قازاقستاننىڭ تۇڭعىش پرەزيدەنتٸنٸڭ اتىنا ەلوردا كٷنٸ مەن نۇرسۇلتان نازارباەۆتىڭ 80 جىلدىق مەرەيتويىنا وراي كٶپتەگەن حاتتار كەلٸپ تٷسۋدە, - دەپ حابارلايدى elbasy.kz.
رەسەي فەدەراتسيياسىنىڭ پرەزيدەنتٸ ۆلاديمير پۋتين ەلباسىنا ارنايى بەينەقۇتتىقتاۋ جولدادى.
«مەن بٸزدٸڭ كٶپجىلدىق دوستىعىمىزدى قادٸرلەيمٸن جەنە ماقتان تۇتامىن. العاشقى كەزدەسۋٸمٸزدەن باستاپ ارامىزدا اشىقتىعىمەن جەنە كەز كەلگەن كٷردەلٸ مەسەلەلەردٸ بٸرلەسٸپ شەشۋگە دايىن بولۋىمىزبەن ەرەكشەلەنەتٸن شىنايى جولداستىق قارىم-قاتىناس ورنادى. سٸزدٸڭ دانالىعىڭىز بەن كٶرەگەندٸگٸڭٸزدٸ, زور جاۋاپكەرشٸلٸگٸڭٸز بەن سالماقتىلىعىڭىزدى, ٶمٸرلٸك جەنە باسقارۋ تەجٸريبەڭٸزدٸ بارشا جۇرت مويىندادى. سٸز ٶز ەلٸڭٸزدە جەنە رەسەيدە, سونداي-اق بٷكٸل ەلەمدە كٶرنەكتٸ مەملەكەت قايراتكەرٸ جەنە ناعىز كٶشباسشى رەتٸندە جوعارى بەدەلگە يە بولدىڭىز. وسى جىلداردىڭ ٸشٸندە سٸز ۇلتتىق كەلٸسٸمدٸ, تاريحي, مەدەني دەستٷرلەردٸ ساقتاي وتىرىپ, قازاقستاننىڭ تۇراقتى دامۋىنا, بولاشاققا نىق سەنٸممەن قادام باسۋىنا زور ەڭبەك سٸڭٸردٸڭٸز», - دەدٸ ۆلاديمير پۋتين.
ٶزبەكستان رەسپۋبليكاسىنىڭ پرەزيدەنتٸ شاۆكات ميرزييوەۆ ٶز حاتىندا مەملەكەت باسشىسى رەتٸندەگٸ ۇزاق مەرزٸمدٸ جەنە جەمٸستٸ قىزمەتٸ بارىسىندا ەلباسى تەك قازاقستاندا عانا ەمەس, حالىقارالىق ارەنادا دا زور قۇرمەت پەن بەدەلگە يە بولعانىن اتاپ ٶتتٸ.
«سٸز ەڭ كٷردەلٸ تاريحي كەزەڭدە ەلدٸ تيٸمدٸ باسقاردىڭىز, قازاقستاننىڭ جاڭا تاريحى مەن تاعدىرى سٸزدٸڭ اتىڭىزبەن تىعىز بايلانىستى. زور كٷش-جٸگەرٸڭٸزدٸڭ, پاراساتتى جەنە كٶرەگەن باسشىلىعىڭىزدىڭ ارقاسىندا قازاقستان رەسپۋبليكاسى ٶزٸنٸڭ ٷلكەن ەكونوميكالىق جەنە زيياتكەرلٸك ەلەۋەتٸن تيٸمدٸ پايدالانىپ, بٷگٸندە ەلەمدەگٸ ەڭ قارقىندى دامىپ كەلە جاتقان ەلدەردٸڭ بٸرٸنە اينالدى», - دەلٸنگەن جەدەلحاتتا.
يسپانييا كورولٸ فەليپە جەدەلحاتىندا نۇرسۇلتان نازارباەۆتىڭ قازاقستان رەسپۋبليكاسىنىڭ قالىپتاسۋى مەن دامۋىنا, حالىقتىڭ ەل-اۋقاتىن قامتاماسىز ەتۋگە قوسقان ٷلەسٸن ەرەكشە اتاپ ٶتتٸ.
