پروكۋرور بەس ادامدى اتىپ ٶلتٸرگەن دۋجنوۆتى ٶمٸر بويىنا باس بوستاندىعىنان ايىرۋدى سۇرادى

الماتى قالاسى پروكۋرورىنىڭ كٶمەكشٸسٸ ەلٸشەر مىرزاحانوۆ قالادا بەس ادامدى اتىپ ٶلتٸرگەن يگور دۋجنوۆتىڭ ٸسٸ بويىنشا پروتسەسكە مەملەكەتتٸك ايىپتاۋشى رەتٸندە قاتىسىپ, سوتتالۋشىنى بەس ادامدى اياۋسىز ٶلتٸرگەنٸ ٷشٸن كٸنەلٸ دەپ تانۋدى جەنە ونى ٶمٸر بويىنا باس بوستاندىعىنان ايىرۋدى تالاپ ەتتٸ, دەپ حابارلايدى Sputnik قازاقستان.

مەملەكەتتٸك ايىپتاۋشى جارىسسٶزدە نە ايتتى?

مەملەكەتتٸك ايىپتاۋشى ەلٸشەر مىرزاحانوۆتىڭ ايتۋىنشا, سوت وتىرىستارى بارىسىندا سوتتالۋشى يگور دۋجنوۆتىڭ ەكٸ پوليتسييا قىزمەتكەرٸ مەن جەكە سوت ورىنداۋشىسىن, جالپى العاندا بەس ادامدى ٶلتٸرگەنٸ تولىق دەلەلدەنگەن.

"دۋجنوۆ سوت شەشٸمٸنٸڭ ورىندالۋىنا بەلسەندٸ كەدەرگٸ كەلتٸردٸ, سودان كەيٸن ەبەنوۆ, سٷلەەۆ, بايعازيەۆ, تۇرعانوۆ, بەكتاشوعلىنى قاساقانا ٶلتٸردٸ, بۇل تەك كۋەگەرلەر مەن جەبٸرلەنۋشٸلەردٸڭ ايعاعىمەن عانا ەمەس, سونداي-اق بولعان وقيعا تٷسٸرٸلگەن ۆيدەومەن راستالدى. ( ... ) دەلەل جيىنتىعى ماعان دۋجنوۆتىڭ كٸنەسٸ تولىعىمەن دەلەلدەنگەنٸن جەنە ونىڭ قىلمىستىق ەرەكەتتەرٸنە تيٸستٸ قۇقىقتىق باعا بەرٸلگەنٸن ايتۋعا مٷمكٸندٸك بەرەدٸ. (...) دۋجنوۆتىڭ ٶز ەرەكەتٸنە قاتىستى ەشقانداي ٶكٸنٸشٸ جوق ەكەنٸن ەسكەرٸپ, سوت الدىندا ونى ەڭ ۇزاق مەرزٸمگە باس بوستاندىعىنان ايىرۋ تۋرالى ٶتٸنٸش جاساۋ قاجەت دەپ سانايمىن", - دەدٸ ول جارىسسٶزدە.

مەملەكەتتٸك ايىپتاۋشى يگور دۋجنوۆتى قازاقستاننىڭ قىلمىستىق كودەكسٸنٸڭ باپتارى بويىنشا كٸنەلٸ دەپ تانۋدى جەنە جازا تاعايىنداۋدى تالاپ ەتتٸ:

1. 172-باپ – "شەتەلدٸك قارۋلى قاقتىعىستارعا قاتىسۋ" – 7 جىل باس بوستاندىعىنان ايىرۋ;
2. 430-باپ 1-بٶلٸگٸ – "سوت ٷكٸمٸن, سوت شەشٸمٸن نەمەسە ٶزگە دە سوت اكتٸسٸن نە اتقارۋ قۇجاتتى ورىنداماۋ" – 3 جىل باس بوستاندىعىنان ايىرۋ;
3. 24-باپ 3-بٶلٸگٸ ("قىلمىسقا دايىندالۋ جەنە قىلمىسقا وقتالۋ) جەنە 99-بٶلٸم 2-بٶلٸگٸ 1 جەنە 6 تارماقتار ("باسقا ادامداردىڭ ٶمٸرٸ ٷشٸن قاۋٸپتٸ تەسٸلمەن جاسالعان ەكٸ جەنە ودان دا كٶپ ادامدى ٶلتٸرۋ") – 15 جىل باس بوستاندىعىنان ايىرۋ;
4. 408-باپ – "سوت تٶرەلٸگٸن نەمەسە سوتقا دەيٸنگٸ تەرگەپ-تەكسەرۋدٸ جٷزەگە اسىراتىن ادامنىڭ ٶمٸرٸنە قول سۇعۋ" – ٶمٸر بويى باس بوستاندىعىنان ايىرۋ;
5. 99-باپ 2-بٶلٸگٸ 1 جەنە 6-تارماقتار – "باسقا ادامداردىڭ ٶمٸرٸنە قاۋٸپتٸ تەسٸلمەن جاسالعان ەكٸ جەنە ودان دا كٶپ ادامدى ٶلتٸرۋ" – ٶمٸر بويى باس بوستاندىعىنان ايىرۋ;
6. 380-باپ – "بيلٸك ٶكٸلٸنە قاتىستى كٷش قولدانۋ" – ٶمٸر بويى باس بوستاندىعىنان ايىرۋ.

