تٷركييا پرەزيدەنتٸ رەجەپ ەردوعان مەن رەسەي پرەزيدەنتٸ ۆلاديمير پۋتين سوچيدەگٸ كەزدەسۋٸندە «انكارا مەن مەسكەۋ ەۆفرات ٶزەنٸنەن شىعىسقا قاراي سيرييا مەن تٷركييا شەكاراسىن بٸرگە باقىلايدى» دەگەن ۋاعدا جاساستى.
رەسەي سىرتقى ٸستەر مينيسترٸ سەرگەي لاۆروۆ وقىعان كەلٸسٸم مەتٸنٸ بويىنشا, وسىدان ەكٸ اپتا بۇرىن تٷركييا ەسكەري وپەراتسييا جٷرگٸزگەن 30 كم شەكارا ايماعىن تٷرٸك ەسكەرٸ باقىلايدى. 30 كم ايماقتىڭ قالعان بٶلٸگٸنە رەسەيدٸڭ ەسكەري پوليتسيياسى كٸرگٸزٸلەدٸ. ال كٷرد قارۋلى جاساقتارى بۇل ايماقتان كەتەدٸ.
ەردوعان 22 قازاندا سوچيگە بارىپ, پۋتينمەن كەلٸسسٶز جٷرگٸزگەن. التى ساعاتقا سوزىلعان كەلٸسسٶزدٸڭ نەگٸزگٸ تاقىرىبى - تٷركييانىڭ سيرييا سولتٷستٸگٸندەگٸ ەسكەري وپەراتسيياسى بولعان.
پۋتيننٸڭ سٶزٸنشە, ەكٸ تاراپ سيرييانىڭ سولتٷستٸگٸندەگٸ جاعدايدى قالىپقا تٷسٸرۋگە ارنالعان ٸس-قيمىلدارىن كەلٸسكەن. بۇل كەلٸسٸمدٸ رەسەي پرەزيدەنتٸ «اسا ماڭىزدى شەشٸم» دەپ اتادى.
ەردوعاننىڭ ايتۋىنشا, سيرييانىڭ تٷركييامەن ٸرگەلەس اۋماعىنداعى «قاۋٸپسٸز ايماققا» قازٸر تٷركييا اۋماعىندا جٷرگەن سيرييا بوسقىندارى ورنالاستىرىلۋى مٷمكٸن.
تٷركييا ەكٸ اپتا بۇرىن سيرييانىڭ سولتٷستٸگٸندەگٸ قارۋلى كٷرد جاساقتارىنا قارسى ەسكەري وپەراتسييا باستاعان. ەردوعاننىڭ اقش ۆيتسە-پرەزيدەنتٸ مايك پەنسپەن كەزدەسۋٸنەن كەيٸن جارييالانعان بەس كٷندٸك بٸتٸم ۋاقىتى اياقتالدى. سەيسەنبٸ كٷنٸ كٷرد جاساقتارى تٷركييامەن ٸرگەلەس اۋماقتان كەتكەنٸن مەلٸمدەدٸ. بۇل - تٷركييانىڭ ەسكەري وپەراتسييانى توقتاتۋ ٷشٸن قويعان شارتىنىڭ بٸرٸ بولاتىن.
تٷركييانىڭ ەسكەري وپەراتسيياسى باستالار قارساڭدا سيرييانىڭ تٷركييامەن شەكاراسى ماڭىن اقش ەسكەرٸ تاستاپ شىقتى. كٷردتەر باقىلايتىن اۋماقتىڭ بٸر بٶلٸگٸنە رەسەي قولدايتىن سيرييا پرەزيدەنتٸ باشار اساد ەسكەرٸ كٸردٸ.
