قاراعاندى تۇرعىنىنىڭ پوليتسييا قىزمەتكەرٸن سوققىعا جىققانى ٷشٸن شىققان ٷكٸمگە قاتىستى داۋ تۋىندادى. بۇل تۋرالى پاتريوت telegram ارناسى جازادى, دەپ حابارلايدى ult.kz.
ارنانىڭ مەلٸمەتٸنشە, ماگامەد گاگيەۆ قارجىلىق پيراميداعا قاتىستى قىلمىستىق ٸس بويىنشا كٷدٸكتٸ رەتٸندە قاماۋدا وتىرعان ازاماتتىق جۇبايىنا كەزدەسۋگە كەلگەن. الايدا سول كٷنٸ ادۆوكاتتار مەن قوعامدىق قورعاۋشىلاردىڭ كٶپ بولۋىنا بايلانىستى كەزدەسۋگە ارنالعان كابينەتتەر بوس بولماي, كەزدەسۋ كەيٸنگە شەگەرٸلگەن. وسىدان كەيٸن گاگيەۆ پەن تەرگەۋ يزولياتورىنىڭ رەجيم جەنە كٷزەت بٶلٸمٸنٸڭ قىزمەتكەرٸ ەسەل جامباەۆا اراسىندا جانجال شىققان. كۋەگەرلەردٸڭ ايتۋىنشا, ەر ادام پوليتسييا قىزمەتكەرٸن يتەرٸپ, كەيٸن ونىڭ بەت تۇسىنان ۇرعان. سوققىدان قىزمەتكەر قۇلاي جازداعان.
پاتريوتتىڭ جازۋىنشا, وقيعا كەزٸندە گاگيەۆ شارتتى تٷردە مەرزٸمٸنەن بۇرىن بوساتىلعان.
ول بۇعان دەيٸن تەمٸرتاۋداعى تٷنگٸ كلۋبتا ادام ٶلتٸرگەنٸ ٷشٸن سوتتالعان بولاتىن.
بٸرٸنشٸ ساتىداعى سوت ونى «بيلٸك ٶكٸلٸنە كٷش قولدانعانى ٷشٸن» جەنە بۇرىنعى جازاسىنىڭ ٶتەلمەگەن بٶلٸگٸن ەسكەرە وتىرىپ, 5 جىلعا باس بوستاندىعىنان ايىرعان.
الايدا كەيٸن اپەللياتسييالىق سوت ٸستٸ قايتا قاراپ, ايىپتى «بيلٸك ٶكٸلٸنە كٷش قولدانۋ» بابىنان 109 باپقا, «دەنساۋلىققا جەڭٸل زييان كەلتٸرمەگەن ۇرىپ-سوعۋ» بابىنا اۋىستىرعان. سونىڭ نەتيجەسٸندە سوتتالعان ازاماتقا قوعامدىق جۇمىستار تاعايىندالدى. تەرگەۋ كەزٸندە قاماۋدا بولعان مەرزٸمٸ جازا رەتٸندە ەسەپتەلٸپ, بوستاندىققا شىققان. بۇل شەشٸمدٸ كاسساتسييالىق سوت القاسى دا ٶزگەرٸسسٸز قالدىرعان.
قازٸرگٸ ۋاقىتتا پوليتسييا قىزمەتكەرٸ ەسەل جامباەۆا مەن ونىڭ قورعاۋشىسى ارتەم شەدوگۋبوۆ اپەللياتسييالىق جەنە كاسساتسييالىق سوتتاردىڭ شەشٸمدەرٸن ەدٸلەتسٸز دەپ ەسەپتەيدٸ. ولار باس پروكۋراتۋرادان ٸستٸڭ مەن-جايىن قايتا قاراپ, بٸرٸنشٸ ساتىداعى سوت ٷكٸمٸن كٷشٸندە قالدىرۋدى سۇراپ وتىر.
