فوتو: قورعانىس مينيسترلٸگٸ
قۇرلىق ەسكەرلەرٸنٸڭ باس قولباسشىسى, گەنەرال-مايور مەرەكە كٷشٸكباەۆ وكق بريفينگٸندە ەسكەري قىزمەتكەرلەردٸڭ قازاسىنا قاتىستى تەرگەۋ نەتيجەلەرٸ تۋرالى ايتتى, دەپ حابارلايدى Ult.kz.
بۇل سارىٶزەكتە 14 قاڭتاردا قازا تاپقان داستان قۇرمانبەك پەن ٶتكەن جىلدىڭ قىركٷيەگٸندە ماڭعىستاۋدا قايتىس بولعان مارات بارقۇلوۆقا قاتىستى.
كٷشٸكباەۆتىڭ ايتۋىنشا, قىزمەتتٸك تەرگەۋ ونىڭ جەكە باقىلاۋىمەن جٷرگٸزٸلگەن. ەسكەري قۇقىق قورعاۋ ورگاندارى قىلمىستىق ٸس قوزعاعان, بٸراق تەرگەۋ مٷددەسٸنە ساي مەلٸمەتتەر جارييالاي المايدى.
تەرگەۋ بارىسىندا كومانديرلەردٸڭ جۇمىسىندا ولقىلىقتار بولعانى انىقتالدى دەپ وتىر گەنەرال-مايور. ونىڭ سٶزٸنشە ساربازدىڭ قىزمەتكە بەيٸمدەلۋٸ كەزٸندە قيىندىقتار تۋىنداعانىن باسشىلار ۋاقىتىلى بايقاماعان جەنە وعان قاجەتتٸ پسيحولوگييالىق قولداۋ كٶرسەتپەگەن.
سونىمەن قاتار, ۇجىمداعى, ونىڭ ٸشٸندە وفيتسەرلەر مەن سەرجانتتار اراسىنداعى قارىم-قاتىناستارداعى مەسەلەلەر نازاردان تىس قالعان. الايدا:
"كوماندير داستانمەن جەكە سٶيلەسٸپ, ونىڭ اتا-اناسىمەن بايلانىسقا شىقتىق. ولار بٶلٸمگە كەلٸپ, بالاسىمەن بٸرگە بٸر كٷن ٶتكٸزگەن جەنە قولداۋ كٶرسەتكەن. وسىدان كەيٸن جاۋىنگەردەن نەمەسە ونىڭ وتباسىنان شاعىم تٷسپەگەن", -دەپ وتىر ول.
گەنەرال-مايور مارات بارقۇلوۆتىڭ ٶلٸمٸنە دە تٷسٸنٸكتەمە بەردٸ. ەسكە سالساق, كٸنەلٸ دەپ تانىلعان ادام — ۆزۆود كومانديرٸ لەيتەنانت دامير دوسوۆ.
كٷشٸكباەۆ قارۋلى كٷشتەر وسىنداي جاعدايلارعا جەدەل ەرەكەت ەتۋ جەنە ولاردىڭ الدىن الۋ ٷشٸن بار كٷشٸن سالىپ جاتقانىن مەلٸمدەدٸ. الايدا جاستاردى پسيحولوگييالىق تۇرعىدان مىقتى ەتٸپ تەربيەلەۋدە كەشەندٸ جۇمىس قاجەت ەكەنٸن ايتتى.
"پسيحولوگييالىق قيىندىقتارى بار ەسكەري قىزمەتشٸلەر ەسكەري پسيحولوگتارعا كٶمەك سۇراپ جٷگٸنە بەرمەيدٸ. ٶكٸنٸشكە قاراي, مۇنداي مەسەلە بار. ەسكەري مەدەنيەتتە تاباندىلىق پەن جٸگەرلٸك جوعارى باعالانادى جەنە كٶبٸنەسە جاس ساربازدار وسىنى نەگٸزگە الادى. كٶمەك سۇراۋ ەلسٸزدٸك بەلگٸسٸ رەتٸندە قابىلدانۋى مٷمكٸن.
بٷگٸنگٸ تاڭدا بۇل مەسەلە تەك ەسكەري سالادا عانا ەمەس, جالپى قوعامدا, ونىڭ ٸشٸندە جاستار اراسىندا دا ٶزەكتٸ. كٶپتەگەن جاسٶسپٸرٸمدەر, جاس جٸگٸتتەر مەن قىزدار پسيحولوگتارعا جٷگٸنۋدەن نەمەسە مەديتسينالىق جەنە جالپى پسيحولوگييا قىزمەتتەرٸن پايدالانۋدان ۇيالادى.
پسيحولوگييالىق تۇراقتىلىقتىڭ تٶمەندٸگٸ مەن سترەسسپەن كٷرەسۋ داعدىلارىنىڭ بولماۋى قايعىلى وقيعالارعا ەكەلەتٸن نەگٸزگٸ فاكتور بولىپ وتىر", — دەدٸ ول بريفينگتە.
"سارباز ٶلٸمٸ سۋيتسيد پە?" دەپ ناقتىلاپ سۇراعان تٸلشٸگە قۇرلىق ەسكەرلەرٸنٸڭ باس قولباسشىسى "تەرگەۋ بارىسىندا انىقتالادى" دەپ جاۋاپ بەردٸ.
