17 جەلتوقساندا مەسكەۋدە تٸكەلەي ەفير ەلەمەنتتەرٸمەن باسپاسٶز مەسليحاتىن ٶتكٸزگەن رەسەي پرەزيدەنتٸ ۆلاديمير پۋتين وپپوزيتسيونەر الەكسەي ناۆالنىيدى ۋلاعانداردىڭ ارتىندا اقش-تىڭ ارنايى قىزمەتٸ تۇر دەپ مەلٸمدەدٸ.
جۋرناليست سۇراعىنا جاۋاپ بەرگەن پۋتين ناۆالنىيدىڭ اتىن اتاماي, ونى "بەرلين ەمحاناسىنىڭ پاتسيەنتٸ" دەپ قانا سۋرەتتەدٸ. ول Bellingcat جەنە باسقا دا اقپارات قۇرالدارى بٸرلەسكەن زەرتتەۋدە ايتىلعان بولجامدى جوققا شىعارمادى. زەرتتەۋشٸلەر ناۆالنىيدىڭ رەسەيدەگٸ ساپارلارى كەزٸندە ونىڭ اينالاسىندا رەسەي فەدەرالدىق قاۋٸپسٸزدٸك بيۋروسىنىڭ ادامدارى جٷرەدٸ دەپ جازعان ەدٸ. پۋتيننٸڭ ايتۋىنشا, رەسەي ارنايى قىزمەتٸ ٶكٸلدەرٸن اقش ارنايى قىزمەتٸنٸڭ ادامدارى باقىلاپ وتىرادى, سوندىقتان ولاردىڭ تەلەفون قوڭىراۋلارى نەگە تىڭدالادى دەپ تاڭ قالۋدىڭ كەرەگٸ جوق. زەرتتەۋدٸڭ ٶزٸن پۋتين شەتەل ارنايى قىزمەتٸنٸڭ اقپاراتىن زاڭداستىرۋ دەپ سيپاتتادى. بۇل وپپوزيتسيونەردٸڭ ٶزٸ دە "اقش ارنايى قىزمەتٸنٸڭ قولداۋىنا سٷيەنەدٸ" دەگەنگە مەڭزەيدٸ, "دەمەك بٸزدٸڭ ارنايى قىزمەتتەر وعان باس-كٶز بولۋى كەرەك" دەدٸ رەسەي باسشىسى. "بۇل ونى ۋلاۋ كەرەك دەگەن سٶز ەمەس. ول كٸمگە كەرەك ٶزٸ? قالاساق, ٸستٸ اقىرىنا دەيٸن جەتكٸزگەن بولار ەدٸك" دەگەن پۋتين ناۆالنىيدى گەرمانييادا ەمدەۋگە جٸبەرۋگە ٶزٸ رۇقسات بەرگەنٸن مويىندادى.
بٸرنەشە جىل بۇرىن وپپوزيتسييالىق ساياساتكەر بوريس نەمتسوۆتى ٶلتٸرۋگە قاتىستى سۇراققا دا پۋتين وسىعان ۇقساس جاۋاپ قاتقان. "بۇل - كٸسٸنٸ ٶلتٸرۋ كەرەك دەگەن سٶز ەمەس" دەگەن ەدٸ ول.
رەسەي باسشىسىنىڭ ايتۋىنشا, Bellingcat جەنە باسقا ۇيىمدار زەرتتەۋٸنٸڭ باستى ماقساتى – ٶزٸن قوعام الدىندا ناۆالنىيمەن تەڭەستٸرٸپ كٶرسەتۋ.
زەرتتەۋدە ناۆالنىي اينالاسىندا جٷرگەن فەدەرالدىق قاۋٸپسٸزدٸك بيۋروسى ادامدارىنىڭ اراسىندا ۋلاۋ بويىنشا مامان بولدى دەگەن بولجام ايتقان. بۇدان بۇرىن گەرمانييالىق ماماندار وپپوزيتسييالىق ساياساتكەر الەكسەي ناۆالنىي "نوۆيچوك" دەگەن ۋمەن ۋلانعان دەگەن قورىتىندى جاساعان. ناۆالنىي ٶزٸنە قاستاندىق جاساماق بولدى دەپ پۋتيندٸ ايىپتاعان.
بيىل 20 تامىزدا تومسكٸدەن مەسكەۋگە ۇشىپ بارا جاتقان ۇشاقتا الەكسەي ناۆالنىيدىڭ حالٸ ناشارلاعان. ۇشاق تٶتەنشە جاعدايمەن ومسك قالاسىنا قونىپ, جەدەل جەردەم قىزمەتٸ ساياساتكەردٸ اۋرۋحاناعا الىپ كەتكەن. ساناۋلى كٷننەن سوڭ ەس-تٷسسٸز ناۆالنىيدى گەرمانيياعا جٶنەلتتٸ. گەرمانييالىق دەرٸگەرلەر ناۋقاس ارنايى ۋمەن ۋلانعانىن ايتتى.