«وسى مٷمكٸندٸكتٸ پايدالانا وتىرىپ, سٸزگە يسپانيياعا دەگەن ەرەكشە كٶڭٸلٸڭٸز بەن بٸزدٸڭ ەلدەرٸمٸزدٸڭ اراسىنداعى بەرٸك قاتىناستارعا قول جەتكٸزۋگە قوسقان جەكە ٷلەسٸڭٸز ٷشٸن العىس ايتامىن. سونداي-اق سٸزگە زور قۇرمەتٸمدٸ بٸلدٸرەمٸن», - دەلٸنگەن يسپانييا كورولٸنٸڭ قۇتتىقتاۋىندا.
موناكو كنيازٸ II البەر ەلباسىن مەرەيتويىمەن قۇتتىقتاپ, نۇرسۇلتان نازارباەۆقا جەنە قازاقستان حالقىنا مىقتى دەنساۋلىق پەن باق-بەرەكە تٸلەدٸ.
مولدوۆا رەسپۋبليكاسىنىڭ پرەزيدەنتٸ يگور دودون قازاقستاننىڭ تۇڭعىش پرەزيدەنتٸنٸڭ جوعارى ساياسي بەدەلٸ الداعى ۋاقىتتا دا ەلدٸڭ تۇراقتى دامۋىنا قىزمەت ەتەتٸنٸنە سەنٸم بٸلدٸردٸ.
چەحييا رەسپۋبليكاسىنىڭ پرەزيدەنتٸ ميلوش زەمان ٶزٸنٸڭ جەدەلحاتىندا نۇرسۇلتان نازارباەۆتىڭ تەۋەلسٸز قازاقستاننىڭ دامۋى جولىنداعى سٸڭٸرگەن ەڭبەگٸن اتاپ ٶتتٸ.
«30 جىلدىڭ ٸشٸندە سٸزدٸڭ باسشىلىعىڭىزبەن قازاقستان كٶپتەگەن جەتٸستٸككە قول جەتكٸزدٸ. بٸزدٸڭ ەلدەرٸمٸزدٸڭ اراسىندا ۇزاق ۋاقىتتان بەرٸ دوستىق قارىم-قاتىناستىڭ جالعاسىپ, كٶپتەگەن سالالارداعى ىنتىماقتاستىق ەكٸ جاققا دا پايداسىن تيگٸزە وتىرىپ, دامىپ جاتقاندىعىنا ٶتە قۋانىشتىمىن», - دەلٸنگەن ميلوش زەماننىڭ جەدەلحاتىندا.
اۋعانستان يسلام رەسپۋبليكاسىنىڭ پرەزيدەنتٸ اشراف عاني ٶز جەدەلحاتىندا ەلباسىنىڭ ەكٸجاقتى قاتىناستاردى دامىتۋعا جەنە مەملەكەتارالىق ىنتىماقتاستىقتى نىعايتۋعا قوسقان ەرەكشە ٷلەسٸن اتاپ ٶتتٸ.
يزرايل مەملەكەتٸنٸڭ پرەمەر-مينيسترٸ بينيامين نەتانياحۋ ەلباسىن مەرەيتويىمەن قۇتتىقتاپ, ەكٸ ەل اراسىنداعى قاتىناستاردىڭ ودان ەرٸ نىعايا تٷسەتٸنٸنە سەنٸم بٸلدٸردٸ.
«سٸزدٸڭ باسشىلىعىڭىزبەن قازاقستان رەسپۋبليكاسى كٶپسالالى ەكونوميكاسى بار زاماناۋي, جارقىن ەلگە اينالدى. بۇل شىن مەنٸسٸندە ورتالىق ازييا جەنە ودان تىس جەرلەر ٷشٸن ٶتە ماڭىزدى فاكتور. مەن سٸزگە ۇزاق عۇمىر, دەنساۋلىق پەن باق-بەرەكە تٸلەيمٸن», - دەلٸنگەن جەدەلحاتتا.
