Fox News ارناسىنىڭ جٷرگٸزۋشٸسٸ بيلل و'رەيلي رف پرەزيدەنتٸ ۆلاديمير پۋتيندٸ "قانىشەر" دەپ اتاعانى ٷشٸن كەشٸرٸم سۇرامايتىنىن مەلٸمدەدٸ, - دەپ حابارلايدى ريا نوۆوستي.
رەسەي باسشىسىنىڭ باسپاسٶز حاتشىسى دميتريي پەسكوۆ پرەزيدەنتكە قاراتا ايتىلعان مۇنداي سٶزدەردٸ تٸل تيگٸزۋ دەپ سانايتىنىن مەلٸمدەپ, مۇندايعا جول بەرۋگە بولمايدى دەپ ەسەپتەيدٸ. سونىمەن قاتار, ول جۋرناليستٸڭ كەشٸرٸم سۇراۋىن كٷتەتٸنٸن جەتكٸزگەن بولاتىن. رەسەيدٸڭ جۋرناليستەر وداعى دا ەشبٸر جۋرناليستٸڭ بٸرەۋدٸ قانىشەر دەپ ايىپتاۋعا قۇقى جوعىن ايتقان.
ال جۋرناليستٸڭ ٶزٸ كەشٸرٸم سۇراۋعا نيەتتٸ ەمەس ەكەنٸن تٸكەلەي ەفيردە ايتتى. "مەن قالاي كەشٸرٸم سۇرايتىنىمدى ويلاستىرىپ جٷرمٸن, بۇل بٸراز ۋاقىت الۋى مٷمكٸن. بٸر 2033 جىلدارى دايىن بولىپ قالادى", - دەدٸ و'رەيلي.
مۇنىڭ الدىندا اقش پرەزيدەنتٸ دونالد ترامپپەن تٸلدەسە وتىرىپ, و'رەيلي باتىس ەلدەرٸنٸڭ رەسمي مەسكەۋگە قاتىستى ايىپتاردى ەسكە سالىپ, رەسەي باسشىسىن "قانىشەر" دەپ اتاعان. بۇل سٶزگە ترامپ "سٸز قالاي ويلايسىز? بٸزدٸڭ ەل سونشالىقتى پەك پە ەدٸ?", - دەپ جاۋاپ بەرٸپ, امەريكا رەسەيگە قارسى تۇرعانشا, سەرٸكتەس بولعانى ۇتىمدى بولاتىنىن ايتتى.
