رەسەي پرەزيدەنتٸ ۆلاديمير پۋتين رەسەيلٸك ينتەرنەت سەگمەنتٸن وقشاۋلاۋ تۋرالى زاڭعا قول قويدى. قۇقىقتىق اقپارات سايتىندا جارييالانعان قۇجات 1 قاراشادان باستاپ كٷشٸنە ەنەدٸ, دەپ حابارلادى ازاتتىق.
جوبا اۆتورلارى بۇعان دەيٸن قۇجات بٷكٸلەلەمدٸك ينتەرنەت اجىراپ قالعان جاعدايدا رەسەي ينتەرنەتٸنٸڭ تۇراقتى جۇمىس ٸستەۋٸن قامتاماسىز ەتەدٸ دەپ ايتقان. ونىڭ اتقارىلۋ بارىسىن روسكومنادزور قاداعالايدى, ال وپەراتور جەلٸلەرٸندە قورعاۋ قۇرالدارىن ورناتۋ مەن پايدالانۋ تەرتٸبٸن رەسەي ٷكٸمەتٸ بەكٸتپەك.
زاڭ جوباسى اۆتورلارىنىڭ ايتۋىنشا, قۇجات "2018 جىلى قىركٷيەك ايىندا قابىلدانعان اقش-تىڭ ۇلتتىق كيبەرقاۋٸپسٸزدٸگٸ بويىنشا ستراتەگيياسىنىڭ اگرەسسيۆتٸ سيپاتتارىن ەسكەرە وتىرىپ" ەزٸرلەنگەن.
زاڭ جوباسىنا قارسى ازاماتتار "اۆتونومدى جەلٸ" ينتەرنەتتە جاپپاي تسەنزۋرانىڭ پايدا بولۋىنا ىقپال ەتۋٸ مٷمكٸن دەپ قاۋٸپتەنەدٸ. حالىقارالىق قۇقىق قورعاۋ ۇيىمدارى ۆلاديمير پۋتيندٸ زاڭعا قول قويماۋعا شاقىرعان. "شەكاراسىز تٸلشٸلەر" جەنە Human Rights Watch ۇيىمدارىنىڭ بٸرٸگٸپ جاساعان مەلٸمدەمەسٸندە قۇجات رەسەي قول قويعان ادام قۇقىعى بويىنشا ەۋروپا كونۆەنتسيياسى مەن بۇۇ-نىڭ ازاماتتىق جەنە ساياسي قۇقىقتارى تۋرالى پاكتٸ شارتتارىن بۇزادى دەپ جازىلعان.
بۇعان دەيٸن بٸرقاتار ينتەرنەت-كومپانييالار دا قۇجاتتى سىناپ, ونىڭ اتقارىلۋى بارىسىندا قولدانىلاتىن تەحنولوگييا "سەرۆيس جۇمىسىن باياۋلاتادى" دەپ ەسكەرتكەن. زاڭعا قارسى كەيبٸر ازاماتتار كٶپ قارجىنى تالاپ ەتەتٸن زاڭ جوباسى ەرتە مە, كەش پە ٶزگە ماقساتتا قولدانىلۋى مٷمكٸن دەپ الاڭداعان.
