پۋتين داۋىس بەرۋدٸ 24 ماۋسىمدا ٶتكٸزۋ ۇسىنىلعانىن, بٸراق شارانى جەڭٸس كٷنٸ پارادىمەن قاتار قويعىسى كەلمەگەنٸن جەتكٸزدٸ. ەگەر داۋىس بەرۋ التى كٷن بۇرىن باستالسا, العاشقى كٷن 25 ماۋسىمعا كەلەدٸ.
روسپوترەبنادزور باسشىسى اننا پوپوۆا "كوروناۆيرۋس جۇقتىرعانداردىڭ تەمپٸ ازايىپ, ەپيدەمييانىڭ ەڭ قيىن شاعى ارتتا قالدى" دەپ, داۋىس بەرۋدٸ 1 شٸلدەدە ٶتكٸزۋگە كەلٸستٸ.
كونستيتۋتسييالىق ٶزگەرٸستەرگە داۋىس بەرۋ باستاپقىدا 22 سەۋٸرگە بەلگٸلەنٸپ, كوروناۆيرۋس پاندەميياسىنا بايلانىستى كەيٸنگە شەگەرٸلدٸ. ورتالىق سايلاۋ كوميسسيياسى داۋىس بەرۋگە دايىندىقتى 20 مامىردا باستادى.
- پۋتين كونستيتۋتسييانى ٶزگەرتۋدٸ قاڭتاردا ۇسىنعان. ول زاڭ تالاپ ەتپەسە دە, ٶزگەرٸستٸ بٷكٸل حالىقتىڭ داۋىسىنا سالاتىنىن مەلٸمدەگەن.
- ەگەر ٶزگەرٸس ماقۇلدانسا, رەسەي كونستيتۋتسيياسى بارلىق حالىقارالىق زاڭنان جوعارى تۇرماق. پرەزيدەنتتٸڭ وسىعان دەيٸنگٸ مەرزٸمدەرٸ تولىق جويىلادى. "بٸر پرەزيدەنت قاتارىنان ەكٸ مەرزٸمنەن ارتىق سايلانۋعا بولمايدى" دەگەن سٶيلەم الىنادى. ياعني, پۋتيننٸڭ سايلاۋعا تٷسۋٸنە جول اشىلادى. پرەزيدەنت ٶكٸلەتٸ ارتا تٷسەدٸ.
- ٶزگەرٸستە قۇدايعا سەنٸم, نەكە دەگەن ەيەل مەن ەركەكتٸڭ وداعى ەكەنٸ كٶرسەتٸلگەن. ال ورىس تٸلٸ "مەملەكەتتٸ قۇراۋشى حالىقتىڭ" تٸلٸ دەپ اتالعان.
- ٶزگەرٸستٸ فەدەراتسييا كەڭەسٸ, مەملەكەتتٸك دۋما ماقۇلداعان. ەندٸ ٶزگەرٸسكە حالىقتىڭ جارتىسىنان كٶبٸ قولداپ داۋىس بەرۋٸ تيٸس.
- بٸرقاتار وپپوزيتسييالىق ساياساتكەر داۋىس بەرۋگە بويكوت جارييالاۋعا شاقىردى. ولاردىڭ پايىمداۋىنشا, بيلٸك داۋىس بەرۋدٸ بۇرمالايدى. كەيبٸر وپپوزيتسييالىق ساياساتكەرلەر قارسى داۋىس بەرۋ كەرەك دەپ سانايدى.
