رەسەي پرەزيدەنتٸ ۆلاديمير پۋتين 7 قاڭتاردا سيرييا استاناسى داماسكٸگە ۇشىپ باردى. ونىڭ ول جاققا باراتىنى الدىن الا حابارلانبادى.
كرەملدٸڭ باسپاسٶز حاتشىسى دميتريي پەسكوۆكە سٸلتەمە جاساعان رەسەيدٸڭ اقپارات اگەنتتٸكتەرٸنٸڭ جازۋىنشا, پۋتين ەۋەجايدان تٷسە سالا بٸردەن رەسەيدٸڭ سيريياداعى ەسكەري كوماندالىق پۋنكتٸلەرٸنە بارعان. وندا سيرييا پرەزيدەنتٸ باشار اسادپەن كەزدەسكەن.
پەسكوۆتٸڭ ايتۋىنشا, پۋتين "سيرييانىڭ مەملەكەتتٸك جەنە تەرريتورييالىق تۇتاستىعىن قالپىنا كەلتٸرۋ جولىندا ٶتە كٶپ قادامدار جاسالعانىن" اتاپ ٶتكەن. اساد رەسەيگە كٶمەكتەسكەنٸ ٷشٸن العىس ايتقان.
پۋتيننٸڭ جانىندا رەسەيدٸڭ قورعانىس مينيسترٸ سەرگەي شويگۋ بولعان.
پۋتين سيريياعا تاياۋ شىعىستا جاعداي ۋشىققان شاقتا بارىپ وتىر. يسلام رەۆوليۋتسيياسى ساقشىلار كورپۋسىنىڭ "قۇدس كٷشتەرٸ" ارنايى جاساعىنىڭ قولباسشىسى سٷلەيماني 3 قاڭتاردا باعداتتاعى اقش-تىڭ ەۋە شابۋىلى كەزٸندە مەرت بولعان. ونى ٶلتٸرۋگە اقش پرەزيدەنتٸ دونالد ترامپ تٸكەلەي بۇيرىق بەرگەن. "قۇدس كٷشتەرٸ" يراننىڭ سىرتتاعى ەسكەري وپەراتسييالارىنا قاتىسقان. بۇعان دەيٸن اقش-تان "كەك الاتىنىن" مەلٸمدەگەن يران 8 قاڭتاردا اقش-تىڭ يراكتاعى بٸرقاتار نىساندارىن زىمىرانمەن اتقىلادى.
رەسەي سيياقتى يران دا قارۋلى وپپوزيتسييامەن كٷرەسٸپ جاتقان باشار اساد ەسكەرٸنە قولداۋ كٶرسەتٸپ كەلەدٸ. سيرييا اۋماعىندا "يسلام مەملەكەتٸ" تەرروريستٸك توبىمەن كٷرەسۋدٸ كٶزدەگەن اقش وداقتاستارى - سيرييالىق كٷردتەر مەن امەريكا ەسكەريلەرٸ دە بار. ولار ەلدٸڭ شىعىس اۋماعىنا شوعىرلانعان. پۋتيننٸڭ ٸسساپارى سٷلەيمانيگە شابۋىل جاسالعانعا دەيٸن جوسپارلاندى ما, جوق پا, بەلگٸسٸز.
8 قاڭتاردا رەسەي پرەزيدەنتٸ تٷركيياعا بارىپ, "تٷرٸك اعىسى" گاز قۇبىرىنىڭ اشىلۋىنا قاتىسادى.
- سيرييادا ازاماتتىق سوعىس 2012 جىلدان بەرٸ جالعاسىپ كەلەدٸ. رەسەي "تەرروريزممەن كٷرەس" ماقساتىندا 2015 جىلى 30 قىركٷيەكتە سيريياعا ەسكەر كٸرگٸزگەن. اساد ەسكەرٸ سيرييانىڭ باسىم بٶلٸگٸن باقىلاۋعا الا الدى. قۇقىق قورعاۋشىلار سيرييانىڭ ٷكٸمەت كٷشتەرٸ مەن رەسەي ەسكەريلەرٸنٸڭ وپەراتسيياسى كەسٸرٸنەن بەيبٸت تۇرعىندار جاپپاي قىرىلدى دەپ مەلٸمدەگەن.
- 2017 جىلى جەلتوقسان ايىندا سيريياعا بارعان كەزدە پۋتين ٷكٸمەت كٷشتەرٸنٸڭ جەڭٸسكە قول جەتكٸزگەنٸن ايتىپ, رەسەي ەسكەرٸن ەلدەن شىعاراتىنىن مەلٸمدەگەن. الايدا ەلٸ كٷنگە دەيٸن سيرييادا رەسەي بازاسى بار جەنە رەسەيلٸك ساربازدار ەسكەري وپەراتسييالارعا قاتىسىپ كەلەدٸ.
