رەسەي قىرعىزستاندا بولىپ جاتقان وقيعالارعا ايانىشپەن قاراپ الاڭدايدى, بٸراق پروتسەسكە ارالاسپايدى. 22 قازاندا "ۆالداي" كلۋبىنىڭ كەزەكتٸ وتىرىسى كەزٸندە رەسەي پرەزيدەنتٸ ۆلاديمير پۋتين وسىلاي دەپ مەلٸمدەدٸ.
"ول جاقتى قىرسىق شالدى, سايلاۋ دا, تٶڭكەرٸس تە - قىرعىز حالقىنا جابىسقان بەلە" دەدٸ پۋتين. ونىڭ سٶزٸنەن تاسس اگەنتتٸگٸ ٷزٸندٸ كەلتٸرەدٸ.
پۋتيننٸڭ پٸكٸرٸنشە, سىرتتان جاسالعان كەز كەلگەن ابايسىز قيمىل "جاس" مەملەكەتتەردٸڭ "جاڭادان قالىپتاسىپ كەلە جاتقان نەزٸك ەگەمەندٸك ينستيتۋتى مەن مەملەكەتتٸگٸنە" نۇقسان كەلتٸرەدٸ. "ادامداردىڭ ٶزدەرٸنە قوعام ٸشٸنەن وسى قاتىناستى قالىپتاستىرۋعا مٷمكٸندٸك بەرۋ كەرەك" دەيدٸ.
"ەرينە, ول جاقتا بولىپ جاتقان وقيعالارعا ايانىش بٸلدٸرمەي, الاڭداماي قاراۋ مٷمكٸن ەمەس. بٸراق بٸز ارالاسپايمىز. بٸز جەكەلەگەن ساياسي كٷشتەردٸ قولدامايمىز, اقىل-كەڭەسٸمٸزدٸ تىقپالاپ, ارالاسپايمىز. قىرعىزستاندا جاعداي قالىپقا كەلەدٸ, مەملەكەت اياعىنان تٸك تۇرىپ, دٷرٸلدەپ داميدى, ارا قاتىناسىمىز جاقسى كٷيدە قالادى دەپ ٷمٸتتەنەمٸز" دەدٸ ول.
قىرعىزستاندا 4 قازاندا ٶتكەن پارلامەنت سايلاۋىنان كەيٸن ساياسي داعدارىس ورناعان. پارلامەنت سايلاۋىنىڭ نەتيجەسٸن جويۋدى تالاپ ەتكەن نارازىلىقتىڭ سوڭى تەرتٸپسٸزدٸككە ۇلاستى. 6 قازانعا قاراعان تٷنٸ دەمونسترانتتار پارلامەنت پەن پرەزيدەنت اپپارات ورنالاسقان "اق ٷيدٸ" باسىپ الدى. بۇدان كەيٸن بٸشكەكتە تٷرلٸ ساياسي توپتار اراسىندا بيلٸككە تالاس كٷشەيدٸ. اقىرى ورتالىق سايلاۋ كوميسسيياسى پارلامەنت سايلاۋىنىڭ نەتيجەسٸن جويدى, پرەزيدەنت سوورونباي جەەنبەكوۆ وتستاۆكاعا كەتتٸ, ال دەمونسترانتتار تالابىمەن تٷرمەدەن شىققان سادىر جاپاروۆ ٷكٸمەت جەتەكشٸسٸ بولىپ سايلاندى. وعان پرەزيدەنت مٸندەتٸن اتقارۋ دا جٷكتەلدٸ.
قىرعىزستان بيلٸگٸ ەلدە جاعداي تولىق تۇراقتانعانىن ايتادى.
