قازاقستاندا زاڭسىز اينالىمداعى قارۋ-جاراقتى جەنە ونىڭ جاسىرىلعان ورىندارىن انىقتاۋ جۇمىستارى جالعاسىپ جاتىر. بۇل باعىتتا ٸشكٸ ٸستەر مينيسترلٸگٸ مەن ۇلتتىق قاۋٸپسٸزدٸك ورگاندارى بٸرلەسٸپ جۇمىس ٸستەۋدە, دەپ حابارلايدى ult.kz.
مەسەلەن, شىمكەنتتٸڭ تۇران اۋدانىندا اۆتوجول ماڭىنداعى ارىقتان قارۋ-جاراق جاسىرىلعان ورىن تابىلدى. ول جەردەن ٷش اڭشىلىق مىلتىق, بٸر مىلتىقتىڭ كەسٸندٸسٸ جەنە تاپانشا تەركٸلەنگەن.
تەكسەرۋ بارىسىندا قارۋلاردىڭ بٸرٸنٸڭ 2022 جىلعى قاڭتار وقيعاسى كەزٸندە الماتىداعى قارۋ-جاراق دٷكەنٸنەن ۇرلانعانى انىقتالدى.
وسىنداي جاعداي پەتروپاۆلدا دا تٸركەلدٸ. قالا اۋماعىنداعى اشىق جەردەن اڭشىلىق مىلتىق, نٶمٸرلەرٸ ٶشٸرٸلگەن ەكٸ مىلتىقتىڭ كەسٸندٸسٸ, برونەجيلەت جەنە 27 دانا وق-دەرٸ تابىلعان.
ٸشكٸ ٸستەر مينيسترلٸگٸ زاڭسىز ساقتالعان قارۋدى ٶز ەركٸمەن تاپسىرعان ازاماتتار قىلمىستىق جەنە ەكٸمشٸلٸك جاۋاپكەرشٸلٸكتەن بوساتىلاتىنىن ەسكە سالدى.
سونىمەن قاتار ۆەدومستۆو 20 سەۋٸردەن باستاپ جىل سوڭىنا دەيٸن حالىقتان زاڭسىز ساقتالعان اتىس قارۋىن, وق-دەرٸلەر مەن جارىلعىش زاتتاردى ساتىپ الۋ بويىنشا اكتسييا ٶتكٸزٸپ جاتىر.
بٷگٸندە اكتسييا اياسىندا ازاماتتار شامامەن 900 دانا تٷرلٸ قارۋ مەن 6 مىڭعا جۋىق وق-دەرٸنٸ ٶز ەركٸمەن تاپسىرعان.