پروكۋرور دۋجنوۆقا مٷلكٸن تەركٸلەمەي, ٶمٸر بويىنشا باس بوستاندىعىنا ايىرۋ جازاسىن بەرۋدٸ سۇرادى. ونىڭ تٶتەنشە قاۋٸپتٸ دەڭگەيدەگٸ قىلمىستىق-اتقارۋ جٷيەسٸ مەكەمەسٸندە جازاسىن ٶتەۋٸن تالاپ ەتتٸ.

يگور دۋجنوۆتىڭ قولىنان قازا تاپقان سوت ورىنداۋشىسى, ەكٸ پوليتسييا قىزمەتكەرٸ جەنە ەكٸ ازاماتتىڭ تۋىستارى مەملەكەتتٸك ايىپتاۋشىنىڭ سوتتالۋشىعا ٶمٸر بويى باس بوستاندىعىنان ايىرۋ جازاسىن تاعايىنداۋ تۋرالى تالابىن قولدادى.

ولار سونداي-اق ايىپتالۋشىنى قىلمىس جاساۋعا يتەرمەلەگەن ادامدار رەتٸندە دۋجنوۆتىڭ ەيەلٸ انايد دەميرچيان مەن ونىڭ قىزى كارينە دۋجنوۆانى جاۋاپقا تارتۋ ٷشٸن بٸرنەشە رەت سوتقا جٷگٸندٸ.

دۋجنوۆ پەن ونىڭ ادۆوكاتىنىڭ پوزيتسيياسى

يگور دۋجنوۆتىڭ 2021 جىلدىڭ قىركٷيەگٸندە بەس ادامدى اتىپ ٶلتٸرگەنٸن ٶزٸن-ٶزٸ قورعاۋ دەپ اتادى.

"جەبٸرلەنۋشٸلەر, زاڭسىز مەنٸڭ ٷيٸمە كٸرگەندەر مەنٸڭ جاقىن ادامدارىمنىڭ قۇقىعىن بۇزعىسى كەلدٸ. ولاردى كٶشەگە زاڭسىز شىعارعىسى كەلدٸ. سول كەزدە دە, قازٸر دە بۇل زۇلىمدىقتى توقتاتۋدىڭ باسقا جولى جوق ەكەنٸن بٸلەمٸن. ٶز بالالارىمدى قورعاۋسىز قالدىرا المادىم. مەنٸڭشە, ەكەسٸنٸڭ بالاسىن ساتىپ كەتۋٸ – ەڭ قورقىنىشتى قىلمىس", - دەدٸ يگور دۋجنوۆ جارىسسٶز بارىسىندا.

ونىڭ بۇل ويىن قورعاۋشىسى دا قولدادى. ول بۇل قايعىلى وقيعاعا بانك قىزمەتكەرلەرٸ مەن ولاردىڭ سىبايلاستارىنىڭ زاڭسىز ەرەكەتٸ سەبەپ بولعانىن ايتادى.

