مەملەكەت باسشىسى قاسىم-جومارت توقاەۆ بەيبٸتشٸلٸك كەڭەسٸنٸڭ اعا كەڭەسشٸسٸ ارە لايتستوۋنمەن كەزدەسۋ ٶتكٸزدٸ, دەپ حابارلايدى ult.kz.
كەزدەسۋ بارىسىندا پرەزيدەنت قازاقستاننىڭ بەيبٸتشٸلٸك كەڭەسٸنە قاتىسۋىنىڭ ماڭىزىن اتاپ ٶتٸپ, ۇيىم اياسىندا ٶزارا تيٸمدٸ ىنتىماقتاستىقتى دامىتۋعا مٷددەلٸ ەكەنٸن جەتكٸزدٸ.
– بٸز بەيبٸتشٸلٸك كەڭەسٸنٸڭ نەگٸزٸن قالاۋشىلاردىڭ بٸرٸ رەتٸندە بۇل ينستيتۋتتىڭ جاھاندىق قاۋٸپسٸزدٸك پەن حالىقارالىق ديالوگتى نىعايتۋعا ەلەۋلٸ ٷلەس قوسا الاتىنىنا سەنٸمدٸمٸز, – دەدٸ مەملەكەت باسشىسى.
تاراپتار ەڭگٸمە بارىسىندا گازا سەكتورىنداعى جاعدايدى تۇراقتاندىرۋعا باعىتتالعان قازاقستاننىڭ باستامالارىن تالقىلادى. اتاپ ايتقاندا, ەلەۋمەتتٸك ينفراقۇرىلىمدى قالپىنا كەلتٸرۋ, بٸلٸم بەرۋ مەن دەنساۋلىق ساقتاۋ جوبالارىن جٷزەگە اسىرۋ, سونداي-اق ازىق-تٷلٸك قاۋٸپسٸزدٸگٸن قامتاماسىز ەتۋ مەسەلەلەرٸ سٶز بولدى.
ارە لايتستوۋن قازاقستان حالقىن جەنە پرەزيدەنت قاسىم-جومارت توقاەۆتى مەملەكەتتٸك رەمٸزدەر كٷنٸمەن قۇتتىقتاپ, ەلگە بەيبٸتشٸلٸك پەن ٶسٸپ-ٶركەندەۋ تٸلەدٸ. سونىمەن قاتار ول اقش پرەزيدەنتٸ دونالد ترامپتىڭ ىستىق ىقىلاسى مەن سەلەمٸن جەتكٸزدٸ.
كەزدەسۋ بارىسىندا قازاقستاننىڭ حالىقارالىق ۇيىمدارداعى بەلسەندٸ قىزمەتٸ دە تالقىلاندى. بەيبٸتشٸلٸك كەڭەسٸنٸڭ ٶكٸلٸ ەلٸمٸزدٸڭ تٷرلٸ حالىقارالىق باستامالارعا قاتىسۋىن جەنە يبراھيم كەلٸسٸمدەرٸنە قوسىلۋ تۋرالى شەشٸمٸن جوعارى باعالادى.
سونداي-اق تاراپتار كٶلٸك جەنە لوگيستيكا سالاسىنداعى ەرٸپتەستٸكتٸ, TRIPP جوباسى مەن Middle Corridor ورتا دەلٸز اياسىنداعى ىقپالداستىقتىڭ كەلەشەگٸن قاراستىردى. قازاقستاننىڭ ٶڭٸرارالىق بايلانىستى نىعايتۋعا جەنە حالىقارالىق كٶلٸك باعىتتارىن ەرتاراپتاندىرۋعا ەرەكشە قىزىعۋشىلىق تانىتىپ وتىرعانى ايتىلدى.
كەزدەسۋ قورىتىندىسىندا قاسىم-جومارت توقاەۆ پەن ارە لايتستوۋن ەكٸجاقتى جەنە كٶپجاقتى كٷن تەرتٸبٸندەگٸ ٶزەكتٸ مەسەلەلەر بويىنشا ىنتىماقتاستىقتى ودان ەرٸ تەرەڭدەتۋگە دايىن ەكەنٸن راستادى.
