رەسەي پرەزيدەنتٸ ۆلاديمير پۋتين سيريياداعى احۋالدى رەتتەۋ ٷشٸن كەلٸسسٶزدەر الاڭىن ۇسىنعان قازاقستانعا جەنە مەملەكەت باسشىسى نۇرسۇلتان نازارباەۆقا العىسىن بٸلدٸردٸ. ول قازاقستاننىڭ بۇل ايماقتىڭ قانداي دا بٸر ٸشكٸ شيەلەنٸستەرٸنە ەشقاشان ارالاسپاستان بەدەلدٸ بٸتٸمگەر بولعانىن ايتتى, دەپ حابارلايدى "ۇلت اقپارات" «قازاقپاراتقا» سٸلتەمە جاساپ.
سوچيدە ٶتكەن «ۆالداي» حالىقارالىق ديسكۋسسييالىق كلۋبىنىڭ وتىرىسى بارىسىندا قازاقستاننىڭ حالىقارالىق قاتىناستار جٶنٸندەگٸ كەڭەسٸنٸڭ تٶراعاسى ەرلان قارين رف باسشىسى ۆلاديمير پۋتيننەن سيريياداعى احۋالدى رەتتەۋ بويىنشا استانا پروتسەسٸنٸڭ ارالىق نەتيجەلەرٸ جٶنٸندە سۇرادى.
«سٸزبەن ٶتكەن جىلعى كەزدەسۋٸمٸز سيريياداعى احۋال, الەپپو اينالاسىنداعى جاعدايعا قاتىستى ٶتتٸ. بيىلعى جىلدىڭ باسىندا سيريياداعى احۋالدى رەتتەۋ بويىنشا استانا پروتسەسٸ ٸسكە قوسىلدى. العاش رەت قازاقستان ەلورداسى - استانادا قارسى كٷرەسۋشٸ ەرتٷرلٸ تاراپتاردىڭ, سونداي-اق اتالمىش پروتسەستٸڭ كەپٸلگەر ەلدەرٸ - رەسەي, تٷركييا جەنە يراننىڭ ٶكٸلدەرٸ كەلٸسسٶزدەر ٷستەلٸنە وتىردى. كەلٸسسٶزدەردٸڭ بٸرنەشە راۋندى ٶتتٸ, قۇجاتتار قابىلداندى. استانا پروتسەسٸنٸڭ ارالىق نەتيجەلەرٸنە قانداي باعا بەرەر ەدٸڭٸز? جەنە تاعى بٸر مەسەلە, قازٸر تاياۋ شىعىستاعى داعدارىس جاڭا رەڭك الىپ وتىرعانىن كٶرٸپ وتىرمىز. مەن ٶزٸڭٸز اتاپ ٶتكەن سولتٷستٸك يراكتاعى كٷردتەردٸڭ رەفەرەندۋمى, كەركۋكتەگٸ ەسكەري وپەراتسييا جەنە جالپى سيريياداعى ەسكەري احۋالدىڭ ٶزگەرۋٸ تۋراسىندا ايتىپ وتىرمىن. سيرييا داعدارىسىن رەتتەۋ كەلەشەگٸ قانداي جەنە تاياۋ شىعىستاعى جالپى احۋالدى قالاي باعالايسىز?», - دەدٸ ەرلان قارين.
«سيرييالىق رەتتەۋ جەنە استانا پروتسەسٸنە قاتىستى ايتار بولسام, ەڭ الدىمەن, قازاقستانعا جەنە پرەزيدەنت نازارباەۆقا بٸزگە جەنە وسى پروتسەستٸڭ ٶزگە قاتىسۋشىلارىنا استانا الاڭىن ۇسىنعانى ٷشٸن العىسىمدى بٸلدٸرەمٸن. قازاقستان جاي عانا باس قوساتىن جەر ەمەس. ول - ٶتە قولايلى الاڭ. مەن مۇندا قازاقستاننىڭ بەيتاراپ پوزيتسيياسىن, قازاقستاننىڭ بۇل ايماقتىڭ قانداي دا بٸر ٸشكٸ شيەلەنٸستەرٸنە ەشقاشان ارالاسپاعانىن, كەرٸسٸنشە, بەدەلدٸ بٸتٸمگەر بولىپ تابىلاتىنىن ايتىپ وتىرمىن. ايتا كەتەيٸن, پرەزيدەنت نازارباەۆ بارلىق شيەلەنٸسۋشٸ جەنە بٸتٸمگە كەلۋشٸ تاراپتاردى كەلٸسسٶزدەر ٷستەلٸنٸڭ باسىندا ۇستاپ قالۋ ٷشٸن بەلگٸلٸ بٸر جاۋاپكەرشٸلٸكتٸ ٶز موينىنا العان كەزدەر دە بولعان. سول ٷشٸن العىسىمىز شەكسٸز. استانا پروتسەسٸنٸڭ بەتالىسى وڭ, ەرينە, پروبلەمالار دا جوق ەمەس. بٸراق جالپى - پوزيتيۆتٸ», - دەپ جاۋاپ قايىردى ۆلاديمير پۋتين.
