Pýtin daýys berýdi 24 maýsymda ótkizý usynylǵanyn, biraq sharany Jeńis kúni paradymen qatar qoiǵysy kelmegenin jetkizdi. Eger daýys berý alty kún buryn bastalsa, alǵashqy kún 25 maýsymǵa keledi.
Rospotrebnadzor basshysy Anna Popova "koronavirýs juqtyrǵandardyń tempi azaiyp, epidemiianyń eń qiyn shaǵy artta qaldy" dep, daýys berýdi 1 shildede ótkizýge kelisti.
Konstitýtsiialyq ózgeristerge daýys berý bastapqyda 22 sáýirge belgilenip, koronavirýs pandemiiasyna bailanysty keiinge shegerildi. Ortalyq sailaý komissiiasy daýys berýge daiyndyqty 20 mamyrda bastady.
- Pýtin Konstitýtsiiany ózgertýdi qańtarda usynǵan. Ol zań talap etpese de, ózgeristi búkil halyqtyń daýysyna salatynyn málimdegen.
- Eger ózgeris maquldansa, Resei Konstitýtsiiasy barlyq halyqaralyq zańnan joǵary turmaq. Prezidenttiń osyǵan deiingi merzimderi tolyq joiylady. "Bir prezident qatarynan eki merzimnen artyq sailanýǵa bolmaidy" degen sóilem alynady. Iaǵni, Pýtinniń sailaýǵa túsýine jol ashylady. Prezident ókileti arta túsedi.
- Ózgeriste Qudaiǵa senim, neke degen áiel men erkektiń odaǵy ekeni kórsetilgen. Al orys tili "memleketti quraýshy halyqtyń" tili dep atalǵan.
- Ózgeristi Federatsiia keńesi, Memlekettik dýma maquldaǵan. Endi ózgeriske halyqtyń jartysynan kóbi qoldap daýys berýi tiis.
- Birqatar oppozitsiialyq saiasatker daýys berýge boikot jariialaýǵa shaqyrdy. Olardyń paiymdaýynsha, bilik daýys berýdi burmalaidy. Keibir oppozitsiialyq saiasatkerler qarsy daýys berý kerek dep sanaidy.
