حالىققا پسيحيكالىق كٶمەك كٶرسەتۋ قولجەتٸمدٸ بولا تٷستٸ. بۇل تۋرالى قر دەنساۋلىق ساقتاۋ مينيسترلٸگٸنٸڭ رەسپۋبليكالىق پسيحيكالىق دەنساۋلىق عىلىمي-پراكتيكالىق ورتالىعى باس ديرەكتورىنىڭ مٸندەتٸن اتقارۋشى قۋانىش التىنبەكوۆ ٶڭٸرلٸك كوممۋنيكاتسييالار الاڭىندا ٶتكەن بريفينگٸدە مەلٸم ەتتٸ, دەپ حابارلايدى قازاقپارات.
10 قازان – حالىقارالىق پسيحيكالىق دەنساۋلىق كٷنٸ.
بيىل دٷنيەجٷزٸلٸك پسيحيكالىق دەنساۋلىق كٷنٸ «پسيحيكالىق دەنساۋلىق تۋرالى قامقورلىق بارلىعىنا: ونى شىندىققا اينالدىرايىق» ۇرانىمەن اتاپ ٶتٸلەدٸ.
قۋانىش التىنبەكوۆتىڭ ايتۋىنشا, ەلٸمٸزدە 17 ايماقتىق پسيحيكالىق دەنساۋلىق ورتالىعى, قالالىق ەمحانالاردىڭ قۇرىلىمىندا 82 العاشقى پسيحيكالىق دەنساۋلىق ورتالىعى, اۋداندىق دەڭگەيدە 201 پسيحيكالىق دەنساۋلىق بٶلمەسٸ قىزمەت ەتەدٸ.
«2018 جىلعا دەيٸن پسيحياتر دەرٸگەرلەردٸڭ قابىلداۋى تەك پسيحياترييالىق ۇيىمداردا جٷزەگە اسىرىلاتىن. 2021 جىلدىڭ 9 ايىندا العاشقى پسيحيكالىق دەنساۋلىق ورتالىقتارى مەن پسيحيكالىق دەنساۋلىق بٶلمەلەرٸنە كٶمەككە 297 464 ادام جٷگٸندٸ. كٶرٸپ وتىرعانىمىزداي, حالىققا كٶرسەتٸلەتٸن كٶمەك بۇرىنعىدان قولجەتٸمدٸ بولا تٷستٸ. بۇل, پسيحيكالىق دەنساۋلىق سالاسىندا ناۋقاسقا باعدارلانعان كٶمەك كٶرسەتۋ ٷلگٸسٸن جەتٸلدٸرۋدٸڭ ارقاسى», - دەدٸ ول.
سونىمەن قاتار ول پسيحيكالىق دەنساۋلىق ورتالىقتارىندا پسيحيكالىق اۋىتقۋى بار ادامدارعا 735 تٶسەك-ورىنعا ارنالعان 16 كٷندٸزگٸ ستاتسيونار جۇمىس ٸستەيتٸنٸن ايتتى.
بالالارعا كٶمەك كٶرسەتۋدٸ قولجەتٸمدٸ ەتۋگە ٷلكەن كٶڭٸل بٶلٸنٸپ وتىر.
«سوڭعى جىلدا 65 تٶسەك-ورىنعا لايىقتالعان بالالارعا ارنالعان 3 كٷندٸزگٸ ستاتسيونار بٶلٸمشەسٸ قۇرىلدى. قاراعاندى وبلىسى مەن شىمكەنت قالاسىندا اۋىسىمىنا 20 جٷگٸنۋدٸ قامتيتىن بالالارعا ارنالعان ەكٸ مەديتسينالىق-ەلەۋمەتتٸك وڭالتۋ بٶلٸمشەسٸ اشىلدى. وعان قوسا دەنساۋلىق ساقتاۋ ۇيىمدارىندا بالالار پسيحياترلارىنىڭ سانى ارتتى. بۇل كٶرسەتكٸش 2017 جىلعى 65-تەن 2020 جىلى 97-گە دەيٸن جەتتٸ», - دەدٸ سپيكەر.
قۋانىش التىنبەكوۆ پسيحيكالىق دەنساۋلىقتى بايىپتى قابىلداۋ قاجەت ەكەنٸن اتاپ ٶتتٸ.
«پسيحيكانىڭ بۇزىلۋىن ەمدەۋگە بولادى جەنە بۇل كٷردەلٸ: مۇندا دەرٸ-دەرمەكتەر, تەراپييا, فيزيكالىق بەلسەندٸلٸك جەنە تاعى باسقالار بار», - دەدٸ ول.
دەرٸگەرلٸك كادرلار بويىنشا 2021 جىلى 124 پسيحياتر دەرٸگەر رەزيدەنتۋرانى اياقتاپ, دەنساۋلىق ساقتاۋ ۇيىمدارىندا جۇمىس ٸستەۋگە كٸرٸسكەن.
