Qaraǵandyda politseiler beinebaqylaý kameralarynyń kómegimen avtokólikti zańsyz ielený deregin jedel ashyp, kúdiktilerdi ustady, dep habarlaidy ult.kz.
Polisia.kz. Málimetinshe, politsiiaǵa 60 jastaǵy qala turǵyny júginip, keshke úiiniń aýlasyna qaldyrǵan avtokóligin tańerteń ornynan tappaǵanyn aitqan. Habarlama túsken boida tártip saqshylary jedel izdestirý sharalaryn bastady.
Tergeý barysynda beinebaqylaý kameralarynyń jazbalary sheshýshi ról atqarǵan. Politseiler beinematerialdardy saralaý arqyly qylmystyń jasalǵan ýaqytyn anyqtap, kúdiktilerdiń qozǵalys baǵytyn kezeń-kezeńimen baqylaǵan.
Jedel is-sharalardyń nátijesinde urlanǵan avtokólik sońǵy anyqtalǵan mekenjaidan tabyldy. Artynsha kúdiktiler de qolǵa tústi. Olar – jábirlenýshimen kórshi turatyn 19 jastaǵy jigit pen onyń dosy ekeni belgili boldy.
Ustalǵandar óz kinálaryn moiyndaǵan. Qazirgi ýaqytta atalǵan derek boiynsha sotqa deiingi tergep-tekserý júrgizilip, oqiǵanyń barlyq mán-jaiy anyqtalyp jatyr.
