Foto: Qorǵanys ministrligi
Qurlyq áskerleriniń bas qolbasshysy, general-maior Mereke Kúshikbaev OKQ brifinginde áskeri qyzmetkerlerdiń qazasyna qatysty tergeý nátijeleri týraly aitty, dep habarlaidy Ult.kz.
Bul Saryózekte 14 qańtarda qaza tapqan Dastan Qurmanbek pen ótken jyldyń qyrkúieginde Mańǵystaýda qaitys bolǵan Marat Barqulovqa qatysty.
Kúshikbaevtyń aitýynsha, qyzmettik tergeý onyń jeke baqylaýymen júrgizilgen. Áskeri quqyq qorǵaý organdary qylmystyq is qozǵaǵan, biraq tergeý múddesine sai málimetter jariialai almaidy.
Tergeý barysynda komandirlerdiń jumysynda olqylyqtar bolǵany anyqtaldy dep otyr general-maior. Onyń sózinshe sarbazdyń qyzmetke beiimdelýi kezinde qiyndyqtar týyndaǵanyn basshylar ýaqytyly baiqamaǵan jáne oǵan qajetti psihologiialyq qoldaý kórsetpegen.
Sonymen qatar, ujymdaǵy, onyń ishinde ofitserler men serjanttar arasyndaǵy qarym-qatynastardaǵy máseleler nazardan tys qalǵan. Alaida:
"Komandir Dastanmen jeke sóilesip, onyń ata-anasymen bailanysqa shyqtyq. Olar bólimge kelip, balasymen birge bir kún ótkizgen jáne qoldaý kórsetken. Osydan keiin jaýyngerden nemese onyń otbasynan shaǵym túspegen", -dep otyr ol.
General-maior Marat Barqulovtyń ólimine de túsinikteme berdi. Eske salsaq, kináli dep tanylǵan adam — vzvod komandiri leitenant Damir Dosov.
Kúshikbaev Qarýly Kúshter osyndai jaǵdailarǵa jedel áreket etý jáne olardyń aldyn alý úshin bar kúshin salyp jatqanyn málimdedi. Alaida jastardy psihologiialyq turǵydan myqty etip tárbieleýde keshendi jumys qajet ekenin aitty.
"Psihologiialyq qiyndyqtary bar áskeri qyzmetshiler áskeri psihologtarǵa kómek surap júgine bermeidi. Ókinishke qarai, mundai másele bar. Áskeri mádeniette tabandylyq pen jigerlik joǵary baǵalanady jáne kóbinese jas sarbazdar osyny negizge alady. Kómek suraý álsizdik belgisi retinde qabyldanýy múmkin.
Búgingi tańda bul másele tek áskeri salada ǵana emes, jalpy qoǵamda, onyń ishinde jastar arasynda da ózekti. Kóptegen jasóspirimder, jas jigitter men qyzdar psihologtarǵa júginýden nemese meditsinalyq jáne jalpy psihologiia qyzmetterin paidalanýdan uialady.
Psihologiialyq turaqtylyqtyń tómendigi men stresspen kúresý daǵdylarynyń bolmaýy qaiǵyly oqiǵalarǵa ákeletin negizgi faktor bolyp otyr", — dedi ol brifingte.
"Sarbaz ólimi sýitsid pe?" dep naqtylap suraǵan tilshige Qurlyq áskerleriniń bas qolbasshysy "tergeý barysynda anyqtalady" dep jaýap berdi.
