رەسەي پرەزيدەنتٸ ۆلاديمير پۋتين قازاقستانمەن ەمبٸ پوليگونىن پايدالانۋ جەنە جالعا الۋ تۋرالى كەلٸسٸمدٸ توقتاتاتىن حاتتاماعا قول قويدى, - دەپ حابارلايدى ريا نوۆوستي.
بۇل پوليگون 1960 جىلى كسرو قورعانىس مينيسترلٸگٸ ەۋە قورعانىسى كٷشتەرٸنٸڭ ەسكەري تەحنيكا مەن قارۋ-جاراقتىڭ جاڭا تٷرلەرٸن سىناقتان ٶتكٸزۋ جەنە پايدالانۋ, وقۋ-جاتتىعۋ ٶتكٸزۋ الاڭى رەتٸندە قۇرىلعان. كەڭەس وداعى ىدىراعان سوڭ بۇل جەردٸ رەسەي تاراپى جالعا الىپ كەلدٸ. سونداي-اق, رەسەي تاراپى ەل ەكونوميكاسى ٷشٸن شامامەن جىلىنا 718 مىڭ اقش دوللارىن ٷنەمدەيتٸندەرٸن جارييالاعان. ەمبٸ پوليگونىنا قاراستى بولعان جەم قالاسىنداعى جىلجىمايتىن مٷلٸكتەر 2011 جىلى قايتارىلعان. ال پوليگون 2008 جىلدان بەرٸ بوس جاتقان.
قازاقستان رەسپۋبليكاسىنىڭ ٷكٸمەتٸ مەن رەسەي فەدەراتسيياسى ٷكٸمەتٸنٸڭ اراسىنداعى ەمبٸ سىناق پوليگونىن جالداۋ تۋرالى شارتتا جىل سايىنعى جالعا الۋ اقىسى 4,694 ميلليون اقش دوللارىنا بالامدى سومانى كٶرسەتٸلگەن. ەندٸ قۇجاتقا سەيكەس, 300 گەكتار جەر قازاقستانعا قايتارىلادى. حاتتاما ٶز كٷشٸن 2017 جىلدىڭ 1 قاڭتارىنان كٷشٸن جويادى.
ايتا كەتەيٸك, بيىل 5 سەۋٸردە قازاقستان پرەزيدەنتٸ نۇرسۇلتان نازارباەۆ ەمبٸ پوليگونىن رەسەيگە جالعا بەرۋ تۋرالى شارتتىڭ قولدانىسىن توقتاتۋ جٶنٸندەگٸ زاڭعا قول قويعان بولاتىن.
"مەملەكەت باسشىسى "1995 جىلعى 20 قاڭتارداعى قازاقستان رەسپۋبليكاسى مەن رەسەي فەدەراتسيياسى اراسىنداعى ەمبٸ پوليگونىن (5580 سىناق جۇمىستارىن قامتاماسىز ەتۋ بازاسى) پايدالانۋ جەنە جالعا بەرۋ شارتتارى تۋرالى كەلٸسٸمنٸڭ جەنە 1996 جىلعى 18 قازانداعى قازاقستان رەسپۋبليكاسىنىڭ ٷكٸمەتٸ مەن رەسەي فەدەراتسيياسى ٷكٸمەتٸنٸڭ اراسىنداعى ەمبٸ سىناق پوليگونىن (5580 سىناق جۇمىستارىن قامتاماسىز ەتۋ بازاسى) جالداۋ تۋرالى شارتتىڭ قولدانىسىن توقتاتۋ جٶنٸندەگٸ زاڭعا قول قويدى", - دەلٸنگەن ەدٸ اقوردانىڭ سايتىندا.
ال كەيٸن قورعانىس مينيسترٸنٸڭ ورىنباسارى وقاس ساپاروۆ رەسەيدٸڭ ەمبٸ پوليگونى تەرريتوريياسىندا قانداي سىناقتار جٷرگٸزگەنٸن ايتىپ بەرگەن ەدٸ. مينيستردٸڭ ورىنباسارى پوليگوننىڭ 1960 جىلى زەرتتەۋ جۇمىستارىن, جاتتىعۋلاردى جٷرگٸزۋ ٷشٸن قۇرىلعانىن ايتتى. "نەگٸزٸندە ول جاقتا قۇرلىق ەسكەرٸنٸڭ ەۋە شابۋىلىنا قارسى قارۋى قولدانىلدى. بارلىق راكەتا وتىنمەن اتىلادى, باسقا قارۋلارعا قاراعاندا مۇنىڭ تابيعاتقا زييانى جوق. سونىمەن قاتار, ٶتكەن جىلى بٸز ەكٸمدٸكپەن بٸرگە زەرتتەۋ جٷرگٸزدٸك, توپىراعىن تەكسەردٸك. زەرتحانا ساراپتاماسىنىڭ قورىتىندىسىندا نورمادان اساتىن جاعداي بولمادى", - دەگەن ەدٸ وقاس ساپاروۆ.
