قاسكەلەڭدە كٷيەۋٸن قاساقانا ٶلتٸردٸ دەپ ايىپتالعان كٶپبالالى اناعا قاتىستى سوت پروتسەسٸ اياقتالدى. القابيلەر سوتتالۋشىنى تولىق اقتاۋ تۋرالى شەشٸم شىعاردى. بۇل تۋرالى قۇقىق قورعاۋشى دينا تانساري ەلەۋمەتتٸك جەلٸدەگٸ پاراقشاسىندا جازدى, دەپ حابارلايدى ult.kz.
قۇقىق قورعاۋشىنىڭ مەلٸمەتٸنشە, ەيەل بٸرنەشە جىل بويى تۇرمىستىق زورلىق-زومبىلىققا ۇشىراعان. جولداسى ونى جٷيەلٸ تٷردە ۇرىپ-سوعىپ, تۇنشىقتىرعان, تٸپتٸ ەمٸزۋلٸ بالاسىمەن بٸرگە ايازدا دالاعا شىعارىپ جٸبەرگەن. سونداي-اق جٷكتٸ كەزٸندە دە اۋىر جاراقات سالعان.
وقيعاعا دەيٸن بٸرنەشە كٷن بۇرىن جاعداي ۋشىعا تٷسكەن. ەيەل كٷيەۋٸنٸڭ كٶزٸنە شٶپ سالعانىن بٸلٸپ, اجىراسۋعا بەل بۋعان. وسىدان كەيٸن ەر ادام تاعى دا وعان قول كٶتەرگەن.
وقيعا بولعان كٷنٸ ەيەل كٷيەۋٸنەن «ماعان بۇدان ەرٸ دە قول كٶتەرە بەرەسٸڭ بە?» دەپ سۇراعان. ەر ادام وعان وڭ جاۋاپ بەرگەن. وسىدان كەيٸن بولعان جاعداي ەيەلگە قاتىستى قر قىلمىستىق كودەكسٸنٸڭ 99-بابى 1-بٶلٸگٸ («ادام ٶلتٸرۋ») بويىنشا قىلمىستىق ٸس قوزعالۋىنا سەبەپ بولعان.
سوت پروتسەسٸ ەيەل ٷشٸن اۋىر ٶتكەن. ول 15 تامىزدا بەسٸنشٸ بالاسىن دٷنيەگە ەكەلۋٸ تيٸس بولعان. سوعان قاراماستان, سوت وتىرىستارىنا الماتىداعى تەرگەۋ يزولياتورىنان قاسكەلەڭگە كونۆويمەن كٷن سايىن جەتكٸزٸلٸپ وتىرعان. ەكٸ ەلدٸ مەكەننٸڭ اراسى شامامەن 60 شاقىرىم.
ٸس ماتەريالدارىنىڭ بارلىعىن زەرتتەگەن القابيلەر سوتتالۋشىنى كٸنەسٸز دەپ تانىپ, تولىق اقتاۋ ٷكٸمٸن شىعاردى.
