ەڭبەكشٸقازاق اۋدانىنىڭ تۇرعىنى ٶزٸنە كٶلٸك ساتىپ الۋعا كەلگەن ازاماتتى پىشاقتاپ, 10 ميلليون تەڭگەسٸن الىپ كەتكەن, دەپ حابارلايدى «ۇلت اقپارات» الماتى وبلىسىنىڭ پوليتسييا دەپارتامەنتٸنٸڭ باسپاسٶز قىزمەتٸنە سٸلتەمە جاساپ.
«ەڭبەكشٸقازاق اۋدانى پوليتسييا باسقارماسىنىڭ كەزەكشٸ بٶلٸمٸنە اۋرۋحاناعا ارقا تۇسىنا سۇعىلعان پىشاق جاراقاتى بار 33 جاستاعى الماتى قالاسىنىڭ تۇرعىنى جەتكٸزٸلگەنٸ تۋرالى حابار تٷستٸ. اۋرۋحاناعا جەتكەن جەدەل تەرگەۋ توبى اتالعان فاكتٸنٸ راستاپ, ٸزدەۋ شارالارىن باستاپ كەتتٸ. كەيٸن ساتۋشىمەن كەزدەسۋ كەزٸندە كٷدٸكتٸ سۋىق قارۋ قولدانىپ, زارداپ شەگۋشٸدەن 10 ميلليون تەڭگە كٶلەمٸندە اقشاسىن تارتىپ العانى انىقتالدى», - دەدٸ ەڭبەكشٸقازاق اۋدانى پوليتسييا باسقارماسىنىڭ باستىعى جاقسىلىق التىنباەۆ.
زارداپ شەگۋشٸ كٷدٸكتٸدەن Tوyota Camry-70 اۆتوكٶلٸگٸن ساتىپ الماق بولعان. كەزدەسۋ جەنە اقشانى بەرۋ ەسٸك قالاسىندا ٶتكەن. «از ۋاقىتتىڭ ٸشٸندە قىزمەتكەرلەر ەر ادامدى انىقتاپ, ۇستادى. ونى زارداپ شەگۋشٸ مەن كۋەگەر تانىدى. ول – 22 جاستاعى ەسٸك قالاسىنىڭ تۇرعىنى بولىپ شىقتى. قازٸرگٸ كەزدە وعان قاتىستى قر قىلمىستىق كودەكسٸنٸڭ 192-بابى, 4-بٶلٸگٸ, 1-تارماعى بويىنشا ٸس قوزعالدى. كٷدٸكتٸ جاساعان قىلمىسىن مويىندادى. قازٸرگٸ كەزدە ۋاقىتشا ۇستاۋ يزولياتورىنا قامالعان», - دەدٸ جاقسىلىق التىنباەۆ.
