قاراعاندىدا پوليتسەيلەر بەينەباقىلاۋ كامەرالارىنىڭ كٶمەگٸمەن اۆتوكٶلٸكتٸ زاڭسىز يەلەنۋ دەرەگٸن جەدەل اشىپ, كٷدٸكتٸلەردٸ ۇستادى, دەپ حابارلايدى ult.kz.
Polisia.kz. مەلٸمەتٸنشە, پوليتسيياعا 60 جاستاعى قالا تۇرعىنى جٷگٸنٸپ, كەشكە ٷيٸنٸڭ اۋلاسىنا قالدىرعان اۆتوكٶلٸگٸن تاڭەرتەڭ ورنىنان تاپپاعانىن ايتقان. حابارلاما تٷسكەن بويدا تەرتٸپ ساقشىلارى جەدەل ٸزدەستٸرۋ شارالارىن باستادى.
تەرگەۋ بارىسىندا بەينەباقىلاۋ كامەرالارىنىڭ جازبالارى شەشۋشٸ رٶل اتقارعان. پوليتسەيلەر بەينەماتەريالداردى سارالاۋ ارقىلى قىلمىستىڭ جاسالعان ۋاقىتىن انىقتاپ, كٷدٸكتٸلەردٸڭ قوزعالىس باعىتىن كەزەڭ-كەزەڭٸمەن باقىلاعان.
جەدەل ٸس-شارالاردىڭ نەتيجەسٸندە ۇرلانعان اۆتوكٶلٸك سوڭعى انىقتالعان مەكەنجايدان تابىلدى. ارتىنشا كٷدٸكتٸلەر دە قولعا تٷستٸ. ولار – جەبٸرلەنۋشٸمەن كٶرشٸ تۇراتىن 19 جاستاعى جٸگٸت پەن ونىڭ دوسى ەكەنٸ بەلگٸلٸ بولدى.
ۇستالعاندار ٶز كٸنەلارىن مويىنداعان. قازٸرگٸ ۋاقىتتا اتالعان دەرەك بويىنشا سوتقا دەيٸنگٸ تەرگەپ-تەكسەرۋ جٷرگٸزٸلٸپ, وقيعانىڭ بارلىق مەن-جايى انىقتالىپ جاتىر.
