دوسىمبەت اۋرۋحاناعا تٷسكەنٸ حابارلانعان ەدٸ. سارباز ەسكەري بٶلٸمدە ٶزٸن جٷيەلٸ تٷردە ۇرىپ-سوققانىن ايتىپ, پوليتسيياعا ارىز جازعان.
ول اناسىمەن بەينەبايلانىس كەزٸندە ٶزٸن اعا سەرجانت پەن تاعى ەكٸ سەرجانت ۇرعانىن مەلٸمدەگەن. كەيٸن ٸٸم 2026 جىلدىڭ ناۋرىزىندا اتالعان جاعداي بويىنشا سوتقا دەيٸنگٸ تەرگەۋ باستالعانىن حابارلادى.
