قازاقستان شەكاراسىن بۇزىپ ٶتكەن قىتاي ازاماتى, ەتنيكالىق قازاق سايراگٷل ساۋىتبايدىڭ سوتىندا پروكۋرور ونى قازاقستان اۋماعىنان شىعارماۋدى, جازاسىن جەڭٸلدەتٸپ, سوت زالىنان بوساتۋدى سۇرادى, دەپ حابارلايدى ازاتتىق.
جاركەنتتە ٶتٸپ جاتقان سوتتا پروكۋرور ارزىگٷل يمياروۆا ساۋىتبايدىڭ بالالارى قازاقستان ازاماتى ەكەنٸن, وسى ەلدە تۇراتىنىن جەنە بالالارىمەن كەزدەسۋٸن قامتاماسىز ەتۋ قاجەتتٸگٸن ايتتى. ول وسىعان بايلانىستى ەرٸ ساۋىتباي قىلمىسىن مويىنداعاندىقتان وعان قازاقستاننان شىعارۋ جازاسىن قولدانباۋدى سۇرادى.
"ٸس-ەرەكەتٸندە قىلمىستىق جازانى اۋىرلاتاتىن جاعدايلار بولماعاندىقتان, ونى قازاقستان قىلمىستىق كودەكسٸنٸڭ 392-بابى 1 بٶلٸگٸمەن ("مەملەكەتتٸك شەكارانى زاڭسىز قاساقانا كەسٸپ ٶتۋ" - رەد.) كٸنەلٸ دەپ تانىپ, التى ايعا باس بوستاندىعىنان ايىرۋ, بٸراق ونى شارتتى جازاعا اۋىستىرۋ جەنە التى اي پروباتسييالىق باقىلاۋعا الۋ جازاسىن كەسۋدٸ جەنە سوت زالىنان بوساتۋدى سۇرايمىن" دەدٸ پروكۋرور.
پروكۋروردان كەيٸن سٶيلەگەن سايراگٷل ساۋىتباي مەن ونىڭ ادۆوكاتى ابزال قۇسپان پروكۋرور سۇراعان جازامەن كەلٸسەتٸنٸن مەلٸمدەدٸ.
سۋديا سوت ٷكٸمٸ ساعات 15:30-دا وقىلاتىنىن ايتىپ, ٷزٸلٸس جارييالادى.
سايراگٷل ساۋىتبايعا قازاقستان قىلمىستىق كودەكسٸنٸڭ 392 - بابى ("شەكارانى زاڭسىز بۇزىپ ٶتۋ") بويىنشا ايىپ تاعىلعان. قازاقستان زاڭى بويىنشا, ول ايىپتى دەپ تانىلسا, ەلدەن شىعارىلۋى تيٸس.
سوت تەرگەۋٸ كەزٸندە سايراگٷل ساۋىتباي ٶزٸنە تاعىلعان ايىپتى تولىق مويىندايتىنىن ايتىپ, پروكۋرورمەن پروتسەسسۋالدىق كەلٸسٸم جاساسۋدى سۇراعان. ول ٶزٸنە قىتايدا "ساياسي قىسىم جاسالعاندىقتان شەكارادان زاڭسىز ٶتۋدەن ٶزگە جول قالماعانىن" مەلٸمدەگەن. ساۋىتبايدىڭ سٶزٸنشە, ول قىتايدا قۇپييا سانالاتىن "ساياسي ٷيرەنۋ ورتالىقتارىندا" جۇمىس ٸستەگەن, "مەملەكەت قۇپيياسىن ەشكەرەلەمەۋ" تۋرالى قولحات بەرگەن. سايراگٷل ساۋىتباي قىتايعا قايتارىلسا, ول ەلدە ٶزٸنە ٶلٸم جازاسى كەسٸلۋٸ مٷمكٸن ەكەنٸن, قازاقستاندا قانداي جازاعا دا كەلٸسەتٸنٸن مەلٸمدەگەن.
سايراگٷل ساۋىتبايدىڭ كٷيەۋٸ ۋەلي ٸسلەم بيىل مامىردا ەيەلٸن قازاقستان ۇلتتىق قاۋٸپسٸزدٸك كوميتەتٸنٸڭ قىزمەتكەرلەرٸ "قورعاس كەدەن بەكەتٸن زاڭسىز بۇزىپ ٶتتٸ" دەگەن ايىپپەن ۇستاعانىن حابارلاعان.
سايراگٷل ساۋىتبايدىڭ كٷيەۋٸ ۋەلي ٸسلەم مەن ەكٸ بالاسى قازاقستان ازاماتتىعىن العان. ەرلٸ-زايىپتى ۋەلي ٸسلەم مەن سايراگٷل ساۋىتباي ەكٸ بالاسىمەن بٸرگە قازاقستانعا 2016 جىلى كٶشٸپ كەلمەك بولعان.
