قازاقستان باس پروكۋراتۋراسى "بانكتۇرانەلەم" اق-نىڭ بۇرىنعى باسقارما تٶراعاسى ەرجان تەتٸشەۆتٸڭ ٶلٸمٸ بويىنشا وپپوزيتسييالىق ساياساتكەر مۇحتار ەبليازوۆتٸڭ ٷستٸنەن سوتقا دەيٸنگٸ تەرگەۋ اياقتالعانىن حابارلادى.
پروكۋراتۋرا مەلٸمەتٸنشە, ەبليازوۆتٸڭ ٸسٸ قىلمىستىق كودەكستٸڭ 1997 جىلعى رەداكتسيياسىنىڭ 28-بابى 3-تارماعى (قىلمىس جاساۋدى ۇيىمداستىرعان نەمەسە ونىڭ ورىندالۋىنا باسشىلىق جاساعان ادام) جەنە 96-بابى 3-تارماعىنىڭ "ج" جەنە "ز" بٶلٸمدەرٸ (توپ بولىپ, الدىن الا سٶز بايلاسۋ ارقىلى, پايدا تابۋ ماقساتىمەن, سول سيياقتى جالدانىپ نە قاراقشىلىقپەن, قورقىتىپ الۋشىلىقپەن, يا بانديتيزممەن ۇشتاسقان جەكە ادامعا قارسى قىلمىس) بويىنشا دەرەجەلەنگەن.
ۆەدومستۆو حابارلاماسىندا كٷدٸكتٸ ەبليازوۆ پەن ونىڭ قورعاۋشىسىنا تەرگەۋ شارالارىنىڭ اياقتالىپ, ٸس ماتەريالدارىمەن تانىسۋ باستالعانىن ەسكەرتەدٸ.
"قىلمىستىق-پروتسەسسۋالدىق كودەكستٸڭ 296-بابىنا ساي, كٷدٸكتٸ مەن ونىڭ قورعاۋشىسى قىلمىستىق ٸس ماتەريالىمەن بٸرگە جەنە جەكەلەي تانىسۋعا, مەملەكەتتٸك نەمەسە زاڭمەن قورعالاتىن باسقا دا قۇپييالاردان ٶزگە كەز-كەلگەن مەلٸمەتتٸ شىعارىپ الۋعا حاقىلى" دەلٸنگەن پروكۋراتۋرا حابارلاماسىندا.
رەسمي مەلٸمەت بويىنشا, ەبليازوۆ بۇدان ٶزگە قوسىمشا تەرگەۋ امالدارىن جٷرگٸزۋ, يا بولماسا باسقا دا پروتسەسسۋالدىق شەشٸمدەر قابىلداۋ جەنە سوتتى القا سوتىنىڭ قاراۋى تۋرالى ٶتٸنٸش بەرە الادى.
قىلمىستىق ٸس ماتەريالىمەن تانىسۋ 2018 جىلى 5 قىركٷيەكتە باس پروكۋراتۋرانىڭ الماتىداعى ٶكٸلدٸگٸندە بولادى.
ەرجان تەتٸشەۆ 2004 جىلى اڭشىلىقتا جٷرگەندە وق تيٸپ ٶلگەن. سول كەزدە بۇنى سوت "جازاتايىم وقيعا" دەپ تانىپ, بانكيردٸڭ جانىندا بٸرگە بولعان كەسٸپكەر مۇراتحان توقمەديدٸ بٸر جىلعا سوتتاعان. بٸراق 2017 جىلى ٸس قايتا قارالىپ, مۇراتحان توقمەدي تەتٸشەۆتٸ "تۇران ەلەم" بانكٸن يەلەنۋدٸ كٶزدەگەن "مۇحتار ەبليازوۆتٸڭ تاپسىرىسىمەن ٶلتٸردٸم" دەگەن. سوت ونى 2018 جىلى ون جارىم جىلعا سوتتادى.
قازاقستان باس پروكۋراتۋراسى 4 سەۋٸردە مۇحتار ەبليازوۆتٸڭ ٷستٸنەن "بانكير ەرجان تەتٸشەۆتٸ ٶلتٸرۋدٸ ۇيىمداستىردى" دەگەن ايىپپەن قىلمىستىق ٸس قوزعاعان.
وسىدان كەيٸن مۇحتار ەبليازوۆ ازاتتىققا ەرجان تەتٸشەۆ ٶلٸمٸنە قاتىستى تەرگەۋگە جەنە سوتقا قاتىسۋعا دايىن ەكەنٸن مەلٸمدەگەن. ول سوتقا تەتٸشەۆ ٶلٸمٸنە قاتىسى بار دەپ سوتتالعان مۇراتحان توقمادي كەلسە عانا وتىرىستارعا ۆيدەو ارقىلى تٸكەلەي قوسىلاتىنىن ايتقان.
مۇحتار ەبليازوۆ 2009 جىلدان بەرٸ شەتەلدە تۇرادى, ٶزٸنە قاتىستى بارلىق ايىپتاۋلاردىڭ ساياسي سەبەبٸ بار دەپ سانايدى. قازاقستان سوتى ەبليازوۆتٸ "قىلمىستىق توپ قۇردى" جەنە "اقشا جىمقىردى" دەپ, 2017 جىلى سىرتتاي 20 جىلعا سوتتاعان.