سونداي-اق رەسەي باسشىسى سيرييا بويىنشا ەڭ ماڭىزدى مەسەلەگە - قانتٶگٸستٸ توقتاتۋعا قول جەتكٸزۋ مٷمكٸن بولعانىن اتاپ ٶتتٸ.
«تٷركييا, يران جەنە سيرييا ٷكٸمەتٸنٸڭ ۇستانىمىنىڭ ارقاسىندا ٶزەكتٸ مەسەلەلەر بويىنشا پوزيتسييالاردى جاقىنداستىرۋعا مٷمكٸن بولدى, بۇل - قانتٶگٸستٸ توقتاتۋ. سونداي-اق دەەسكالاتسييا ايماقتارىن قۇرۋ, بۇل - سيرييا بويىنشا سوڭعى ەكٸ جىلداعى جۇمىستاردىڭ, سونىڭ ٸشٸندە استانا پروتسەسٸنٸڭ باستى جەتٸستٸگٸ. ايتا كەتەيٸن, استاناداعى كەلٸسسٶزدەرگە قاتىسپايتىن, بٸراق قاشىقتان قاتىسىپ وتىرعان جەنە بولىپ جاتقان پروتسەستەرگە ىقپال ەتەتٸن ٶزگە ەلدەر دە, سونىڭ ٸشٸندە اقش ايتارلىقتاي ٷلەستەرٸن قوسۋدا. بٸز امەريكالىق ەرٸپتەستەرمەن بۇل مەسەلە بويىنشا ٶزارا قارىم-قاتىناستامىز. ولار تۇراقتى, بٸراق وڭاي ەمەس, پٸكٸرتالاستار دا بولىپ تۇرادى. دەگەنمەن, بۇل ىقپالداستىقتىڭ نەگاتيۆتەن بۇرىن, پوزيتيۆتٸ تۇستارى كٶپ. وسى ۋاقىتقا دەيٸن بٸز كٶپ مەسەلە بويىنشا بٸر مەمٸلەگە قول جەتكٸزٸپ كەلدٸك, سونىڭ ٸشٸندە يزرايل مەن يوردانييا مەملەكەتتەرٸنٸڭ مٷددەلەرٸ بار دەەسكالاتسييانىڭ وڭتٷستٸك ايماعى بويىنشا. ەرينە, بۇل پروتسەسكە ساۋد ارابيياسى, مىسىر, يوردانييا, كاتار جەنە شاعىن, بٸراق ماڭىزى جوعارى كٶپتەگەن ٶزگە ەلدەردٸڭ وڭ ىقپالى تيٸپ وتىر», - دەدٸ ول.
اتالمىش مەسەلە بويىنشا پەرسپەكتيۆالارعا توقتالعان ۆ.پۋتين جاقىن ۋاقىتتا بۇل ايماقتا لاڭكەستەردٸڭ كٶزٸ جويىلاتىنىن ايتتى. سونىمەن قاتار, دەەسكالاتسييا ايماقتارىن قۇرۋدان كەيٸن كەلەسٸ كەزەڭگە ٶتۋ كٶزدەلٸپ وتىرعانىن جەتكٸزدٸ.
«بارلىق ەتنيكالىق جەنە دٸني توپتار, ٷكٸمەت پەن وپپوزيتسييا قاتىسۋ ٷشٸن سيرييا حالقىنىڭ كونگرەسٸن قۇرۋ يدەياسى بار. بۇل ساياسي رەتتەۋدٸڭ كەلەسٸ ماڭىزدى قادامى بولار ەدٸ», - دەپ تٷيدٸ رف پرەزيدەنتٸ.
