قاراعاندىدا پوليتسييا اسا ٸرٸ كٶلەمدەگٸ الاياقتىق جاسادى دەگەن كٷدٸكپەن 37 جاستاعى جەرگٸلٸكتٸ تۇرعىندى ۇستادى, دەپ حابارلايدى ult.kz.
تەرگەۋ مەلٸمەتٸنشە, كٷدٸكتٸ ٶزٸن سەنٸمدٸ سەرٸكتەس رەتٸندە كٶرسەتٸپ, تانىسىنىڭ سەنٸمٸنە كٸرگەن. كەيٸن قۇرىلىس ماتەريالدارىن ساتىپ الۋ قاجەت ەكەنٸن ايتىپ, ودان بٸرنەشە رەت قارىزعا اقشا العان.
Polisia.kz پورتالىنىڭ جازۋىنشا, 39 جاستاعى جەبٸرلەنۋشٸنٸڭ ايتۋىنشا, كٷدٸكتٸ بۇعان دەيٸن ٶزٸنە جەنە اينالاسىنداعى ادامدارعا كٶمەكتەسٸپ جٷرگەندٸكتەن, وعان كٷمەن كەلتٸرمەگەن. العاشىندا العان قاراجاتىنىڭ بٸر بٶلٸگٸن ۋاقىتىندا قايتارىپ وتىرعانىمەن, كەيٸن قايتا-قايتا اقشا سۇراعان.
سٶيتٸپ, بيىلعى اقپان ايىنا قاراي قارىز كٶلەمٸ 7 ميلليون تەڭگەگە جەتكەن. كەيٸن كٷدٸكتٸ بارلىق قاراجاتتى اي سوڭىنا دەيٸن قايتارۋعا ۋەدە بەرٸپ, قولحات جازعان. الايدا ۋەدە ورىندالماي, ول بايلانىسقا شىقپاي كەتكەن.
جەبٸرلەنۋشٸ ٷش اي بويى اقشاسىن قايتارۋعا ەرەكەت جاساعانىمەن نەتيجە بولماعان سوڭ پوليتسيياعا جٷگٸنگەن.
جەدەل-ٸزدەستٸرۋ شارالارى بارىسىندا تەرتٸپ ساقشىلارى كٷدٸكتٸنٸڭ جٷرگەن جەرٸن انىقتاپ, ونى ۇستادى. پوليتسييانىڭ مەلٸمەتٸنشە, ول ٶز كٸنەسٸن مويىنداپ, تٷسٸنٸكتەمە بەرگەن.
قازٸرگٸ ۋاقىتتا اتالعان فاكتٸ بويىنشا سوتقا دەيٸنگٸ تەرگەۋ امالدارى جٷرگٸزٸلٸپ جاتىر. وقيعانىڭ بارلىق مەن-جايى انىقتالۋدا.