"بانكتەر, ولاردىڭ قىزمەتكەرلەرٸ جەنە سەرٸكتەستەرٸ ەلٸمٸزدە قالاعانىن جاساي باستادى. حالىق بانكتەردٸڭ جەنە ولارعا جاقىن سوت ورىنداۋشىلارىنىڭ ەرەكەتتەرٸنەن زارداپ شەكتٸ جەنە شارشادى. ( ... ) قارجىلىق وليگارحييا مەن بانكتەردٸڭ سەرٸكتەستەرٸ بايىپ, ەلدٸڭ قاراپايىم حالقىنىڭ دەڭگەيٸ تٶمەندەدٸ. يگور دۋجنوۆتىڭ بەلسەندٸ قارسىلىعىنان كەيٸن عانا مەملەكەت بانك وليگارحيياسىنىڭ ەرەكەتٸ نەتيجەسٸندە پايدا بولعان قاتىگەز, ادامگەرشٸلٸككە جاتپايتىن تەجٸريبەنٸ جويا باستادى", - دەدٸ سوتتالۋشىنىڭ ادۆوكاتى نيكولاي حارچەنكو.

يگور دۋجنوۆتىڭ تاعى بٸر ادۆوكاتى – ەكاتەرينا بەزلاتنەۆا جارىسسٶز بارىسىندا تەرگەۋ-جەدەل توبىنىڭ قىزمەتكەرلەرٸ قىلمىس بولعان جەردە, سونداي-اق ٸس بويىنشا ودان ەرٸ تەرگەۋ بارىسىندا جاساعان بٸرقاتار بۇزۋشىلىقتى اتادى.

سوتتىڭ كەزەكتٸ وتىرىسى 21 سەۋٸردە ٶتەدٸ. سوتتالۋشى يگور دۋجنوۆ سوتتاعى سوڭعى سٶزٸن ايتادى.

الماتىداعى اتىس

2021 جىلدىڭ 20 قىركٷيەگٸ كەشكە الماتى تۇرعىنى يگور دۋجنوۆ وتباسىن ٷيدەن شىعارۋعا كەلگەن ادامدارعا وق اتتى. بەس ادام قايتىس بولدى: ەكٸ پوليتسەي, بٸر سوت ورىنداۋشىسى, ٷيدٸڭ جاڭا يەسٸ مەن ونىڭ ٶكٸلٸ.

كٷدٸكتٸنٸڭ وتباسىنا تيەسٸلٸ تۇرعىن ٷي ونىڭ الدىندا بانككە قارىز بويىنشا ٷشٸنشٸ تاراپقا ساتىلعان. ٷيدٸڭ بۇرىنعى يەسٸ سوت شەشٸمٸمەن كەلٸسپەي, ٷيدٸ بوساتقىسى كەلمەگەن.

سوتتا دۋجنوۆ ادامداردىڭ ٶلٸمٸنە بايلانىستى ٶكٸنەتٸنٸن ايتتى. ول مۇنداي جاعدايعا "زاڭسىزدىق پەن سوت وزبىرلىعى, سوت ورىنداۋشىسىنىڭ زاڭسىز ەرەكەتتەرٸ" سەبەپ بولعانىن ايتتى.

بۇعان دەيٸن الدىن الا سوت وتىرىسىندا باس پروكۋراتۋرا دۋجنوۆ قىلمىستى جوسپارلاعان, ول كارابيندٸ وقتاپ, گاراجعا جاسىرعان دەپ مەلٸمدەدٸ.

باس پروكۋراتۋرانىڭ قىلمىستىق قۋدالاۋ قىزمەتٸنٸڭ اعا پروكۋرورى شىڭعىسحان پۇسىرمانوۆتىڭ ايتۋىنشا, سوت ورىنداۋشىسى, ٷيدٸڭ جاڭا يەسٸ, ادۆوكاتتىڭ كٶمەكشٸسٸ اۋلاعا كٸرگە كەزدە دۋجنوۆ قارۋىن الۋعا بارعان.

تەرگەۋ دۋجنوۆتىڭ اۋلاسىنا كٸرگەن ادامداردى قابىرعاعا قاز-قاتار تۇرعىزىپ, بٸرٸنەن سوڭ بٸرٸن اتقانىن انىقتادى. سودان كەيٸن ول كٶشەگە شىعىپ, سول جەردە تۇرعان پوليتسييا قىزمەتكەرلەرٸنە وق جاۋدىرعان. بٸراق ولار كٶلٸكتٸڭ ارتىنا جاسىرىنىپ ٷلگەرگەن, ولاردىڭ بٸرٸ وق جاۋدىرعان ادامنىڭ قارۋىن تارتىپ الدى.

جالپى العاندا دۋجنوۆ كارابيننەن 10 رەت وق اتقان, ونىڭ ٸشٸندە توعىزىن سەگٸز سەكۋندتا اتتى.