Resei prezidenti Vladimir Pýtin Qazaqstanmen Embi poligonyn paidalaný jáne jalǵa alý týraly kelisimdi toqtatatyn hattamaǵa qol qoidy, - dep habarlaidy RIA Novosti.
Bul poligon 1960 jyly KSRO Qorǵanys ministrligi áýe qorǵanysy kúshteriniń áskeri tehnika men qarý-jaraqtyń jańa túrlerin synaqtan ótkizý jáne paidalaný, oqý-jattyǵý ótkizý alańy retinde qurylǵan. Keńes Odaǵy ydyraǵan soń bul jerdi Resei tarapy jalǵa alyp keldi. Sondai-aq, Resei tarapy el ekonomikasy úshin shamamen jylyna 718 myń AQSh dollaryn únemdeitinderin jariialaǵan. Embi poligonyna qarasty bolǵan Jem qalasyndaǵy jyljymaityn múlikter 2011 jyly qaitarylǵan. Al poligon 2008 jyldan beri bos jatqan.
Qazaqstan Respýblikasynyń Úkimeti men Resei Federatsiiasy Úkimetiniń arasyndaǵy Embi synaq poligonyn jaldaý týraly Shartta jyl saiynǵy jalǵa alý aqysy 4,694 million AQSh dollaryna balamdy somany kórsetilgen. Endi qujatqa sáikes, 300 gektar jer Qazaqstanǵa qaitarylady. Hattama óz kúshin 2017 jyldyń 1 qańtarynan kúshin joiady.
Aita keteiik, biyl 5 sáýirde Qazaqstan Prezidenti Nursultan Nazarbaev Embi poligonyn Reseige jalǵa berý týraly sharttyń qoldanysyn toqtatý jónindegi zańǵa qol qoiǵan bolatyn.
"Memleket basshysy "1995 jylǵy 20 qańtardaǵy Qazaqstan Respýblikasy men Resei Federatsiiasy arasyndaǵy Embi poligonyn (5580 synaq jumystaryn qamtamasyz etý bazasy) paidalaný jáne jalǵa berý sharttary týraly kelisimniń jáne 1996 jylǵy 18 qazandaǵy Qazaqstan Respýblikasynyń Úkimeti men Resei Federatsiiasy Úkimetiniń arasyndaǵy Embi synaq poligonyn (5580 synaq jumystaryn qamtamasyz etý bazasy) jaldaý týraly sharttyń qoldanysyn toqtatý jónindegi zańǵa qol qoidy", - delingen edi Aqordanyń saitynda.
Al keiin qorǵanys ministriniń orynbasary Oqas Saparov Reseidiń Embi poligony territoriiasynda qandai synaqtar júrgizgenin aityp bergen edi. Ministrdiń orynbasary poligonnyń 1960 jyly zertteý jumystaryn, jattyǵýlardy júrgizý úshin qurylǵanyn aitty. "Negizinde ol jaqta qurlyq áskeriniń áýe shabýylyna qarsy qarýy qoldanyldy. Barlyq raketa otynmen atylady, basqa qarýlarǵa qaraǵanda munyń tabiǵatqa ziiany joq. Sonymen qatar, ótken jyly biz ákimdikpen birge zertteý júrgizdik, topyraǵyn tekserdik. Zerthana saraptamasynyń qorytyndysynda normadan asatyn jaǵdai bolmady", - degen edi Oqas Saparov.
